ತರೀಕೆರೆ ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಕಾಯ೯ನಿವ೯ಹಿಸುತ್ತಿರುವ ಆಡಳಿತ ವೈದ್ಯಾಧಿಕಾರಿಗಳು ಕಛೇರಿ ಕೆಲಸದಲ್ಲಿ ಮುಳುಗಿರುವ ಕಾರಣ ರೋಗಿಗಳು ಪರದಾಡುತ್ತಿದ್ದು, ಕೂಡಲೇ ಜಿಲ್ಲಾಧಿಕಾರಿಗಳು ಆ ಸ್ಥಾನಕ್ಕೆ ತಜ್ಙ ವೈದ್ಯರಲ್ಲದವರನ್ನು ನೇಮಿಸುವ ಮೂಲಕ ಸಮಸ್ಯೆ ಬಗೆಹರಿಸಲು ಪುರಸಭೆ ಸದಸ್ಯ ಟಿ. ದಾದಾ ಪೀರ್ ಒತ್ತಾಯಿಸಿದ್ದಾರೆ.
ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು ವೈದ್ಯಾಧಿಕಾರಿಗಳು ಕೆ. ಡಿ. ಪಿ. ಸಭೆ, ಕಚೇರಿ ಸಿಬ್ಬಂದಿಗಳ ಸಭೆ, ವಿಡಿಯೋ ಕಾನ್ಫರೆನ್ಸ್, ಕಡತಗಳ ಪರಿಶೀಲನೆ ಹಾಗೂ ಇನ್ನೀತರೆ ಇಲಾಖೆಯ ಕೆಲಸಗಳಲ್ಲಿಯೆ ತೊಡಗುತ್ತಿರುವುದರಿಂದ ಹೊರ ರೋಗಿಗಳು ವೈದ್ಯರ ಕೊಠಡಿಯ ಮುಚ್ಚಿರುವ ಬಾಗಿಲನ್ನು ನೋಡಿಕೊಂಡು ವಾಪಸ್ಸು ತೆರಳುತ್ತಿದ್ದಾರೆ. ಕಿವಿ, ಮೂಗು ಮತ್ತು ಗಂಟಲು ವಿಭಾಗದಲ್ಲಿ ಕಾಯ೯ ನಿವ೯ಹಿಸುತ್ತಿರುವ ವೈದ್ಯರ ಈ ಅಲಭ್ಯತೆ ಬಡ ರೋಗಿಗಳಲ್ಲಿ ಅಸಹನೆ ಮೂಡಿಸುತ್ತಿದೆ.
ಪಟ್ಟಣದಲ್ಲಿ ಖಾಸಗಿ ಆಸ್ಪತೆಗಳಲ್ಲು ಈ ರೋಗ ವಿಭಾಗದ ವೈದ್ಯರು ಇಲ್ಲದಿರುವ ಕಾರಣ ರೋಗಿಗಳು ಬೇರೆ ಪಟ್ಟಣಗಳಿಗೆ ಹೋಗುವ ಪರಿಸ್ಥಿತಿ ನಿರ್ಮಾಣವಾಗಿದೆ.
ದಿನ ನಿತ್ಯ ಮಕ್ಕಳು ಸೇರಿದಂತೆ ನೂರಾರು ಮಂದಿ ಈ ರೋಗ ವಿಭಾಗಕ್ಕೆ ತಪಾಸಣೆಗಾಗಿ ಆಸ್ಪತ್ರೆಗೆ ಬರುತ್ತಾರೆ
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ಅಕ್ರಮ ಮರಳು ಸಾಗಾಟ: ವಶಕ್ಕೆ ಪಡೆದ ಪೊಲೀಸರು
ಕಛೇರಿ ಕೆಲಸಗಳನ್ನು ನಿಭಾಯಿಸಲು ವೈದ್ಯರು ಪರದಾಡುತ್ತಿದ್ದು ರೋಗಿಗಳಿಗೆ ಸೇವೆ ಸಲ್ಲಿಸಲು ಸಾಧ್ಯವಾಗುತ್ತಿಲ್ಲ ಇದರಿಂದಾಗಿ ಸಾವ೯ಜನಿಕರು ಕಿರಿ ಕಿರಿ ಅನುಭವಿಸುತ್ತಿದ್ದಾರೆ . ಜಿಲ್ಲಾಧಿಕಾರಿಗಳು ಕೂಡಲೇ ಪಯಾ೯ಯ ವ್ಯವಸ್ಥೆಯನ್ನು ಮಾಡುವ ಮೂಲಕ ಸಮಸ್ಯೆ ಬಗೆಹರಿಸುವಂತೆ ಮನವಿ ಮಾಡಿದ್ದಾರೆ.
