ವಿಶ್ವ ಪರಿಸರ ದಿನವೆಂದರೆ ಕೇವಲ ಜೂನ್ 5ರಂದು ಆಚರಿಸುವ ಒಂದು ದಿನವಲ್ಲ. ಅದು ನಮಗೆ ಪ್ರಕೃತಿ ಕೊಟ್ಟ ಎಚ್ಚರಿಕೆ ಪತ್ರ. ಶಾಲೆ ಆವರಣಗಳಲ್ಲಿ ಗಿಡ ನೀಡುವುದು, ಪರಿಸರ ಸಂರಕ್ಷಣೆ ಕಾರ್ಯಗಳನ್ನು ವಿದ್ಯಾಭ್ಯಾಸದ ಜತೆಗೆ ವಿದ್ಯಾರ್ಥಿಗಳು ಮೈಗೂಡಿಸಿಕೊಳ್ಳಬೇಕು. ಪರಿಸರ ಪ್ರಜ್ಞೆಯುಳ್ಳು ವಿದ್ಯಾರ್ಥಿಗಳು ಜವಾಬ್ದಾರಿಯುತ ನಾಗರಿಕರಾಗುತ್ತಾರೆ ಎಂದು ಸಮರ್ಪಣಾ ಟ್ರಸ್ಟ್ ಅಧ್ಯಕ್ಷ ಕೆ ಎಸ್ ಜಯಶಂಕರ್ ಹೇಳಿದರು.
ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣ ತಾಲೂಕು ಅಚ್ಚಪ್ಪನಕೊಪ್ಪಲು ಗ್ರಾಮದ ಉನ್ನತೀಕರಿಸಿದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವಿಶ್ವ ಪರಿಸರ ದಿನವನ್ನು ʼಪ್ರಕೃತಿ ರಕ್ಷಣಾ ಪ್ರತಿಜ್ಞೆʼಯೊಂದಿಗೆ ಅರ್ಥಪೂರ್ಣವಾಗಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
“ಪರಿಸರ ಸಂರಕ್ಷಣೆ ಈಗಿನ ವಿದ್ಯಾರ್ಥಿಗಳಿಗೆ ಪಠ್ಯದಷ್ಟೇ ಮುಖ್ಯವಾಗಬೇಕು. ಆಟ ಪಾಠಗಳ ಜತೆಗೆ ಪ್ರಾಯೋಗಿಕ ಕೆಲಸ. ಗಿಡ ನೆಡುವುದು, ಕಸ ವಿಂಗಡಿಸುವುದು, ನೀರು ಉಳಿಸುವುದು, ಪರಿಸರವನ್ನು ಉಳಿಸುವುದು ಒಂದು ವಿಷಯ ಅಲ್ಲ, ಒಂದು ಅಭ್ಯಾಸವಾಗಿ ನೋಡಿ. ವಿಜ್ಞಾನ, ಸಾಮಾಜಿಕ ಶಾಸ್ತ್ರದ ಪಾಠವನ್ನು ನಿಜ ಜೀವನದಲ್ಲಿ ಪ್ರಯೋಗಿಸುವ ಅವಕಾಶ ಸಿಗುತ್ತದೆ” ಎಂದು ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು.
ಇದನ್ನೂ ಓದಿದ್ದೀರಾ? ಈ ದಿನ ಇಂಪ್ಯಾಕ್ಟ್‌ | ದುರ್ನಾತ ಬೀರರುತ್ತಿದ್ದ ರಾಮದುರ್ಗ ತಹಶೀಲ್ದಾರ್ ಕಚೇರಿ ಆವರಣ ಸ್ವಚ್ಛತೆ
ಶಾಲಾ ಆವರಣದಲ್ಲಿ ಹೂ ಮತ್ತು ಹಣ್ಣಿನ ಸಸಿಗಳನ್ನು ನೆಡಲಾಯಿತು. ಕಾರ್ಯಕ್ರಮದಲ್ಲಿ ಶಾಲೆಯ ಮುಖ್ಯ ಶಿಕ್ಷಕಿ ಕೆ ಎಂ ವರಲಕ್ಷ್ಮಿ, ಸಹ ಶಿಕ್ಷಕಿಯರಾದ ಎಂ ಅನುಪಮ, ಎಲ್ ಅನಿತ, ಸಹ ಶಿಕ್ಷಕ ಮೋಹನ್, ಎಸ್ ಡಿ ಎಂ ಸಿ ಉಪ ಅಧ್ಯಕ್ಷೆ ಭವ್ಯ, ಅಂಗನವಾಡಿ ಕಾರ್ಯಕರ್ತೆ ಪ್ರೇಮಕುಮಾರಿ, ರೈತ ಹೋರಾಟಗಾರ ನದೀಮ್, ಪದ್ಮ ಸೇರಿದಂತೆ ಇತರರು ಇದ್ದರು.
