ರಾಷ್ಟ್ರೀಯ ಪಲ್ಸ್ ಪೋಲಿಯೊ ಅಭಿಯಾನವನ್ನು ಜೂ.28 ರಿಂದ ಜು.1 ರವರೆಗೆ ನಾಲ್ಕು ದಿನ ದೇಶ್ಯಾದ್ಯಂತ ಹಮ್ಮಿ ಕೊಳ್ಳಲಾಗುತ್ತಿದ್ದು, ಜಿಲ್ಲೆ ಯಲ್ಲಿ ಐದು ವರ್ಷದೊಳಗಿನ ಒಟ್ಟು 2,03,443 ಮಕ್ಕಳಿಗೆ ಪೋಲಿಯೊ ಹನಿ ಹಾಕುವ ಗುರಿ ಹೊಂದಲಾಗಿದೆ ಎಂದು ಬಾಗಲಕೋಟೆ ಜಿಲ್ಲಾಧಿಕಾರಿ ಸಂಗಪ್ಪ ತಿಳಿಸಿದರು.
ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ರಾಷ್ಟ್ರೀಯ ಪಲ್ಸ್ ಪೋಲಿಯೊ ಕಾರ್ಯಕ್ರಮದ ಪೂರ್ವಭಾವಿ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, “ಜಿಲ್ಲೆಯಲ್ಲಿ 0-5 ವರ್ಷದೊಳಗಿನ ಎಲ್ಲ ಮಕ್ಕಳಿಗೂ ಪೊಲಿಯೊ ಲಸಿಕೆ ಹಾಕಲಾಗುತ್ತಿದೆ. ಇದಕ್ಕಾಗಿ 4,07,777 ಮನೆಗಳನ್ನು ಗುರುತಿಸಲಾಗಿದೆ. ನಗರ ಪ್ರದೇಶದ 68,969 ಹಾಗೂ ಗ್ರಾಮೀಣ ಪ್ರದೇಶದ 1,34,474 ಮಕ್ಕಳಿಗೆ ಹನಿ ನೀಡಲಾಗುತ್ತಿದೆ. 1,282 ಹನಿ ಹಾಕುವ ಕೇಂದ್ರಗಳನ್ನು ತೆರೆಯಲಾಗುವುದು. ಪೋಲಿಯೊ ಅಭಿಯಾನ ಯಶಸ್ವಿಗಾಗಿ 12,665 ಲಸಿಕೆ ನೀಡುವ ಸಿಬ್ಬಂದಿ ಮತ್ತು 265 ಸೂಪರ್‌ವೈಸರ್ ಗಳನ್ನು ನೇಮಿಸಲಾಗಿದೆ. ಅಲ್ಲದೆ, 63 ಮೊಬೈಲ್ ತಂಡ, 45 ಟ್ರಾನ್ಸಿಸ್ಟ್ ತಂಡಗಳು ಕಾರ್ಯ ನಿರ್ವಹಿಸಲಿವೆ” ಎಂದರು.
“ಜೂ.28 ರಂದು ಬೂತ್ ಮಟ್ಟದ ಹಾಗೂ 29 ಮತ್ತು 30 ರಂದು ಎರಡು ದಿನ ಗ್ರಾಮೀಣ ಪ್ರದೇಶಗಳಲ್ಲಿ, ಜೂ.29 ರಿಂದ ಜು.1 ರವರೆಗೆ ಮೂರು ದಿನ ನಗರ ಪ್ರದೇಶಗಳಲ್ಲಿ ಆರೋಗ್ಯ ಕಾರ್ಯ ಕರ್ತರು ಮನೆ ಮನೆಗೆ ಭೇಟಿ ನೀಡಿ ಮಕ್ಕಳಿಗೆ ಹನಿ ಹಾಕಲಿದ್ದು, ಎಲ್ಲ ತಂದೆ ತಾಯಂದಿರು ಮತ್ತು ಪೋಷಕರು ತಮ್ಮ ಮಕ್ಕಳಿಗೆ ತಪ್ಪದೇ ಹನಿ ಹಾಕಿಸುವ ಮೂಲಕ ಅಭಿಯಾನ ಯಶಸ್ವಿಗೊಳಿಸ ಬೇಕು” ಎಂದು ಹೇಳಿದರು.
