‘ಕ್ರಾಂತಿಯ ಜ್ಯೋತಿ–ಪ್ರವಾದಿ ಮುಹಮ್ಮದ್ (ಸ)’ ಸೀರತ್ ಅಭಿಯಾನದ ಅಂಗವಾಗಿ ಜಮಾಅತೆ ಇಸ್ಲಾಮಿ ಹಿಂದ್ ಕಾಪು ಶಾಖೆ ಹಾಗೂ ಹೆಚ್.ಎಸ್.ಆರ್. ಕಾಪು ತಂಡದ ವತಿಯಿಂದ ಮಲ್ಲಾರ್‌ನಲ್ಲಿರುವ ಆಯುಷ್ ಕ್ಲಿನಿಕ್ ವಠಾರದಲ್ಲಿ ಸ್ವಚ್ಛತಾ ಕಾರ್ಯಕ್ರಮ ನಡೆಯಿತು.
ಕಾರ್ಯಕ್ರಮದ ಅಂಗವಾಗಿ ಕ್ಲಿನಿಕ್ ಆವರಣದಲ್ಲಿ ಬೆಳೆದಿದ್ದ ಅಳೆತ್ತರದ ಹುಲ್ಲನ್ನು ಕತ್ತರಿಸಿ, ಕಸ, ಕಡ್ಡಿ, ಪ್ಲಾಸ್ಟಿಕ್ ಚೀಲಗಳು ಹಾಗೂ ಬಾಟಲಿಗಳನ್ನು ಸಂಗ್ರಹಿಸಿ ವಿಲೇವಾರಿಗೆ ವ್ಯವಸ್ಥೆ ಮಾಡಲಾಯಿತು.
ಸ್ವಚ್ಛತಾ ತಂಡದ ನೇತೃತ್ವವನ್ನು ಜಮಾಅತೆ ಇಸ್ಲಾಮಿ ಹಿಂದ್ ಕಾಪು ಶಾಖೆಯ ಸ್ಥಾನೀಯ ಅಧ್ಯಕ್ಷ ಅನ್ವರ್ ಅಲಿ ಕಾಪು ಹಾಗೂ ಹೆಚ್.ಎಸ್.ಆರ್. ಕಾಪು ಗ್ರೂಪ್ ಲೀಡರ್ ಮುಹಮ್ಮದ್ ಅಲಿ ವಹಿಸಿದ್ದರು.
ಈ ಸಂದರ್ಭದಲ್ಲಿ ಮುಹಮ್ಮದ್ ಇಕ್ಬಾಲ್ ಸಾಹೇಬ್, ಅಬ್ದುಲ್ ಜಲೀಲ್, ಕಲೀಮುಲ್ಲಾ, ಮುಹಮ್ಮದ್ ಹಾಶಿಮ್ ಸಾಹೇಬ್, ಮುಹಮ್ಮದ್ ಶರೀಫ್ ಸಾಹೇಬ್, ಮುಹಮ್ಮದ್ ಅವ್ವಾಬ್, ಜೆಐಹೆಚ್ ಮಹಿಳಾ ಸಂಚಾಲಕಿ ಶೇಹೆನಾಜ್, ಆಯಿಷಾ ಶೈಮಾ, ಬೀಬಿ ಬತುಲ್ ರಿಯಾಜ್ ಹಾಗೂ ಹಮೀಮಾ ಮಸೂದ್ ಸೇರಿದಂತೆ ಹಲವರು ಸ್ವಚ್ಛತಾ ಕಾರ್ಯದಲ್ಲಿ ಕೈಜೋಡಿಸಿದರು.
