“ಹಾವೇರಿ ಜಿಲ್ಲೆಯಲ್ಲಿ ಮುಂಗಾರು ಬಿತ್ತನೆಗೆ ಉತ್ತಮ ಮಳೆ ಆಗಿರುವುದರಿಂದ ಬಿತ್ತನೆ ಕಾರ್ಯ ಚುರುಕುಗೊಂಡಿದೆ. ರೈತರಿಗೆ ಬಿತ್ತನೆ ಬೀಜ, ರಸ ಗೊಬ್ಬರ, ಭೂಮಿ ಉಳುವ ರೈತರ ಟ್ರಾಕ್ಟರ್ ಗಳಿಗೆ ಡೀಸೆಲ್ ಕೊರತೆಯಿಂದ ಜಿಲ್ಲೆಯ ವಿವಿಧ ಬಂಕಗಳಿಂದ ಡೀಸೆಲ್ ಸಿಗದೆ ರೈತರು ಪರದಾಡುವಂತಾಗಿದೆ. ಬಿತ್ತನೆ ಬೀಜ, ರಸಗೊಬ್ಬರ, ಮತ್ತು ಡೀಸೆಲ್ ಸಮರ್ಪಕ ವಾಗಿ ಪೂರೈಕೆ ಆಗುವಂತೆ ಮಾಡಬೇಕು” ಎಂದು ಅಖಿಲ ಕರ್ನಾಟಕ ರೈತ ಸಂಘದ ಜಿಲ್ಲಾಧ್ಯಕ್ಷ ಹನುಮಂತಪ್ಪ ದೀವಿಗಿಹಳ್ಳಿ ಹೇಳಿದರು.
ಹಾವೇರಿ ಜಿಲ್ಲೆಯ ರಟ್ಟಿಹಳ್ಳಿ ಪಟ್ಟಣದಲ್ಲಿ ಅಖಿಲ ಕರ್ನಾಟಕ ರೈತ ಸಂಘ ವತಿಯಿಂದ “ರೈತರಿಗೆ ಬಿತ್ತನೆ ಬೀಜ, ರಸಗೊಬ್ಬರ, ಮತ್ತು ಡೀಸೆಲ್ ಸಮರ್ಪಕ ವಾಗಿ ಪೂರೈಕೆ, ವಿದ್ಯುತ್ ಖಾಸಗೀಕರಣ ವಿರೋಧಿಸಿ ಸೇರಿದಂತೆ ರೈತರ ವಿವಿಧ ಬೇಡಿಕೆಗಳ ಈಡೇರಿಸುವಂತೆ ತಹಶೀಲ್ದಾರರಿಗೆ ಮನವಿ ಸಲ್ಲಿಸಿ ಮಾತನಾಡಿದರು.
“ಹಾವೇರಿ ಜಿಲ್ಲೆಯಲ್ಲಿ ರೈತರಿಗೆ ರಸ ಗೊಬ್ಬರ ದಾಸ್ತಾನು ಇದ್ದರೂ ಡಿ.ಎ.ಪಿ. ಯೂರಿಯಾದ ರಸ ಗೊಬ್ಬರ ಸಿಗುತ್ತಿಲ್ಲ. ಬಿತ್ತನೆ ಪ್ರಾರಂಭದಲ್ಲಿಯೇ ಸಕಾಲಕ್ಕೆ ಬೀಜ ರಸ ಗೊಬ್ಬರ ಡೀಸೆಲ್ ಪೂರೈಕೆ ಮಾಡಬೇಕು. ಕಳೆದ ವರ್ಷ ಮೆಕ್ಕೆಜೋಳ ಹೆಚ್ಚು ಬೆಳೆದು, ಅತಿಯಾದ ಮಳೆಯಿಂದ ಮತ್ತು ಕಳೆಯಿಂದ ಸರಿಯಾದ ಬೆಳೆ ಬರದೆ ಮತ್ತು ಸರಿಯಾದ ಮಾರುಕಟ್ಟೆ ದರ ಸಿಗದೆ ರೈತರು ಕಂಗಾಲಾಗಿದ್ದರು. ಈ ವರ್ಷ ಮೆಕ್ಕೆಜೋಳ ಕಡಿಮೆ ಮಾಡಿ ಈ ಬಾರಿ ಅತಿ ಹೆಚ್ಚು ಸೋಯಾಬೀನ್ ಬೀಜ ಖರೀದಿಗೆ ಮುಂದಾಗಿದ್ದಾರೆ. ರೈತರ ಬೇಡಿಕೆಗೆ ಅನುಗುಣವಾಗಿ ಸೋಯಾಬೀನ್ ಬೀಜ ವಿತರಣೆ ಮಾಡಬೇಕು” ಎಂದು ಒತ್ತಾಯಿಸಿದರು.
ಹಾವೇರಿ ಜಿಲ್ಲೆಯ ಒಟ್ಟು 3.54.570 ಹೆಕ್ಟೇರ್ ನಿವ್ವಳ ಬಿತ್ತನೆ ಕ್ಷೇತ್ರವಾಗಿದ್ದು ಮತ್ತು ಅರಣ್ಯ ಭೂಮಿ ಬಗರ್ ಹುಕುಂ, ಇತರೆ ಹೆಸರಿನಿಂದ ಕರೆಯುವ ಸರಕಾರದ ಭೂಮಿಯನ್ನು ಸಾಗುವಳಿ ಮಾಡಿದ ರೈತರ ಸಾವಿರಾರು ಕುಟುಂಬಗಳಿವೆ. ಒಟ್ಟು ಜಿಲ್ಲೆಯಲ್ಲಿ 25 ಸಾವಿರ ಹೆಕ್ಟೇರ್ ಭೂಮಿ ಉಳುಮೆ ಮಾಡಿ ಬೆಳೆ ಬೆಳೆಯುವ ರೈತಯುತರಿಗೆ ಹಕ್ಕು ಪತ್ರ ನೀಡಿಲ್ಲ. ಇಂತಹ ರೈತರಿಗೆ ರಸ ಗೊಬ್ಬರ, ಬೀಜಗಳನ್ನು ಸರ್ಕಾರ ಯಾವ ಆಧಾರದ ಮೇಲೆ ನೀಡುತ್ತಿದೆ, ಎಂಬುದರ ಬಗ್ಗೆ ಸ್ಪಷ್ಟವಾದ ಯಾವುದೇ ಆದೇಶವಿಲ್ಲ. ಈ ರೈತರು ದೇಶದ 140 ಕೋಟಿ ಜನರಿಗೆ ಆಹಾರ ಭದ್ರತೆ ಒದಗಿಸಿಸುವವರು. ಇವರಿಗೂ ಅನ್ಯಾಯ ಮಾಡದೇ ನ್ಯಾಯ ಒದಗಿಸಿ ಕೊಡಬೇಕು” ಎಂದು ಒತ್ತಾಯಿಸಿದರು.
ನ್ಯಾಯ ಬೆಲೆ ಅಂಗಡಿಯಲ್ಲಿ ಸರ್ವರ್ ಸಮಸ್ಯೆಯಿಂದ ಬಡವರು ದಿನವಿಡಿ ಕಾಯುತ್ತಿದ್ದಾರೆ. ಈ ಸಮಸ್ಯೆ ಬಗೆಹರಿಸಬೇಕು. ರಾಜ್ಯದಲ್ಲಿ ನಾಲ್ಕು ಬಾರಿ ಪೆಟ್ರೋಲ್ ಮತ್ತು ಡೀಸೆಲ್ ದರ ಹೆಚ್ಚು ಮಾಡಲಾಗಿದೆ. ದಿನ ಬಳಕೆ ವಸ್ತುಗಳ ಬೆಲೆ ಗಗನಕ್ಕೆ ಏರಿದೆ. ದಿನ ನಿತ್ಯ ದುಡಿಯುವ ವರ್ಗದ ಜನರ ಜೀವನ ಕಷ್ಟವಾಗಿದೆ. ತೈಲ ಮೇಲಿನ ತೆರಿಗೆಯಿಂದ ರಾಜ್ಯ ಸರ್ಕಾರಕ್ಕೆ ವರ್ಷಕ್ಕೆ 7000 ಕೋಟಿ ಆದಾಯವಿದೆ. ಆದ್ದರಿಂದ ತೈಲ ದರ ಕಡಿಮೆ ಮಾಡಬೇಕು” ಎಂದು ಒತ್ತಾಯಿಸಿದರು.
“ರಾಜ್ಯದಲ್ಲಿ ವಿದ್ಯುತ್ ವಿತರಣಾ ವ್ಯವಸ್ಥೆಯನ್ನು ಖಾಸಗೀಕರಣ ಮಾಡುತ್ತಿರುವು ಖಂಡನೀಯ. ಇದರಿಂದ ರೈತರ ಕೃಷಿ ಪಂಪಸೆಟ್, ಗೃಹಜ್ಯೋತಿ ಯೋಜನೆಗೆ, ನೇಮಕಾತಿ ಮಾಡುವಾಗ ಮೀಸಲಾತಿಯಲ್ಲಿ, ಗ್ರಾಮಗಳ ಕಡೆಗಣನೆ, ಕೇವಲ ಲಾಭದ ಚಿಂತೆ, ಸಾರ್ವಜನಿಕರ ಹಿತ ಚಿಂತನೆಯಿಂದ ಮತ್ತು ವಿದ್ಯುತ್ ಸ್ವಾತಂತ್ರ್ಯವನ್ನು ರಕ್ಷಿಸಲು ಖಾಸಗಿ ಕಂಪನಿಯವರಿಗೆ ಪರವಾನಿಗೆಯನ್ನು ನೀಡಬಾರದು. ಇದಕ್ಕೆ ತೀವ್ರ ವಿರೋಧ ವ್ಯಕ್ತ ಪಡಿಸುತ್ತೇವೆ” ಎಂದು ಆಗ್ರಹಿಸಿದರು.
ಮನವಿ ಸಂದರ್ಭದಲ್ಲಿ ಅಖಲ ಕರ್ನಾಟಕ ರೈತ ಸಂಘ ಮುಖಂಡರು ಚನ್ನಬಸಪ್ಪ ಜೀವನ್ನವರ, ಡಿ.ಡಿ.ಪಾಟೀಲ್, ಬಸವರಾಜ ಕೆಳಗಿನಮನಿ, ಚಂದ್ರಯ್ಯ ಮಠದ, ರವಿ ಎಸ್ ಮಾಳಗೇರ, ಹಾಲಪ್ಪ ಜಾಡರ್, ರವೀಚಂದ್ರ ಕೋಟಿಹಾಳ, ಹರೀಶ್ ದೀವಿಗಿಹಳ್ಳಿ, ಕೆ.ಪಿ.ಹುಡೇದ ಸೇರಿದಂತೆ ಅನೇಕರು ಉಪಸ್ಥತರಿದ್ದರು.
