ಪರಿಸರ ನಾಶ ಮಾಡಿ, ಗಣಿಗಾರಿಕೆ ನಡೆಸುತ್ತಿರುವವರ ಮೇಲೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿ ಕರ್ನಾಟಕ ಪ್ರಾಂತ ರೈತ ಸಂಘಟನೆ ನೇತೃತ್ವದಲ್ಲಿ ಗದಗ ಜೀಲ್ಲೆಯ ಗಜೇಂದ್ರಗಡ ಪಟ್ಟಣದ ತಹಶಿಲ್ದಾರರ ಕಚೇರಿ ಎದುರು ಪ್ರತಿಭಟನೆ ನಡೆಸಿ, ತಹಶಿಲ್ದಾರರ ಮೂಲಕ ಕಾರ್ಯದರ್ಶಿಗಳು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಬೆಂಗಳೂರು ಅವರಿಗೆ ಮನವಿ ಸಲ್ಲಿಸಲಾಯಿತು.
ಮನವಿ ಸಲ್ಲಿಸಿದ ನಂತರ ಕೆ.ಪಿ.ಆರ್.ಎಸ್ ಮುಖಂಡರು‌ಬಾಲು ರಾಠೋಡ್ ಮಾತನಾಡಿ, “ಜಿಲ್ಲೆಯ ಗಜೇಂದ್ರಗಡ ತಾಲೂಕಿನ ಕುಂಟೋಜಿ ವ್ಯಾಪ್ತಿಯಲ್ಲಿ ಬರುವ ಜೀಗೇರಿ/ವದೋಗೋಳ ಹದ್ದಿನಲ್ಲಿ ಅನಧಿಕೃತವಾಗಿ ಸರ್ಕಾರದ ಭೂಮಿ ಕಬಳಿಕೆ ಮಾಡಿ, ಗಣಿಗಾರಿಕೆ ನಡೆಯುತ್ತಿದೆ. ಸುಮಾರು ಕಡೆಗಳಲ್ಲಿ ಅನಧಿಕೃತವಾಗಿ ಕಾನೂನು ಬಾಹಿರವಾಗಿ ಪರಿಸರ ನಾಶ ಮಾಡಿ, ದಂಧೆಕೋರರು ಗಣಿಗಾರಿಕೆ ನಡೆಸುತ್ತಿದ್ದಾರೆ” ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
“ಇಷ್ಟೆಲ್ಲ ಅನಧಿಕೃತ ಗಣಿಗಾರಿಗೆ ತಾಲೂಕಿನಲ್ಲಿ ನಡೆಯುತ್ತಿದ್ದರು ಜಾನ ಕುರುಡರಂತೆ ತಾಲೂಕು ತಹಶೀಲ್ದಾರರು, ಪೋಲಿಸ್ ಇಲಾಖೆ ಕಣ್ಮುಚ್ಚಿ ಕುಳಿತಿದೆ. ಬದಲಾಗಿ ಮಧ್ಯವರ್ತಿಗಳಿಗೆ ಚೂ ಬಿಟ್ಟು ಅನಧಿಕೃತ ಗಣಿಗಾರಿಕೆಗಳಿಗೆ ಬೆಂಬಲ ನಿಡುತ್ತಿದ್ದಾರೆ. ಇದನ್ನು ಖಂಡಿಸಿ ಇಂದು ಕರ್ನಾಟಕ ಪ್ರಾಂತ ರೈತ ಸಂಘಟನೆ ವತಿಯಿಂದ ಸಂಬಂಧಪಟ್ಟ ಅಧಿಕಾರಿಗಳ ಮೇಲೆ ಕಾನೂನು ಕ್ರಮ ಕೈಗೊಳ್ಳಬೇಕು. ದಂಧೆಕೋರರ ಮೇಲೆ ಕ್ರೀಮಿನಲ್ ಪ್ರಕರಣ ದಾಖಲಿಸಬೇಕು” ಮನವಿ ಒತ್ತಾಯಿಸಿದರು.
ಮನವಿ ಸಂದರ್ಭದಲ್ಲಿ ಕರ್ನಾಟಕ ಪ್ರಾಂತ ರೈತ ಸಂಘ ದ ಮುಖಂಡರು ಪೀರು ರಾಠೋಡ, ರೂಪೇಶ್ ಮಾಳೋತ್ತರ, ಚನ್ನಪ್ಪ ಗುಗಳೋತ್ತರ, ವೀರೇಶ ರಾಠೋಡ, ಶೀವಪ್ಪ ಮಾಳೋತ್ತರ, ಪೀರವ್ವ ರಾಠೋಡ, ದೇವಕ್ಕ ಗೂಗಳೋತ್ತರ, ದೀಪಲೇಪ್ಪ ಮಾಳೋತ್ತರ, ವೀರೇಶ ಮಾಳೋತ್ತರ, ಪರಸ್ಪರ ರಾಠೋಡ, ಶೀವಪ್ಪ ರಾಠೋಡ, ಮೇಘಪ್ಪ ಅಜ್ಮೀರ್, ಮುತ್ತಪ್ಪ ರಾಠೋಡ ಸೇರಿದಂತೆ ಅನೇಕರಿದ್ದರು.
