ಇಂಗ್ಲೆಂಡ್ ಮತ್ತು ಆಸೀಸ್‌ ನಡುವಿನ ಪರ್ಥ್‌ನಲ್ಲಿ ನಡೆದ ಆ್ಯಶಸ್ ಸರಣಿಯ ಮೊದಲ ಟೆಸ್ಟ್‌ನಲ್ಲಿ ಆಸ್ಟ್ರೇಲಿಯಾ ಇಂಗ್ಲೆಂಡ್ ವಿರುದ್ಧ 8 ವಿಕೆಟ್‌ಗಳ ಅಂತರದಲ್ಲಿ ಭರ್ಜರಿ ಗೆಲುವು ಸಾಧಿಸಿದೆ. ಆರಂಭಿಕ ಹಾಗೂ ಸ್ಟಾರ್‌ ಆಟಗಾರ ಟ್ರಾವಿಸ್ ಹೆಡ್ ಅವರ ಸ್ಪೋಟಕ ಶತಕದಿಂದ ಸುಲಭವಾಗಿ ಜಯಗಳಿಸಿತು.
ಇಂಗ್ಲೆಂಡ್ ನೀಡಿದ್ದ 205 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಆಸೀಸ್‌ ಬಳಗ 28.2 ಓವರ್‌ಗಳಲ್ಲಿಯೇ ಗುರಿಮುಟ್ಟಿತು. ಟ್ರಾವಿಸ್ ಹೆಡ್ 83 ಎಸೆತಗಳಲ್ಲಿ 16 ಬೌಂಡರಿ 4 ಸಿಕ್ಸರ್‌ಗಳೊಂದಿಗೆ 123 ರನ್‌ ಪೇರಿಸಿದರು. ಇವರಿಗೆ ಮಾರ್ನಸ್‌ ಲಬುಶೇನ್ ಅಜೇಯ 51 ರನ್‌ಗಳ ಮೂಲಕ ಸಹಕಾರ ನೀಡಿದರು.
ಇಂಗ್ಲೆಂಡ್ ಎರಡೂ ಇನಿಂಗ್ಸ್‌ಗಳಲ್ಲಿ ಸಂಪೂರ್ಣವಾಗಿ ಕುಸಿದು 172 ಹಾಗೂ 164 ರನ್‌ಗಳನ್ನು ಮಾತ್ರ ಗಳಿಸಿತು. ಮಿಚೆಲ್ ಸ್ಟಾರ್ಕ್ ಮೊದಲ ದಿನವೇ 7 ವಿಕೆಟ್‌ಗಳನ್ನು ಕಬಳಿಸಿ ಇಂಗ್ಲೆಂಡ್‌ಗೆ ದೊಡ್ಡ ಆಘಾತ ನೀಡಿದರು.
ಇದನ್ನು ಓದಿದ್ದೀರಾ? ರಣಜಿ ಟ್ರೋಫಿ | ಚಂಡೀಗಢ ವಿರುದ್ಧ ಕರ್ನಾಟಕಕ್ಕೆ ಭರ್ಜರಿ ಜಯ; ಕ್ವಾರ್ಟರ್ ಫೈನಲ್ ಕನಸು ಜೀವಂತ
ಮೊದಲ ಇನಿಂಗ್ಸ್‌ನಲ್ಲಿ ಬೆನ್ ಸ್ಟೋಕ್ಸ್ ಒಳಗೊಂಡ ಇಂಗ್ಲೆಂಡ್ ಬೌಲರ್‌ಗಳು ಉತ್ತಮ ಪ್ರತಿರೋಧ ನಡೆಸಿದರು. ಬೆನ್ ಸ್ಟೋಕ್ಸ್ 5 ವಿಕೆಟ್‌ಗಳನ್ನು ತೆಗೆದು ಆಸ್ಟ್ರೇಲಿಯಾವನ್ನು 132 ಆಲೌಟ್‌ ಮಾಡಿದರು. ಆದರೆ ಆ ಲಾಭವನ್ನು ಬ್ಯಾಟ್ಸ್‌ಮನ್‌ಗಳು ಬಳಸಿಕೊಳ್ಳಲಿಲ್ಲ.
ಎರಡನೇ ಇನಿಂಗ್ಸ್‌ನಲ್ಲೂ ಇಂಗ್ಲೆಂಡ್ ಕೇವಲ 164 ಪತನಗೊಂಡಿತು. ಆಸೀಸ್‌ನ ಬೋಲಂಡ್ 4, ಸ್ಟಾರ್ಕ್ ಹಾಗೂ ಡಾಗೆಟ್‌ ತಲಾ 4 ವಿಕೆಟ್ ಕಬಳಿಸಿದರು.
ಎರಡೂ ಇನಿಂಗ್ಸ್‌ನಲ್ಲಿ 10 ವಿಕೆಟ್ ಕಬಳಿಸಿದ ಮಿಚೆಲ್ ಸ್ಟಾರ್ಕ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಎರಡನೇ ಟೆಸ್ಟ್ ಅಡಿಲೇಡ್‌ನಲ್ಲಿ ಡಿಸೆಂಬರ್ 4 ರಿಂದ ಆರಂಭವಾಗಲಿದೆ.
