ಯುಕೊ ಬ್ಯಾಂಕ್ ನಲ್ಲಿ ಐಎಂಪಿಎಸ್ ವಹಿವಾಟುಗಳಲ್ಲಿ 820 ಕೋಟಿ ರೂ. ಅವ್ಯವಹಾರ ನಡೆದಿರುವ ಹಿನ್ನೆಲೆಯಲ್ಲಿ ರಾಜಸ್ಥಾನ ಹಾಗೂ ಮಹಾರಾಷ್ಟ್ರದ ಏಳು ನಗರಗಳ 67 ಸ್ಥಳಗಳಲ್ಲಿ ಕೇಂದ್ರೀಯ ತನಿಖಾ ದಳ ದಾಳಿ ನಡೆಸಿದೆ.
ಯುಕೊ ಬ್ಯಾಂಕ್ ಕಳೆದ ವರ್ಷದ ನವೆಂಬರ್ 10-13ರ ಅವಧಿಯಲ್ಲಿ ನಡೆಸಲಾದ 8,53,049 ಐಎಂಪಿಎಸ್ ವಹಿವಾಟುಗಳಲ್ಲಿ 41 ಸಾವಿರ ಯುಕೊ ಖಾತೆದಾರರಿಗೆ 820 ಕೋಟಿ ರೂ. ಹಣವನ್ನು ತಪ್ಪಾಗಿ ವರ್ಗಾವಣೆ ಮಾಡಲಾಗಿದೆ.
“ಏಳು ಖಾಸಗಿ ಬ್ಯಾಂಕುಗಳ 14,600 ಖಾತೆದಾರರಿಂದ 41 ಸಾವಿರ ಯುಕೊ ಬ್ಯಾಂಕ್ ಖಾತೆದಾರರಿಗೆ ಐಎಂಪಿಎಸ್ ವಹಿವಾಟುಗಳ ಮೂಲಕ ತಪ್ಪಾಗಿ ಹಣ ವರ್ಗಾವಣೆ ಮಾಡಲಾಗಿದೆ. ಇದರಿಂದಾಗಿ ಯುಕೊ ಬ್ಯಾಂಕ್ ಖಾತೆದಾರರು ತಮ್ಮ ಮೂಲ ಬ್ಯಾಂಕ್ನಿಂದ ಯಾವುದೇ ಡೆಬಿಟಿಂಗ್ ಇಲ್ಲದೆ 820 ಕೋಟಿ ರೂ. ಹಣ ಪಡೆದುಕೊಂಡಿದ್ದಾರೆ” ಎಂದು ದಾಳಿಗೆ ಸಂಬಂಧಿಸಿದಂತೆ ಸಿಬಿಐ ವಕ್ತಾರರು ತಿಳಿಸಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ವಿದೇಶಿ ಪ್ರವಾಸಿ ಮೇಲೆ ಅತ್ಯಾಚಾರ; ʼಅತಿಥಿ ದೇವೋಭವʼ ಎಂದ ದೇಶದಲ್ಲಿ ಇದೆಂಥಾ ಕ್ರೌರ್ಯ!
ರಾಜಸ್ಥಾನ ಹಾಗೂ ಮಹಾರಾಷ್ಟ್ರದಲ್ಲಿ ಹಣ ಸ್ವೀಕರಿಸಿದ ಹಾಗೂ ವಿತ್ಡ್ರಾ ಮಾಡಿಕೊಂಡ ಖಾತೆದಾರರು ಪುನಃ ಬ್ಯಾಂಕಿಗೆ ಮರಳಿಸಿಲ್ಲ. ಈ ಹಿನ್ನೆಲೆಯಲ್ಲಿ ದಾಳಿ ನಡೆಸಲಾಗಿದೆ. ಈ ಪ್ರಕರಣದಲ್ಲಿ ಎರಡನೇ ಬಾರಿ ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಸಿಬಿಐ ವಕ್ತಾರರು ಹೇಳಿದ್ದಾರೆ.
ಈ ಮೊದಲು ಡಿಸೆಬಂರ್ 2023ರಲ್ಲಿ ಕೊಲ್ಕತ್ತಾ ಮತ್ತು ಮಂಗಳೂರಿನ 13 ಸ್ಥಳಗಳಲ್ಲಿ ದಾಳಿ ನಡೆಸಲಾಗಿತ್ತು.
“ಕಾರ್ಯಾಚರಣೆ ಸಮಯದಲ್ಲಿ ಯುಕೊ ಬ್ಯಾಂಕ್ ಮತ್ತು ಐಡಿಎಫ್ಸಿ ಬ್ಯಾಂಕುಗಳಿಗೆ ಸಂಬಂಧಿಸಿದ ಅಂದಾಜು 130 ದೋಷಾರೋಪಣೆ ದಾಖಲೆಗಳು, 43 ಡಿಜಿಟಲ್ ಡಿವೈಸ್ಗಳನ್ನು ವಳಪಡಿಸಿಕೊಂಡು ವಿಧಿ ವಿಜ್ಞಾನ ಪರೀಕ್ಷೆಗೆ ಕಳಿಸಲಾಗಿದೆ. ಇದಲ್ಲದೆ 30 ಶಂಕಿತರು ಪತ್ತೆಯಾಗಿದ್ದು, ಅವರನ್ನು ಸ್ಥಳದಲ್ಲೆ ವಿಚಾರಣೆಗೊಳಪಡಿಸಲಾಗಿದೆ” ಎಂದು ಸಿಬಿಐ ವಕ್ತಾರರು ತಿಳಿಸಿದ್ದಾರೆ.
ಯುಕೊ ಬ್ಯಾಂಕ್ನಲ್ಲಿ ಅಕ್ರಮ ನಡೆಯುತ್ತಿರುವುದಾಗಿ ನವೆಂಬರ್ 2023ರಲ್ಲಿದೂರು ದಾಖಲಾಗಿತ್ತು.