ರಣಜಿ ಟ್ರೋಫಿ 2025–26 ರ ಸಾಲಿನ ಎಲೈಟ್ ಗ್ರೂಪ್ ‘ಬಿ’ಗುಂಪಿನ ಪಂದ್ಯದಲ್ಲಿ ಕರ್ನಾಟಕ ತಂಡ ಚಂಡೀಗಢ ತಂಡದ ವಿರುದ್ಧ ಇನಿಂಗ್ಸ್ ಮತ್ತು 185 ರನ್‌ಗಳ ಭರ್ಜರಿ ಗೆಲುವು ಸಾಧಿಸಿದೆ.
ಮೂರನೇ ದಿನದಲ್ಲಿ ಶ್ರೇಯಸ್ ಗೋಪಾಲ್ ಹಾಗೂ ಶಿಖರ್ ಶೆಟ್ಟಿ ಅವರ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನ ಕರ್ನಾಟಕವನ್ನು ಗೆಲುವನ್ನು ಸುಲಭವಾಗಿಸಿತು. ಈ ಜಯದಿಂದ ತಂಡದ ಕ್ವಾರ್ಟರ್ ಫೈನಲ್ ಅವಕಾಶಗಳು ಇನ್ನಷ್ಟು ಬಲಗೊಂಡಿವೆ.
ಕರ್ನಾಟಕ ಮೊದಲ ಇನಿಂಗ್ಸ್‌ನಲ್ಲಿ 547 ರನ್‌ಗಳ ದೊಡ್ಡ ಮೊತ್ತ ಕಲೆಹಾಕಿದ ನಂತರ, ಚಂಡೀಗಢ ತಮ್ಮ ಮೊದಲ ಇನಿಂಗ್ಸ್‌ನಲ್ಲಿ 222 ರನ್‌ಗಳಿಗೆ ಆಲೌಟ್‌ ಆಗಿ ಫಾಲೋ ಆನ್ ಪಡೆದ ನಂತರ ಎರಡನೇ ಇನಿಂಗ್ಸ್‌ನಲ್ಲಿ 140 ರನ್‌ಗಳಿಗೆ ಆಲೌಟ್‌ ಆಗಿ ಸೋಲು ಒಪ್ಪಿಕೊಂಡಿತು.
ಈ ಎರಡೂ ಇನಿಂಗ್ಸ್‌ಗಳಲ್ಲಿ ಕರ್ನಾಟಕದ ಬೌಲಿಂಗ್ ಅಮೋಘವಾಗಿತ್ತು. ಶ್ರೇಯಸ್ ಗೋಪಾಲ್ ಎರಡೂ ಇನಿಂಗ್ಸ್‌ಗಳಿಂದ ಒಟ್ಟು 10 ವಿಕೆಟ್‌ಗಳನ್ನು(7/73 ಮತ್ತು 3/45) ಕಬಳಿಸಿದರು. ಶಿಖರ್ ಶೆಟ್ಟಿ 7 ವಿಕೆಟ್‌ಗಳು (2/43 , 5/61) ಕಬಳಿಸಿ ಚಂಡೀಗಢವನ್ನು ಸಂಪೂರ್ಣವಾಗಿ ಕಟ್ಟಿ ಹಾಕಿದರು.
ಇದನ್ನು ಓದಿದ್ದೀರಾ? ಐಪಿಎಲ್ 2026: ಬೆಂಗಳೂರಿನಿಂದ ಎಲ್ಲ ಆರ್‌ಸಿಬಿ ಪಂದ್ಯಗಳು ಸ್ಥಳಾಂತರ
ಬ್ಯಾಟಿಂಗ್‌ನಲ್ಲಿ ಆರ್‌ ಸ್ಮರಣ್ ಅಜೇಯ 227 ರನ್‌ಗಳ ಅದ್ಭುತ ಇನಿಂಗ್ಸ್ ಆಡಿದರೆ, ಅನುಭವಿ ಕರುಣ್‌ ನಾಯರ್ 95 ಮತ್ತು ಶ್ರೇಯಸ್ ಗೋಪಾಲ್ 62 ರನ್‌ಗಳಿಂದ ಕರ್ನಾಟಕ ದೊಡ್ಡ ಮೊತ್ತ ಪೇರಿಸಿತು.
ಚಂಡೀಗಢ ಪರ ನಾಯಕ ಮನನ್ ವೋರಾ 106 ರನ್‌ಗಳ ಶತಕದೊಂದಿಗೆ ಮೊದಲ ಇನಿಂಗ್ಸ್‌ನಲ್ಲಿ ಹೋರಾಟ ಮಾಡಿದರು. ಆದರೆ ಎಸ್ ಗೋಪಾಲ್, ಶಿಖರ್ ಅವರ ಬೌಲಿಂಗ್ ದಾಳಿಗೆ ಉಳಿದ ಬ್ಯಾಟರ್‌ಗಳು ಸರದಿ ಸಾಲಿನಂತೆ ಪೆವಿಲಿಯನ್‌ ಕಡೆ ಹೆಜ್ಜೆ ಹಾಕಿದರು.
ಈ ದೊಡ್ಡ ಅಂತರದ ಗೆಲುವಿನಿಂದ 7 ಅಂಕ ಪಡೆದಿರುವ ಕರ್ನಾಟಕದ ಒಟ್ಟು ಅಂಕಗಳು 20ಕ್ಕೆ ಏರಿ ಗ್ರೂಪ್ ‘ಬಿ’ಯಲ್ಲಿ 2ನೇ ಸ್ಥಾನದಲ್ಲಿದೆ. ಮಧ್ಯಪ್ರದೇಶ (15 ಅಂಕ) ಅನ್ನು ಹಿಂದಿಕ್ಕಿದ ಕರ್ನಾಟಕ, ಉಳಿದ ಪಂದ್ಯಗಳಲ್ಲಿ ಗೆದ್ದರೆ ಕ್ವಾರ್ಟರ್ ಫೈನಲ್‌ಗೆ ಸುಲಭವಾಗಿ ಅರ್ಹತೆ ಪಡೆಯಬಹುದು. ಟಾಪ್-2 ತಂಡಗಳು ಮುಂದಿನ ಹಂತಕ್ಕೆ ಅರ್ಹವಾಗುವ ನಿಯಮದಂತೆ, ಕರ್ನಾಟಕದ ಅಂಕಗಳ ಪಟ್ಟಿಯಲ್ಲಿ ಉತ್ತಮವಾಗಿದೆ
