ರೈತರು ಹೈನುಗಾರಿಕೆಯನ್ನು ಅವಲಂಬಿಸಿ ಜೀವನ ಸಾಗಿಸುತ್ತಿದ್ದೇವೆ. ಹಾಲು ಉತ್ಪಾದನೆಗಾಗಿ ಸಾಕುವ ಜರ್ಸಿ ಹಸುಗಳು ವಯಸ್ಸಾದ ಬಳಿಕ ಹಾಗೂ ಹೋರಿ ಕರುಗಳಿಗೆ ಜನ್ಮ ನೀಡಿದಾಗ ಅವುಗಳನ್ನು ಸಾಕುವುದು ರೈತರಿಗೆ ಆರ್ಥಿಕ ಹೊರೆಯಾಗುತ್ತದೆ. ಇಂತಹ ಅನುಪಯುಕ್ತ ಜಾನುವಾರುಗಳನ್ನು ಮಾರಾಟ ಮಾಡುವುದರಿಂದ ರೈತರಿಗೆ ಸ್ವಲ್ಪವಾದರೂ ಆದಾಯ ದೊರೆಯುತ್ತದೆ. ಈಗ ಹೋರಿ ಕರುಗಳು, ವಯಸ್ಸಾದ ಎತ್ತುಗಳನ್ನು ಇಟ್ಟುಕೊಂಡು ನಾವೇನು ಮಾಡಬೇಕು. ಇತ್ತ ಮೇವು ಇಲ್ಲ, ಆದಾಯವೂ ಇಲ್ಲ, ಮಳೆಯೂ ಇಲ್ಲ….. ಮನೆತುಂಬಾ ದನ ಕರುಗಳನ್ನು ಕಟ್ಟಿಕೊಂಡು ನಾವು ಏನು ಮಾಡಬೇಕು ಎಂದು ರೈತರು ಆಕ್ರೋಶ ವ್ಯಕ್ತಪಡಿಸಿರುವ ಘಟನೆ ಹಾಸನ ಜಾನುವಾರು ಮಾರುಕಟ್ಟೆಲ್ಲಿ ನಡೆದಿದೆ.
ಶಾಂತಿ ಮತ್ತು ಸೌಹಾರ್ದದಿಂದ ಬಕ್ರೀದ್ ಹಬ್ಬ ಆಚರಿಸುವ ಉದ್ದೇಶದಿದಾಗಿ ಹಾಸನ ಜಿಲ್ಲೆಯ ಮುಸ್ಲಿಂ ಒಕ್ಕೂಟವು ಈ ಬಾರಿಯ ಬಕ್ರೀದ್ ಪ್ರಯುಕ್ತ ಜಾನುವಾರುಗಳನ್ನು(ದನ, ಹಸು, ಎಮ್ಮೆ) ಖರೀದಿ ಮಾಡಬಾರದೆಂದು ಸ್ವಯಂ ನಿರ್ಬಂಧ ಹೇರಿಕೊಂಡಿದೆ. ಇದರಿಂದಾಗಿ ಮಂಗಳವಾರ ನಡೆದ ಸಾಪ್ತಾಹಿಕ ಸಂತೆಯಲ್ಲಿ ಮುಸ್ಲಿಂ ಮುಖಂಡರು ಸಕ್ರಿಯವಾಗಿ ಪಾಲ್ಗೊಂಡು, ಸಮುದಾಯದ ಬಾಂಧವರಿಗೆ ಯಾವುದೇ ರೀತಿಯ ಜಾನುವಾರುಗಳನ್ನು ಖರೀದಿ ಮಾಡದಂತೆ ಮನವಿ ಮಾಡಿದರು.
ಈ ಕುರಿತು ಪ್ರತಿಕ್ರಿಯಿಸಿರುವ ಮುಸ್ಲಿಂ ಒಕ್ಕೂಟದ ಪ್ರಮುಖರು, “ಹಬ್ಬದ ಆಚರಣೆಗೆ ಯಾವುದೇ ರೀತಿಯ ಧಕ್ಕೆ ಅಥವಾ ವಿವಾದಗಳು ಉಂಟಾಗಬಾರದು ಎಂಬ ದೃಷ್ಟಿಯಿಂದ, ಮುಂಜಾಗ್ರತಾ ಕ್ರಮವಾಗಿ ನಾವು ಈ ನಿರ್ಧಾರವನ್ನು ಕೈಗೊಂಡಿದ್ದೇವೆ” ಎಂದು ತಿಳಿಸಿದ್ದಾರೆ.
ರಾಜ್ಯದಲ್ಲಿ ಗೋಹತ್ಯೆ ನಿಷೇಧ ಕಾಯ್ದೆ ಜಾರಿಯಲ್ಲಿರುವುದನ್ನು ಉಲ್ಲೇಖಿಸಿದ ಮುಖಂಡರು, “ನಾವು ಕಾನೂನಿನ ಚೌಕಟ್ಟನ್ನು ಗೌರವಿಸುತ್ತೇವೆ ಮತ್ತು ಅದನ್ನು ಮೀರಿ ಯಾವುದೇ ಕೆಲಸವನ್ನು ಮಾಡುವುದಿಲ್ಲ. ನಾವು ಜಾನುವಾರುಗಳನ್ನು ಖರೀದಿಸಲೇಬೇಕು ಎಂದಾದರೆ ಜಾರಿಯಲ್ಲಿರುವ ಗೋಹತ್ಯೆ ನಿಷೇಧ ಕಾಯ್ದೆಯನ್ನು ಹಿಂಪಡೆಯಬೇಕು” ಎಂದರು.
ಬಳಿಕ ಸಂತೆಯಲ್ಲಿ ಮಾರಾಟಕ್ಕೆಂದು ಕರೆತಂದಿದ್ದ ರೈತರ ಜಾನುವಾರುಗಳು ಖರೀದಿಯಾಗದ ಹಿನ್ನೆಲೆಯಲ್ಲಿ ರೈತರು ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.
“ಎಲ್ಲ ಕಡೆಯಿಂದಲೂ ರೈತರಿಗೇ ಪೆಟ್ಟು ಬೀಳುತ್ತಿದೆ. ನಮ್ಮ ದನಕರುಗಳನ್ನು ಯಾರಾದರೂ ಕೊಂಡುಕೊಳ್ಳಿ, ಜಿಲ್ಲಾಧಿಕಾರಿಯಾದರೂ ಖರೀದಿಸಲಿ, ಸರ್ಕಾರವಾದರೂ ಖರೀದಿಸಲಿ, ಸಂಘ ಪರಿವಾರದ ನಕಲಿ ಗೋರಕ್ಷಕರಾದರೂ ಖರೀದಿಸಲಿ…. ನಮಗೆ ಹಣ ಕೊಡಿ ಜಾನುವಾರುಗಳನ್ನು ನಿಮ್ಮನೆ ಮುಂದೆ ಕಟ್ಟಿಕೊಳ್ಳಿ” ಎಂದು ಕಿಡಿಕಾರಿದರು.
ಈ ಸುದ್ದಿ ಓದಿದ್ದೀರಾ? ಕೊಪ್ಪಳ | ಸೌಹಾರ್ದಯುತ ಬಕ್ರೀದ್ ಆಚರಣೆಗೆ ಸುರೇಶ ಬಿ ಇಟ್ನಾಳ ಮನವಿ
“ಪಶ್ಚಿಮ ಬಂಗಾಳದಲ್ಲಿಯೂ ಬಿಜೆಪಿ ಅಧಿಕಾರಕ್ಕೆ ಬಂದು ದನಕರುಗಳನ್ನು ಖರೀದಿಸದಂತೆ ನಿಷೇಧಿಸಿದೆ. ಅಲ್ಲಿಯ ರೈತರ ಗೋಳು…. ಈಗ ನಮ್ಮನ್ನೂ ಬಿಡಲಿಲ್ಲ… ನಮಗೂ ಮೂಲವಾಯಿತು.
ಹಾಸನ ಸಂತೆಯಲ್ಲಿ ರೈತರ ಗೋಳು…
— Mr Vicki (@ParamaTapasvii) May 26, 2026
ಎಲ್ಲಿ ಇದ್ಯೋ ಪಿಂಪ್ @Puneeth74353549 ಸಂಘಪರಿವಾರದ ನಕಲಿ ಗೋವು ರಕ್ಷಕ ಕುಡಿದು ಯಾವ ಮೋರಿಯಲ್ಲಿ ಸತ್ತು ಬಿದ್ದಿದ್ಯ್ …?
ರೈತರಿಗೆ ದುಡ್ಡು ಕೊಟ್ಟು ಗೊವು ರಕ್ಷಣೆ ಮಾಡ್ರೋ ಸಂಘಿ ಅನಿಷ್ಟ ಪಿಂಡಗಳ. pic.twitter.com/i1lHh03Uvq
Mr Vicki ಎಂಬ ಸಾಮಾಜಿಕ ಜಾಲತಾಣದಲ್ಲಿ, “ಹಾಸನ ಸಂತೆಯಲ್ಲಿ ರೈತರ ಗೋಳು…. ಎಲ್ಲಿ ಇದ್ಯೋ ಪಿಂಪ್ ಪುನೀತ್, ಸಂಘಪರಿವಾರದ ನಕಲಿ ಗೋವು ರಕ್ಷಕ ಕುಡಿದು ಯಾವ ಮೋರಿಯಲ್ಲಿ ಬಿದ್ದಿದ್ದೀಯ? ರೈತರಿಗೆ ದುಡ್ಡು ಕೊಟ್ಟು ಗೋವು ರಕ್ಷಣೆ ಮಾಡ್ರೋ ಸಂಘಿ ಅನಿಷ್ಟ ಪಿಂಡಗಳ” ಎಂದು ಪೋಸ್ಟ್ ಮಾಡಿದ್ದಾರೆ.
