ಮಕ್ಕಳ ಸರ್ವತೋಮುಖ ಅಭಿವೃದ್ಧಿಯೇ ನಮ್ಮ ಧ್ಯೇಯವಾಗಿದೆ. ಪಠ್ಯದ ಜೊತೆಗೆ ಇಂತಹ ಸಾಂಸ್ಕೃತಿಕ ಹಾಗೂ ಪ್ರತಿಭಾ ಕಾರಂಜಿ ಕಾರ್ಯಕ್ರಮಗಳು ವಿದ್ಯಾರ್ಥಿಗಳಲ್ಲಿ ಅಡಗಿರುವ ಸುಪ್ತ ಪ್ರತಿಭೆಯನ್ನು ಹೊರತರಲು ಉತ್ತಮ ವೇದಿಕೆಯಾಗಿವೆ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಬಸವರಾಜ ಸಾವಳಗಿ ಹೇಳಿದರು.
ಬಾಗಲಕೋಟೆ ಜಿಲ್ಲೆಯ ಹುನ್ನೂರಿನ, ಪಿ.ಎಂ ಶ್ರೀ ಕರ್ನಾಟಕ ಪಬ್ಲಿಕ್ ಸ್ಕೂಲ್ನಲ್ಲಿ 2026-27ನೇ ಸಾಲಿನ ಕ್ಲಸ್ಟರ್ ಹಾಗೂ ತಾಲೂಕು ಮಟ್ಟದ ಪ್ರತಿಭಾ ಕಾರಂಜಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಲಾ ಅಭಿವೃದ್ಧಿ ಮತ್ತು ಮೇಲುಸ್ತುವಾರಿ ಸಮಿತಿ (SDMC) ಅಧ್ಯಕ್ಷ ಮಂಜುನಾಥ ತೇಲಿ ವಹಿಸಿದ್ದರು.
ಈ ಸಂದರ್ಭದಲ್ಲಿ ಬಿ.ಆರ್.ಸಿ.ಒ (BRCO) ಮುಖ್ಯಸ್ಥ ಕಾಡೇಶ್ ಕೋಲೂರ, ಪ್ರತಿಭಾ ಕಾರಂಜಿ ನೋಡಲ್ ಅಧಿಕಾರಿ ಡಬ್ಲ್ಯೂ. ವೈ. ಭಜಂತ್ರಿ ಹಾಗೂ ಮುಖ್ಯ ಅತಿಥಿಗಳಾದ ಗೋವಿಂದ ಭೋಜಪ್ಪಗೋಳ, ಕಾಡಪ್ಪ ಮರೆಗುದ್ದಿ, ಎಸ್. ಬಿ. ಭಂಗಿ, ಶಂಕರ ಉಮರ್ಜಿ, ಭುಜಬಲಿ ಪಟ್ಟಣ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳಾದ (PDO) ಮಲ್ಲಪ್ಪ ರೂಗಿ, ವೀರಣ್ಣ ಹಿರೇಮಠ, ಮಲ್ಲಿಕಾರ್ಜುನ ಇಂಗಳಗಾವಿ, ವಿನೋದ ಮಾಸರಡ್ಡಿ, ಎಸ್. ಎಂ. ಕಾಯಿ, ನೇಮಿನಾಥ ನ್ಯಾಮಗೌಡರ, ಭಾಗವ್ವ ಸಜ್ಜನ, ನಂದಾ ಕುಲಕರ್ಣಿ, ಕವಿತಾ ರಾಮದುರ್ಗ, ಮಿರ್ಜಿ ಮೇಡಮ್ ಹಾಗೂ ಹುನ್ನೂರು ವಲಯದ ಸಮೂಹ ಸಂಪನ್ಮೂಲ ವ್ಯಕ್ತಿಗಳಾದ (CRP) ಎಂ. ಎಚ್. ಚನಗೊಂಡ, ಕವಿತಾ ಮಡಿವಾಳರ ಮತ್ತು ಶಿವು ಯಾದವಾಡ ಉಪಸ್ಥಿತರಿದ್ದರು.



