ಮಾಸ್ ಕಲ್ಚರ್ ಸಿನಿಮಾಗಳ ಹಾವಳಿಯ ನಡುವೆ ಬಾಲಿವುಡ್ ನಿರ್ದೇಶಕ ಪ್ರಿಯದರ್ಶನ್ ಹಾಗೂ ನಟ ಅಕ್ಷಯ್ ಕುಮಾರ್ ಭೂತ್ ಬಂಗ್ಲಾ ಸಿನಿಮಾದ ಜೊತೆ ತೆರೆ ಮೇಲೆ ಬರಲಿದ್ದಾರೆ. ಧುರಂದರ್ ಸಿನಿಮಾದ ಸದ್ದು ಗದ್ದಲದ ನಡುವೆ ಈ ಹಾಸ್ಯ ಪ್ರಧಾನ ಹಾರರ್ ಸಿನಿಮಾ ಸಿನಿ ಮಂದಿಯಲ್ಲಿ ಕುತೂಹಲ ಹುಟ್ಟಿಸಿದೆ.
ಧುರಂದರ್ 2 ಸಿನಿಮಾದ ಗೆಲುವಿನ ನಡುವೆ ಈ ಸಿನಿಮಾ ತೆರೆಕಾಣುತ್ತಿರುವ ಕುರಿತು ಯಾವ ಬಗೆಯ ಕಾಳಜಿ ಅಥವಾ ಅಸಮಧಾನಗಳಿಲ್ಲ ಎಂದು ಚಿತ್ರದ ನಿರ್ದೇಶಕ ಪ್ರಿಯದರ್ಶನ್ ಹೇಳಿದ್ದಾರೆ.
ಪಿಟಿಐ ಜೊತೆಗಿನ ಸಂದರ್ಶನದಲ್ಲಿ ಮಾತನಾಡಿದ ಅವರು ಈ ಸಿನಿಮಾ ಬಾಕ್ಸ್ ಆಫಿಸ್ ಸೂರೆಗೊಳ್ಳುತ್ತದೋ ಇಲ್ಲವೋ ಎಂಬುದರ ಕುರಿತು ನನಗೆ ಯಾವ ಚಿಂತೆಯು ಇಲ್ಲ. ಹಾರರ್ ಕಾಮಿಡಿ ಸಿನಿಮಾದ ಪ್ರೇಕ್ಷಕ ವರ್ಗ ದೊಡ್ಡದಿದೆ ಎಂದು ಹೇಳಿದ್ದಾರೆ. ಬಾರ್ಡರ್ ಅಥವಾ ದುರಂದರ್ ಸಿನಿಮಾದ ಕಂಟೆಂಟ್ ಈ ಚಿತ್ರದಲ್ಲಿ ಇಲ್ಲದಿರಬಹುದು ಆದರೆ ಜನರನ್ನು ಮನರಂಜಿಸುವ ಅವರಲ್ಲಿ ಕುತೂಹಲ ಉಳಿಸುವ ಸನ್ನಿವೇಶಗಳು ಇರುವ ಚಿತ್ರಗಳು ಜನರನ್ನು ತಲುಪುತ್ತವೆ ಎಂದಿದ್ದಾರೆ.
ಇತ್ತೀಚಿನ ಬಾಲಿವುಡ್ ಬಾಕ್ಸ್ ಆಫಿಸ್ ಹಿಟ್ ಚಿತ್ರಗಳಾದ ಬಾರ್ಡರ್ ಹಾಗೂ ಧುರಂದರ್ 2 ಕೋಟಿ ಕೋಟಿ ಗಳಿಸಿ ಭಾರತೀಯ ಸಿನಿಮಾದ ಬಿಗ್ ಹಿಟ್ ಚಿತ್ರಗಳ ಸರಣಿ ಸೇರಿದವು. ಬಾರ್ಡರ್ 464 ಕೋಟಿ ಗಳಿಸಿದರೆ, ಧುರಂದರ್ ಬಿಡುಗಡೆಯಾದ ದಿನಗಳಲ್ಲೇ 850 ಕೋಟಿ ಬಾಚಿಕೊಂಡಿದೆ.
ಇಂತಹ ಮಾಸ್ ಹಿಟ್ಗಳ ನಡುವೆ ತಾವು ನಿರ್ದೇಶಸಿರುವ ಭೂತ್ಬಂಗ್ಲಾ ಚಿತ್ರವು ಪ್ರೇಕ್ಷಕರಿಗೆ ಹಿಡಿಸುತ್ತದೆ. ಸ್ವಕುಟುಂಬ ಸಮೇತರಾಗಿ ಬಂದು ಸಿನಿಮಾ ನೋಡಲು ಯಾವ ಮುಜುಗರವೂ ಆಗದು ,ಪೋಷಕರು ಈ ಸಿನಿಮಾಗೆ ತಮ್ಮ ಮಕ್ಕಳನ್ನು ಕರೆದು ಕೊಂಡು ಬರುವುದು ಹೇಗೆ ಎಂಬ ಯೋಚನೆಯೆ ಬೇಡ ಎಂದಿದ್ದಾರೆ.
ನನ್ನ ಸಿನಿಮಾದಲ್ಲಿ ಡಬಲ್, ಮೀನಿಂಗ್ ಎನಿಸುವ ಯಾವ ಸಂಭಾಷಣೆಗಳು ದೃಷ್ಯಗಳು ಇಲ್ಲ. ಅಸಭ್ಯ ಎನಿಸುವ ಸೀನ್ಗಳು ಇಲ್ಲವೇ ಇಲ್ಲ. ಪೋಷಕರಿಗೆ ಚಿತ್ರಮಂದಿರದ ಒಳಗೆ ಮಕ್ಕಳ ಜೊತೆಗೆ ಕುಳಿತಾಗ ಮುಜುಗರ ಉಂಟಾಗುವ ಹಾಗೆ ಮಾಡಲಾರೆ. ನನ್ನ ಮೊದಲನೆಯ ಸಿನಿಮಾದಿಂದ ಇಲ್ಲಿಯವರೆಗೂ ಈ ಮಾತಿಗೆ ಬದ್ಧನಿದ್ದೇನೆ ಎಂದಿದ್ದಾರೆ.
ಸಿನಿಮಾದ ನಿರ್ಮಾಪಕ ಹಾಗೂ ನಿರ್ದೇಶಕ ಅಕ್ಷಯ್ ಕುಮಾರ್ ಮಾತನಾಡಿ ಸಿನಿಮಾ ವಿಭಿನ್ನ ಪ್ರೇಕ್ಷಕ ವರ್ಗವನ್ನು ಒಳಗೊಂಡಿದೆ. ಧುರಂದರ್ ಸಿನಿಮಾ ವಯಸ್ಕ ಪ್ರೇಕ್ಷಕರನ್ನು ಗಮನದಲ್ಲಿರಿಸಿ ಮೂಡಿ ಬಂದರೆ ಭೂತ್ಬಂಗ್ಲಾ ಮಕ್ಕಳು ಹಾಗೂ ಕುಟುಂಬದ ಎಲ್ಲಾ ಸದಸ್ಯರು ಒಟ್ಟಿಗೆ ಕುಳಿತು ನೋಡಬಹುದಾದ ಚಿತ್ರವಾಗಿದೆ. ನಾನು ಸಿನಿಮಾ ಆಯ್ಕೆ ಮಾಡುವಾಗ ಅದು ಯಾವ ವರ್ಗದ ಸಿನಿಮಾ ಎಂದು ನೋಡುವುದಿಲ್ಲ ಬದಲಿಗೆ ಕತೆಗೆ ನನ್ನ ಮೊದಲ ಆದ್ಯತೆ ಎಂದಿದ್ದಾರೆ.
ಉಳಿದಂತೆ ಸಿನಿಮಾವು ಏಪ್ರಿಲ್ 10 ರಂದು ತೆರೆ ಕಾಣಲಿದ್ದು ದಿವಂಗತ ನಟ,ನಿರ್ದೇಶಕ ಅಸರಾನಿ, ಹಿರಿಯ ಕಲಾವಿದರಾದ ನಟಿ ತಬು, ನಟ ಮಿಥುನ್ ಚಕ್ರವರ್ತಿ, ಹಾಗೂ ಉದಯೋನ್ಮುಖ ಕಲಾವಿದೆಯರಾದ ವಾಮಿಖ ಗಬ್ಬಿ, ಮಿಥಿಲಾ ಪಾಲಕರ್ ಇನ್ನಿತರ ಕಲಾವಿದರನ್ನು ಚಿತ್ರ ತಂಡ ಒಳಗೊಂಡಿದೆ.
