ಭಾರತದ 17 ವರ್ಷದ ಗ್ರ್ಯಾಂಡ್‌ ಮಾಸ್ಟರ್ ಡಿ ಗುಕೇಶ್ ಟೊರೊಂಟೊದಲ್ಲಿ ನಡೆದ ಕ್ಯಾಂಡಿಡೇಟ್ಸ್ ಚೆಸ್ ಟೂರ್ನಮೆಂಟ್ ಗೆಲ್ಲುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ.
ವಿಶ್ವ ಪ್ರಶಸ್ತಿಯನ್ನು ಗೆದ್ದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 40 ವರ್ಷಗಳ ಹಿಂದೆ ದಂತಕಥೆ ಗ್ಯಾರಿ ಕಾಸ್ಪರೋವ್ ಅವರು ನಿರ್ಮಿಸಿದ ದಾಖಲೆಯನ್ನು ಮೀರಿಸಿದ್ದಾರೆ.
ಚೆನ್ನೈ ಮೂಲದ 17 ವರ್ಷದ ಚೆಸ್ ಆಟಗಾರ ದೊಮ್ಮರಾಜು ಗುಕೇಶ್ ಚೆಸ್ ಆಡಿದ ಇತಿಹಾಸದಲ್ಲಿಯೇ ಈ ಪಂದ್ಯಾವಳಿ ಗೆದ್ದ ಮೊದಲ ಹದಿಹರೆಯದ ಆಟಗಾರ ಎನಿಸಿಕೊಂಡಿದ್ದಾರೆ.
17-year-old Indian prodigy 🇮🇳 Gukesh D makes history as the youngest-ever player to win the #FIDECandidates! 🔥
📷 Michal Walusza pic.twitter.com/xyAoRceiTE
— International Chess Federation (@FIDE_chess) April 22, 2024
ವಿಶ್ವ ಚಾಂಪಿಯನ್ ಸವಾಲನ್ನು ನಿರ್ಧರಿಸಲು ನಡೆಯುವ ಪಂದ್ಯಾವಳಿಯಲ್ಲಿ ಗುಕೇಶ್ 14 ನೇ ಮತ್ತು ಅಂತಿಮ ಸುತ್ತಿನಲ್ಲಿ ಅಮೆರಿಕದ ಹಿಕಾರು ನಕಮುರಾ ಅವರೊಂದಿಗೆ ಸುಲಭವಾಗಿ ಡ್ರಾ ಸಾಧಿಸಿದರು.
ಅಂತಿಮ ಸುತ್ತಿನಲ್ಲಿ 9/14 ಅಂಕ ಗಳಿಸುವ ಮೂಲಕ ಗುಕೇಶ್ ಮೊದಲ ಸ್ಥಾನ ಪಡೆದರು. ಇದರೊಂದಿಗೆ ವಿಶ್ವನಾಥನ್ ಆನಂದ್ ಬಳಿಕ ಕ್ಯಾಂಡಿಡೇಟ್ಸ್ ಗೆದ್ದ ಎರಡನೇ ಭಾರತೀಯ ಎಂಬ ಹಿರಿಮೆಗೆ ಪಾತ್ರರಾಗಿದ್ದಾರೆ. ಮುಂದೆ ವಿಶ್ವ ಚೆಸ್ ಚಾಂಪಿಯನ್ ಆಗುವತ್ತ ಮಹತ್ವದ ಹೆಜ್ಜೆ ಇಟ್ಟಿರುವ ಗುಕೇಶ್, ಈ ವರ್ಷದ ಕೊನೆಯಲ್ಲಿ ಚೀನಾದ ಚೆಸ್ ಗ್ರಾಂಡ್‌ಮಾಸ್ಟರ್‌ ಡಿಂಗ್ ಲಿರೆನ್ ಅವರನ್ನು ಎದುರಿಸಲಿದ್ದಾರೆ.
🇮🇳 Gukesh exiting the venue after winning the 2024 #FIDECandidates! 🔥 🤩 pic.twitter.com/REZMIfOO9q
— International Chess Federation (@FIDE_chess) April 22, 2024
ಡಿಂಗ್ ಲಿರೆನ್ ವಿರುದ್ಧ ಗೆದ್ದರೆ, ಗುಕೇಶ್ ಅವರು ಕಿರಿಯ ವಿಶ್ವ ಚಾಂಪಿಯನ್ ಆಗುವ ಅವಕಾಶ ಪಡೆಯುತ್ತಾರೆ. ಮ್ಯಾಗ್ನಸ್ ಕಾರ್ಲ್‌ಸೆನ್ ಮತ್ತು ಗ್ಯಾರಿ ಕಾಸ್ಪರೋವ್ ಅವರು ಈ ಹಿಂದೆ ತಮ್ಮ 22ನೇ ವರ್ಷ ವಯಸ್ಸಿನಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದರು.
17-year-old 🇮🇳 Gukesh has smashed Kasparov’s record as the youngest player to win the Candidates cycle and qualify for a match for the undisputed World Chess Championship title!#FIDECandidates pic.twitter.com/nIMH2SZTRO
— chess24 (@chess24com) April 22, 2024
ಗುಕೇಶ್ ಅವರು 88,500 ಯುರೋಗಳ (ಅಂದಾಜು ರೂ 78.5 ಲಕ್ಷ) ನಗದು ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಒಟ್ಟು ಬಹುಮಾನ ಮೊತ್ತವು 5,00,000 ಯುರೋಗಳು. ವಿಶ್ವನಾಥನ್ ಆನಂದ್ ನಂತರ ಪ್ರತಿಷ್ಠಿತ ಪಂದ್ಯಾವಳಿಯನ್ನು ಗೆದ್ದ ಎರಡನೇ ಭಾರತೀಯರಾದರು. ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಅವರ ಗೆಲುವು 2014ರಲ್ಲಿ ಬಂದಿತ್ತು.
ಗುಕೇಶ್ಗೆ ಇತಿಹಾಸ ಬರೆಯುವ ಅವಕಾಶ
17ನೇ ವಯಸ್ಸಿನಲ್ಲೇ ವಿಶ್ವ ಚೆಸ್ ಚಾಂಪಿಯನ್ಶಿಪ್ ಚಾಲೆಂಜರ್ ಪಂದ್ಯವಾಡಲು ಅವಕಾಶ ಪಡೆದಿರುವ ಡಿ ಗುಕೇಶ್ ಹಾಲಿ ವಿಶ್ವ ಚಾಂಪಿಯನ್ ಚೀನಾದ ಡಿಂಗ್ ಲಿರೆನ್ ವಿರುದ್ಧ ಗೆದ್ದರೆ ಹೊಸ ಇತಿಹಾಸ ನಿರ್ಮಾಣವಾಗಲಿದೆ.
The dream team! FIDE Candidates 2024 winner Gukesh with dad Rajinikanth, trainer Gajewski and sponsor Sandeep Singhal (WestBridge Capital).
Photo: Sagar Shah pic.twitter.com/1sCzBvOotm
— ChessBase India (@ChessbaseIndia) April 22, 2024
ಏಕೆಂದರೆ ವಿಶ್ವ ಚೆಸ್ ಚಾಂಪಿಯನ್ಶಿಪ್ ಗೆದ್ದರೆ ಈ ಪ್ರಶಸ್ತಿ ಪಡೆದ ವಿಶ್ವದ ಅತ್ಯಂತ ಕಿರಿಯ ಚೆಸ್ ಚತುರನೆಂಬ ಹೆಗ್ಗಳಿಕೆಗೆ ಗುಕೇಶ್ ಪಾತ್ರರಾಗಲಿದ್ದಾರೆ. ಸದ್ಯ ಈ ದಾಖಲೆ ರಷ್ಯಾದ ಚೆಸ್ ಚಾಣಕ್ಯ ಎನಿಸಿಕೊಂಡಿರುವ ಗ್ಯಾರಿ ಕಾಸ್ಪರೋವ್ ಹೆಸರಿನಲ್ಲಿದೆ.
1984 ರಲ್ಲಿ ವಿಶ್ವ ಚಾಂಪಿಯನ್ ಅನಾಟೊಲಿ ಕಾರ್ಪೋವ್ ವಿರುದ್ಧ ಗೆಲ್ಲುವ ಮೂಲಕ 22 ವಯಸ್ಸಿನ ಗ್ಯಾರಿ ಕಾಸ್ಪರೋವ್ ಈ ದಾಖಲೆ ನಿರ್ಮಿಸಿದ್ದರು. ಇದೀಗ 17ನೇ ವಯಸ್ಸಿನಲ್ಲೇ ವಿಶ್ವ ಚಾಂಪಿಯನ್ಗೆ ಸವಾಲೆಸೆಯುವ ಅವಕಾಶ ಪಡೆದಿರುವ ಡಿ ಗುಕೇಶ್ ಡಿಂಗ್ ಲಿರೆನ್ ವಿರುದ್ಧ ಗೆದ್ದರೆ ಹೊಸ ಇತಿಹಾಸ ನಿರ್ಮಾಣವಾಗಲಿದೆ.
India is exceptionally proud of @DGukesh on becoming the youngest-ever player to win the #FIDECandidates!
Gukesh’s remarkable achievement at the Candidates in Toronto showcases his extraordinary talent and dedication.
His outstanding performance and journey to the top… pic.twitter.com/pfNhhRj7W2
— Narendra Modi (@narendramodi) April 22, 2024
ಪಂದ್ಯ ನಂತರ ಮಾಧ್ಯಮ ಪ್ರತಿನಿಧಿಗಳಿಗೆ ಪ್ರತಿಕ್ರಿಯೆ ನೀಡಿದ ಗುಕೇಶ್ ಡಿ, “ಭಾರತದಲ್ಲಿ ಚೆಸ್ ವಿಜೃಂಭಿಸುತ್ತಿದೆ. ನಾವೆಲ್ಲರೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದೇವೆ. ಅಭ್ಯರ್ಥಿಗಳನ್ನು ಗೆಲ್ಲುವುದು ದೊಡ್ಡ ಸಾಧನೆಯಾಗಿದೆ” ಎಂದರು.
Congratulations to SDAT’s ELITE Sportsperson and Grandmaster @DGukesh on becoming the Champion of the #FIDECandidates Chess Tournament 2024.
The 17-year-old Chennai’s pride has made an incredible achievement for Indian Chess. After @vishy64theking, Gukesh is only the second… https://t.co/SRN4d55t8l
— Udhay (@Udhaystalin) April 22, 2024
ಗುಕೇಶ್ ಅವರ ಸಾಧನೆಗೆ ಪ್ರಧಾನಿ ನರೇಂದ್ರ ಮೋದಿ, ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್, ತಮಿಳುನಾಡು ಕ್ರೀಡಾ ಸಚಿವ ಉದಯನಿಧಿ ಸ್ಟಾಲಿನ್ ಸೇರಿದಂತೆ ಹಲವರು ಅಭಿನಂದನೆ ಸಲ್ಲಿಸಿದ್ದಾರೆ.
