ಹೋರಾಟಗಾರರ ತ್ಯಾಗದ ಜೀವನ ಚರಿತ್ರೆ ಉಳಿಯಬೇಕು. ಹೋರಾಟದ ಇತಿಹಾಸವನ್ನು ನಾವು ಅರಿತುಕೊಳ್ಳಬೇಕು ಎಂದು ರಾಜ್ಯ ಪ್ರಶಸ್ತಿ ಪುರಸ್ಕೃತ ಮಹದೇವ ಶಂಕನಪುರ ಹೇಳಿದರು.
ಚಾಮರಾಜನಗರದಲ್ಲಿ ದಲಿತ ಸಾಹಿತ್ಯ ಪರಿಷತ್ತು ಆಯೋಜಿಸಿದ್ದ ಕ್ರಾಂತಿಕಾರಿ ಗದ್ದರ್, ವಿಚಾರವಾದಿ ಮಂಟೆಲಿಂಗಯ್ಯ ಹಾಗೂ ಹೋರಾಟಗಾರ ಜಿಗಣಿ ಶಂಕರ್ ರವರ ಶ್ರದ್ಧಾಂಜಲಿ ಮತ್ತು ನುಡಿನಮನ ಕಾರ್ಯಕ್ರಮದಲ್ಲಿ ಶಂಕನಪುರ ಮಾತನಾಡಿದರು.
“ಹೋರಾಟಗಾರರು ಬಿಟ್ಟು ಹೋದ ಹೆಜ್ಜೆ ಗುರುತುಗಳು ಮುಂದಿನ ತಲೆಮಾರಿಗೆ ಮಾದರಿ ಆಗಿವೆ. ದಲಿತ ಸಾಹಿತ್ಯ ಪರಿಷತ್ತು ಇಂತಹ ಮಹತ್ವದ ಕಾರ್ಯವನ್ನು ನಿರ್ವಹಿಸಬಹುದು” ಎಂದರು.
ವೆಂಕಟರಮಣ ಸ್ವಾಮಿ ಅವರು ಮಾತನಾಡಿ, “ಹೋರಾಟಗಾರರು ಸ್ವಾಭಿಮಾನಿಗಳು. ಅವರಿಗೆ ದಿನದಿಂದ ದಿನಕ್ಕೆ ಶತ್ರುಗಳು ಹೆಚ್ಚುತ್ತಿರುತ್ತಾರೆ. ಆದರೆಡೆ ಗಮನ ಇಟ್ಟು ಎಚ್ಚರಿಕೆ ವಹಿಸಬೇಕು” ಎಂದರು.
ಕಾರ್ಯಕ್ರಮದಲ್ಲಿ ಡಾ.ಕೃಷ್ಣ ಮೂರ್ತಿ ಚಮರಂ, ರಘೋತ್ತಮ ಹೊ.ಬ, ರಂಗಕರ್ಮಿ ವೆಂಕಟರಾಜ್, ಪ್ರೊ. ಶಿವಸ್ವಾಮಿ, ಸುಭಾಷ್ ಮಾಡ್ರಹಳ್ಳಿ, ಕೃಷ್ಣ ಮೂರ್ತಿ, ನರಸಿಂಹ ಮೂರ್ತಿ, ದಸಾಪ ಜಿಲ್ಲಾಧ್ಯಕ್ಷ ಗುರು ರಾಜ್ ಯರಗನಹಳ್ಳಿ, ಮಹೇಶ್ ಇರಸವಾಡಿ, ಶಾಂತರಾಜ್, ಬಾಬುರಾಜ್, ಕಲೆ ನಟರಾಜ್ ಮುಂತಾದವರು ಇದ್ದರು.
