ಗ್ರಾಮ ಸಭೆ(ಹಳ್ಳಿಯ ವಿಧಾನಸಭೆ), ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಎಲ್ಲ ಯೋಜನೆಗಳ ಫಲಾನುಭವಿಗಳ ಆಯ್ಕೆ ಮಾಡುವುದನ್ನು ಬಿಟ್ಟು! ಶಾಸಕ ಕೇಂದ್ರಿತ ಆಡಳಿತ ನಡೆಸುತ್ತಿರುವ ನಿಮಗೆ 2028ರ ಚುನಾವಣೆಯಲ್ಲಿ ತಕ್ಕ ಪಾಠ ಕಲಿಸುವ ಲಕ್ಷಣಗಳು ಹೇರಳವಾಗಿ ಕಾಣಿಸುತ್ತಿವೆ. ಇತ್ತೀಚಿಗೆ ನಡೆದ ತಮಿಳುನಾಡು ಚುನಾವಣೆ ಫಲಿತಾಂಶ 2028ಕ್ಕೆ ಕರ್ನಾಟಕದಲ್ಲಿ ಬಂದರೂ ಆಶ್ಚರ್ಯವಿಲ್ಲ.
ಬುದ್ಧ, ಬಸವಣ್ಣ, ಅಂಬೇಡ್ಕರ್ ಅವರಂತಹ ವಿಚಾರಗಳನ್ನು ಓದಿಕೊಂಡು ಬೆಳೆದ ನನಗೆ ಇಂದಿನ ರಾಜಕೀಯ ನಡೆಗಳು ನಡುಕು ಹುಟ್ಟಿಸುವ ರೀತಿಯಲ್ಲಿದೆ. ಸಾಂವಿಧಾನಿಕ ಉಪಮುಖ್ಯಮಂತ್ರಿ ಸ್ಥಾನ ನೀಡಬೇಕೆಂದು ರಾಜ್ಯಾದ್ಯಂತ ಬೀದಿಗಿಳಿದು ಹೋರಾಟ ಮಾಡುತ್ತಿರುವ ಕಾರ್ಯಕರ್ತರಿಗೆ ಜಿಲ್ಲಾ, ತಾಲೂಕು, ಗ್ರಾಮ ಪಂಚಾಯಿತಿ ಚುನಾವಣೆಗಳ ಬಗ್ಗೆ ವಿಧಾನಮಂಡಲದಲ್ಲಿ ಚಕಾರ, ಶಬ್ದ ಎತ್ತಿ ಸ್ಥಳೀಯ ಸರ್ಕಾರಗಳ ರಚನೆಗೆ ಮುಂದಾಗದ ಶಾಸಕರ ಮೇಲೆ ಏಕಿಷ್ಟು ಪ್ರೀತಿ.. ಸರ್ಕಾರಕ್ಕಿಂತ ಸಂವಿಧಾನ ದೊಡ್ಡದು, ಪಾಳೆಗಾರಿಕೆಗಿಂತ ಪ್ರಜಾಪ್ರಭುತ್ವ ದೊಡ್ಡದು.
ಶಾಸಕರು ಹಾಗೂ ಸಂಸದರನ್ನು ಆಯ್ಕೆ ಮಾಡುತ್ತಿರುವುದು ಪಕ್ಷಗಳಾ? ಪಕ್ಷಗಳಿಗೆ ಹಣ ನೀಡುತ್ತಿರುವ ವ್ಯಾಪಾರಿಗಳಾ? ಅಥವಾ ಮತದಾರ ಪ್ರಭುಗಳಾ? ಎಂಬುದು ಯಕ್ಷಪ್ರಶ್ನೆಯಾಗಿ ಕಾಡುತ್ತಿದೆ.
ಚುನಾವಣೆ ಪೂರ್ವದಲ್ಲಿ ಮತಕ್ಷೇತ್ರಗಳಿಗೆ ಶಾಸಕ, ಸಂಸದ ಅಭ್ಯರ್ಥಿಗಳು ಯಾರಾಗಬೇಕು, ಟಿಕೆಟ್ ಯಾರಿಗೆ ನೀಡಬೇಕೆಂನ ನಿರ್ಧಾರವನ್ನು ಪಕ್ಷಗಳು ಮಾಡುತ್ತವೆ. ಪಕ್ಷಗಳಿಗೆ ಪಾರ್ಟಿ ನೀಡುವ ವ್ಯಾಪಾರಿಗಳು, ಪಕ್ಷಗಳನ್ನು ತಮ್ಮ ಅನುಕೂಲಕ್ಕೆ ತಕ್ಕಂತೆ ಬಳಸಿಕೊಳ್ಳುತ್ತವೆ. ಇದರಲ್ಲಿ ಪ್ರಜೆಗಳ ಪಾತ್ರ ಎಲ್ಲಿಂದ ಬಂತು ಇವಿಎಂ ಮಷೀನ್‌ಗಳ ಹಾಗೆ ಮತದಾರ ಪ್ರಭುಗಳನ್ನು ಮತದಾನದ ಮಷೀರ್‌ಗಳಾಗಿ ಬಳಸಿಕೊಳ್ಳುತ್ತಿದ್ದಾರೆ.
ಭಾರತದ ಒಕ್ಕೂಟ ವ್ಯವಸ್ಥೆಯಲ್ಲಿ ಗ್ರಾಮ ಸರ್ಕಾರ(ಪಂಚಾಯತ್)ಗಳು ಸ್ಥಳೀಯ ರಾಜಕೀಯ ಗರಡಿ ಮನೆಗಳು. ಗ್ರಾಮೀಣ ಮತ್ತು ಸಾಮಾನ್ಯ ಕುಟುಂಬದಿಂದ ದೇಶದ ರಾಜ್ಯದ ಉನ್ನತ ಹುದ್ದೆಗಳವರೆಗೆ ಏರಿದ ಪ್ರೇರಣಾದಾಯಕ ಗರಡಿ(ಪಂಚಾಯತ್) ಮನೆಗಳ ಬೀಗ ಹಾಕಿ ಅಧಿಕಾರಗಳ ಕೈಯಲ್ಲಿ ಬೀಗದ ಕೈ ನೀಡುವುದು ಯಾವ ನ್ಯಾಯ?
ಗ್ರಾಮಗಳು ಸ್ವಾವಲಂಬಿಯಾಗಬೇಕಾದರೆ ಉತ್ತಮ ಶಿಕ್ಷಣ, ಆರೋಗ್ಯದ ಜತೆಗೆ ವ್ಯಸನ ಮುಕ್ತ ಗ್ರಾಮಗಳನ್ನು ಕಟ್ಟಿಕೊಳ್ಳಲು ಸ್ಥಳೀಯ ಸರ್ಕಾರಗಳ ಜೀವಂತಿಕೆಯು ಪ್ರಮುಖ ಪಾತ್ರ ವಹಿಸುತ್ತದೆ. ಗ್ರಾಮ ಸಭೆ(ಹಳ್ಳಿಯ ವಿಧಾನಸಭೆ), ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಎಲ್ಲ ಯೋಜನೆಗಳ ಫಲಾನುಭವಿಗಳ ಆಯ್ಕೆ ಮಾಡುವುದನ್ನು ಬಿಟ್ಟು! ಶಾಸಕ ಕೇಂದ್ರಿತ ಆಡಳಿತ ನಡೆಸುತ್ತಿರುವ ನಿಮಗೆ 2028ರ ಚುನಾವಣೆಯಲ್ಲಿ ತಕ್ಕ ಪಾಠ ಕಲಿಸುವ ಲಕ್ಷಣಗಳು ಹೇರಳವಾಗಿ ಕಾಣಿಸುತ್ತಿವೆ. ಇತ್ತೀಚಿಗೆ ನಡೆದ ತಮಿಳುನಾಡು ಚುನಾವಣೆ ಫಲಿತಾಂಶ 2028ಕ್ಕೆ ಕರ್ನಾಟಕದಲ್ಲಿ ಬಂದರೂ ಆಶ್ಚರ್ಯವಿಲ್ಲ.
“ಕಾಂಗೈ ಕೊಚ್ಚೆಯಲ್ಲಿ ಒಂದು ಕಮಲ. ನಜೀರ ಸಾಬ್ 1976ರಲ್ಲಿ ಮೊದಲ ಬಾರಿಗೆ ವಿಧಾನ ಪರಿಷತ್ ಸದಸ್ಯರಾಗಿ ಪ್ರಸ್ತುತ 50 ವರ್ಷ ಕಳೆದಿವೆ. 2026ರ ಏಪ್ರಿಲ್ 24ರಂದು ಮೂರು ಹಂತದ ಪಂಚಾಯಿತಿಗಳಲ್ಲಿ ಜನಪ್ರತಿನಿಧಿಗಳಿಲ್ಲದೆ ನರಳುತ್ತಿರುವುದನ್ನು ʼಕರಾಳ ಪಂಚಾಯತ್ ದಿವಸʼ ಎಂದು ಕರೆಯಬಹುದು.
ಇದನ್ನೂ ಓದಿದ್ದೀರಾ? ಗ್ರಾಮ ಸ್ವರಾಜ್, ಪಂಚಾಯತ್ ರಾಜ್ ಕಾಯ್ದೆಗೆ ಬಿಡಿಗಾಸಿನ ಬೆಲೆ ನೀಡದ ಸರ್ಕಾರದ ನಡೆ ಖಂಡನೀಯ
ರಾಜ್ಯದ ಬಹುತೇಕ ಶಾಸಕರಿಗೆ ಅವರ ಮತಕ್ಷೇತ್ರ ವ್ಯಾಪ್ತಿಯಲ್ಲಿ ಸರಾಸರಿ 25ರಿಂದ 35 ಗ್ರಾಮ ಪಂಚಾಯಿತಿಗಳು ಬರುತ್ತವೆ. ಕೂಡಲೇ ಮೂರು ಪಕ್ಷದ ಶಾಸಕರು ಸ್ಥಳೀಯ ಹಂತದ ಚುನಾವಣೆ ನಡೆಸಲು ಪೂರಕ ವಾತಾವರಣ ಸೃಷ್ಟಿಸಿ, ಮಳೆಗಾಲದ ಅಧಿವೇಶನಕ್ಕೂ ಮೊದಲು ಪ್ರತಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಗ್ರಾಮ ಸಭೆಗಳನ್ನು ನಡೆಸಬೇಕು. ಜನರ ಬೇಡಿಕೆಗಳನ್ನು ಆಲಿಸಿ, ರಾಜ್ಯ ಸರ್ಕಾರದ ಯೋಜನೆಗಳನ್ನು ತಯಾರಿಸಿ ಸ್ಥಳೀಯ ಸರ್ಕಾರಗಳಿಗೆ ಚುನಾವಣೆಗಳನ್ನು ನಡೆಸುವ ಮೂಲಕ ಬಸವಣ್ಣ, ಅಂಬೇಡ್ಕರ್ ಅವರ ಆಶಯಗಳಂತೆ ನಡೆದುಕೊಳ್ಳಬೇಕು ಎಂಬುದು ಹಳ್ಳಿಗಳಲ್ಲಿನ ಮತದಾರ ಪ್ರಭುಗಳ ಮನದಾಳದ ಮಾತಾಗಿದೆ.
ಪ್ರದೀಪ ಚ ಪಾಟೀಲ್ ನಾಗರದಿನ್ನಿ
ಗ್ರಾಮ ಸ್ವರಾಜ್ಯ, ಕರ್ನಾಟಕ ರಾಜ್ಯ ಉಪಾಧ್ಯಕ್ಷರು
