ಮಣಿಪುರ ಮೂಲದ ಇಬ್ಬರು ಕುಕಿ ವಿದ್ಯಾರ್ಥಿ ನಾಯಕರನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್ಐಎ) ಮಿಜೋರಾಂನ ರಾಜಧಾನಿ ಐಜ್ವಾಲ್ನಲ್ಲಿ ಬಂಧಿಸಿದೆ. ಐಜ್ವಾಲ್ನ ಖಾಟ್ಲಾ ಪ್ರದೇಶದಲ್ಲಿರುವ ಹೋಟೆಲ್ ಒಂದರ ಮೇಲೆ ಗುರುವಾರ ದಾಳಿ ನಡೆಸಿದ ಎನ್ಐಎ ಅಧಿಕಾರಿಗಳು ಈ ಇಬ್ಬರು ವಿದ್ಯಾರ್ಥಿ ನಾಯಕರನ್ನು ವಶಕ್ಕೆ ಪಡೆದಿದ್ದಾರೆ.
ಈ ಕಾರ್ಯಾಚರಣೆಗೆ ಕೆಲವೇ ಗಂಟೆಗಳ ಮೊದಲು, ಎನ್ಐಎ ತಂಡವು ಅಸ್ಸಾಂ ರೈಫಲ್ಸ್ ಪಡೆಗಳ ಸಹಯೋಗದೊಂದಿಗೆ ಐಜ್ವಾಲ್ನ ಹೊರವಲಯದಲ್ಲಿ ‘ಯುನೈಟೆಡ್ ಕುಕಿ ನ್ಯಾಷನಲ್ ಆರ್ಮಿ’ (UKNA) ಮುಖ್ಯಸ್ಥ ಥಂಗ್ಖೋಮಾಂಗ್ ಹಾವೊಕಿಪ್ ಮತ್ತು ಆತನ ಚಾಲಕನನ್ನು ಬಂಧಿಸಿತ್ತು. ಈ ಬಂಧನದ ಬೆನ್ನಲ್ಲೇ ಕಾರ್ಯಾಚರಣೆ ತೀವ್ರಗೊಳಿಸಿದ ತನಿಖಾ ಸಂಸ್ಥೆ, ಹೋಟೆಲ್ನಲ್ಲಿ ತಂಗಿದ್ದ ವಿದ್ಯಾರ್ಥಿ ನಾಯಕರನ್ನೂ ವಶಕ್ಕೆ ತೆಗೆದುಕೊಂಡಿದೆ.
ಇದನ್ನೂ ಓದಿ: ಮಣಿಪುರ ಹಿಂಸಾಚಾರ | ಪ್ರತ್ಯೇಕ ರಾಜ್ಯಕ್ಕೆ ಪಟ್ಟು ಹಿಡಿದ ಕುಕಿ ಸಮುದಾಯ
ಬಂಧಿತ ಯುಕೆಎನ್ಎ ಮುಖ್ಯಸ್ಥ ಹಾವೊಕಿಪ್ ವಿರುದ್ಧ ಮಣಿಪುರದಲ್ಲಿ ಹಲವು ಅಪರಾಧ ಮತ್ತು ವಿಧ್ವಂಸಕ ಕೃತ್ಯಗಳ ಪ್ರಕರಣಗಳು ದಾಖಲಾಗಿವೆ. ಪ್ರಸ್ತುತ ಇಬ್ಬರು ವಿದ್ಯಾರ್ಥಿ ನಾಯಕರು ಹಾಗೂ ಹಾವೊಕಿಪ್ ಎನ್ಐಎ ವಶದಲ್ಲಿದ್ದು, ತನಿಖೆ ಮುಂದುವರಿದಿದೆ. ಆದರೆ, ಬಂಧಿತ ವಿದ್ಯಾರ್ಥಿ ನಾಯಕರ ಮೇಲಿರುವ ನಿರ್ದಿಷ್ಟ ಆರೋಪಗಳ ಕುರಿತು ಎನ್ಐಎ ಅಧಿಕಾರಿಗಳು ಇನ್ನು ಅಧಿಕೃತ ವಿವರ ನೀಡಿಲ್ಲ.
This video cannot be played in your browser. Open the video directly
ಈ ಕಾರ್ಯಾಚರಣೆಯಲ್ಲಿ ಸಬ್ಸಿಡಿಯರಿ ಇಂಟೆಲಿಜೆನ್ಸ್ ಬ್ಯೂರೋ (ಎಸ್ಐಬಿ) ಭಾಗಿಯಾಗಿದೆ ಎಂದು ಮೊದಲು ವರದಿಯಾಗಿತ್ತಾದರೂ, ಎನ್ಐಎ ಅಧಿಕಾರಿಗಳು ಅದನ್ನು ಸ್ಪಷ್ಟವಾಗಿ ನಿರಾಕರಿಸಿದ್ದಾರೆ.
