ರಾಜ್ಯದಲ್ಲಿ ಮತದಾರರ ಪಟ್ಟಿ ಪರಿಷ್ಕರಣೆ (SIR) ಪ್ರಕ್ರಿಯೆ ಚಾಲ್ತಿಯಲ್ಲಿದ್ದರೂ, ಅನೇಕ ಮತದಾರರಲ್ಲಿ ಫಾರಂಗಳನ್ನು ಭರ್ತಿ ಮಾಡುವ ವಿಚಾರದಲ್ಲಿ ಸಾಕಷ್ಟು ಗೊಂದಲಗಳಿವೆ. ಯಾವ ಫಾರಂ ತುಂಬಬೇಕು? ಯಾವ ದಾಖಲೆಗಳನ್ನು ಲಗತ್ತಿಸಬೇಕು? ಎಂಬ ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳುವಲ್ಲಿ ನಾಗರಿಕರು ಪರದಾಡುವಂತಾಗಿದೆ. ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ, ಮತದಾರರ ಪಾಲಿಗೆ ನೆರವಾಗಲು ‘ಜಾಗೃತ ಕರ್ನಾಟಕ’ ತಂಡವು ಒಂದು ಸುಲಭ ಮತ್ತು ಪರಿಣಾಮಕಾರಿ ಡಿಜಿಟಲ್ ಮಾರ್ಗದರ್ಶಿಯನ್ನು ಬಿಡುಗಡೆ ಮಾಡಿದೆ.
ಈ ಮಾರ್ಗದರ್ಶಿಯು ಅತ್ಯಂತ ಸರಳವಾಗಿದೆ. ಇದರಲ್ಲಿ ನೀವು ನಿಮಗೆ ಅನ್ವಯಿಸುವ ಆಯ್ಕೆಗಳನ್ನು ಆರಿಸಿಕೊಂಡು, ‘ಮಾರ್ಗದರ್ಶಿ ರಚಿಸಿ’ ಬಟನ್ ಕ್ಲಿಕ್ ಮಾಡಿದರೆ, ನಿರ್ದಿಷ್ಟ ಮಾಹಿತಿ ಪರದೆ ಮೇಲೆ ಬರುತ್ತದೆ. EF ಫಾರಂನ ಯಾವ ಭಾಗವನ್ನು ತುಂಬಬೇಕು ಮತ್ತು ಯಾವುದನ್ನು ನಿರ್ಲಕ್ಷಿಸಬಹುದು ಎಂಬ ಗೊಂದಲಕ್ಕೆ ಇಲ್ಲಿ ಉತ್ತರ ಸಿಗಲಿದೆ. ಅಲ್ಲದೆ, ನಿಮ್ಮ ದಾಖಲೆಗಳ ಸಲ್ಲಿಕೆಯ ಬಗ್ಗೆಯೂ ಇಲ್ಲಿ ಸ್ಪಷ್ಟ ಮಾರ್ಗದರ್ಶನ ಸಿಗಲಿದೆ.
ಈ ಡಿಜಿಟಲ್ ಉಪಕ್ರಮ ಸಂವಹನವನ್ನೂ ಸುಲಭಗೊಳಿಸಿದೆ. ನಿಮಗೆ ಸಿಕ್ಕ ಈ ಉಪಯುಕ್ತ ಮಾಹಿತಿಯನ್ನು ವಾಟ್ಸಾಪ್ ಮೂಲಕ ಕ್ಷಣಮಾತ್ರದಲ್ಲಿ ನಿಮ್ಮ ಸ್ನೇಹಿತರು ಮತ್ತು ಕುಟುಂಬದವರೊಂದಿಗೆ ಹಂಚಿಕೊಳ್ಳಬಹುದು. ಒಂದು ವೇಳೆ ಓದಿದ ಮಾಹಿತಿಯಿಂದ ನಿಮ್ಮ ಪ್ರಶ್ನೆ ಬಗೆಹರಿಯದಿದ್ದರೆ, ಇದರಲ್ಲಿರುವ ವಿಡಿಯೋಗಳನ್ನು ವೀಕ್ಷಿಸುವ ಮೂಲಕ ವಿಷಯವನ್ನು ಸುಲಭವಾಗಿ ಅರ್ಥಮಾಡಿಕೊಳ್ಳಬಹುದು.
ಇದನ್ನೂ ಓದಿ: 1997ರಲ್ಲಿ ಸಹೋದ್ಯೋಗಿಯ ಕೊಲೆ: 29 ವರ್ಷಗಳ ನಂತರ ಆರೋಪಿಯ ಬಂಧನ
ಮಾರ್ಗದರ್ಶಿಯಲ್ಲಿರುವ ಫಾರಂನಲ್ಲಿ ನಿಮ್ಮ ಹೆಸರು ಮತ್ತು ಫೋನ್ ಸಂಖ್ಯೆಯನ್ನು ನಮೂದಿಸಿದರೆ, ಮುಂದಿನ 24 ಗಂಟೆಯೊಳಗೆ ಜಾಗೃತ ಕರ್ನಾಟಕ ತಂಡದ ಸದಸ್ಯರು ನಿಮ್ಮನ್ನು ಸಂಪರ್ಕಿಸಿ ನಿಮ್ಮ ಗೊಂದಲಗಳನ್ನು ನಿವಾರಿಸಲಿದ್ದಾರೆ.
ನೀವು ಈ ಮಾರ್ಗದರ್ಶಿಯನ್ನು ಬಳಸುವುದರ ಜೊತೆಗೆ, ಮತದಾರರ ಪಟ್ಟಿಯಲ್ಲಿ ಹೆಸರನ್ನು ಸರಿಯಾಗಿ ನೋಂದಾಯಿಸಿಕೊಳ್ಳಿ ಮತ್ತು ಇತರರಿಗೂ ಈ ವಿಷಯವನ್ನು ತಿಳಿಸಿ. ಈ ಡಿಜಿಟಲ್ ಮಾರ್ಗದರ್ಶಿ https://sir.jagruthakarnataka.com ಯನ್ನು ಕ್ಲಿಕ್ ಮಾಡಿ ನೋಡಿ, ನಿಮ್ಮ ಮತದಾನದ ಹಕ್ಕನ್ನು ಖಚಿತಪಡಿಸಿಕೊಳ್ಳಿ.
