ರೈತರು ಹಾಗೂ ಕೃಷಿ ಕಾರ್ಮಿಕರಿಗೆ ಸಮಸ್ಯೆ ಎದುರಾದರೆ ನಮ್ಮ ಸಂಘಟನೆ ಮೂಲಕ ಪರಿಹಾರ ದೊರಕಿಸಿಕೊಡಲಾಗುವುದು” ಎಂದು ಕರ್ನಾಟಕ ರೈತ ಸೇನೆ ಸಂಘಟನೆ ಅಧ್ಯಕ್ಷ ಶಂಕರ ಅಂಬಲಿ ಹೇಳಿದರು.
- Advertisement -
ಗದಗ ಜಿಲ್ಲೆಯ ರೋಣ ಪಟ್ಟಣದ ಶ್ರೀ ವೀರಭದ್ರೇಶ್ವರ ಮಹಾಮನೆಯಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ಕರ್ನಾಟಕ ರೈತ ಸೇನೆ ರೋಣ ತಾಲೂಕು ಘಟಕದ ಪದಾಧಿಕಾರಿಗಳ ಆಯ್ಕೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
“ಸಂಘಟನೆ ಬೆಳೆಯಬೇಕೆಂದರೆ ಮೊದಲು ಶಿಸ್ತು, ಪ್ರಾಮಾಣಿಕತೆ ಅಳವಡಿಸಿಕೊಳ್ಳಬೇಕು ಎಂದರು. ರೈತ ಸೇನೆ ಉಪಾಧ್ಯಕ್ಷ ಶಂಕರಗೌಡ ಪಾಟೀಲ ಮಾತನಾಡಿ, ಸಂಘಟನೆಗೆ ಶಕ್ತಿ ಬರಲು ರೈತರು ಸ್ವಯಂಪ್ರೇರಿತರಾಗಿ ಸದಸ್ಯರಾಗಬೇಕು” ಎಂದರು.
ಕರ್ನಾಟಕ ರೈತ ಸೇನೆ ರೋಣ ತಾಲೂಕು ಅಧ್ಯಕ್ಷರಾಗಿ ಶಿವಲಿಂಗಪ್ಪ ಬೋಪಳಾಪುರ, ಉಪಾಧ್ಯಕ್ಷರಾಗಿ ಮಲ್ಲಯ್ಯ ಪೂಜಾರ ಅಧಿಕಾರ ಸ್ವೀಕರಿಸಿದರು. ನಾರಾಯಣ ಹೂಲಗೇರಿ, ವೀರಣ್ಣ ಸೊಪ್ಪಿನ, ಪ್ರವೀಣ ಯರಗಟ್ಟಿ, ಕಾಶಯ್ಯ ಪೂಜಾರ, ಹನುಮಂತ ಹಳ್ಳಳ್ಳಿ, ಶರಣಪ್ಪ ತಹಶೀಲ್ದಾರ, ಮರಿಯಪ್ಪ ದೊಡ್ಡಮನಿ, ಮಂಜು ಮಡ್ಲಿ ಇತರರು ಇದ್ದರು.
