ಭಾರತದ ಪ್ರಧಾನಿ ಹುದ್ದೆ ಎಂದರೆ ದೇಶದ ಘನತೆ, ಗಾಂಭೀರ್ಯ ಮತ್ತು ಬೌದ್ಧಿಕ ಪ್ರಬುದ್ಧತೆಯ ಸಂಕೇತ. ಆದರೆ, ನಿನ್ನೆ (ಜು.7) ಇಂಡೋನೇಷ್ಯಾಗೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ನಡೆದುಕೊಂಡ ರೀತಿ, ಮಾಡಿತ ಅಂಕಗಣಿತದ ಪಾಠ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ನಗೆಪಾಟಲಿಗೀಡಾಗಿದೆ.
ಅಂತಾರಾಷ್ಟ್ರೀಯ ವೇದಿಕೆಯ ಮೇಲೆ ಗಂಭೀರ ವಿಷಯಗಳ ಬಗ್ಗೆ ಚರ್ಚಿಸಬೇಕಿದ್ದ ಪ್ರಧಾನಿಯವರು, ಭಾರತದ ಗಣರಾಜ್ಯೋತ್ಸವದ ದಿನಾಂಕ (26=2+6=8) ಎರಡರ ಮೊತ್ತ 8 ಬರುತ್ತದೆ. ಇಂಡೋನೇಷ್ಯಾದ ಅಧ್ಯಕ್ಷ ಪ್ರಬೊವೊ ಸುಬಿಯಾಂತೊ ಅವರ ಜನ್ಮದಿನ 17 (17=1+7=8) ಇದೂ ಕೂಡ ಎಂಟೇ ಬರುತ್ತದೆ ಎಂದು ಅತ್ಯುತ್ಸಾಹದಿಂದ ವಿವರಿಸಿದ್ದು ವಿಡಿಯೋದಲ್ಲಿ ಸೆರೆಯಾಗಿದೆ. ತಮ್ಮ ಈ ‘ಅಪೂರ್ವ ಆವಿಷ್ಕಾರ’ವನ್ನು ಕಂಡು ಪ್ರಧಾನಿಯವರೇ ಮುಗುಳ್ನಗುತ್ತಿರುವಂತೆ ವಿಡಿಯೋದಲ್ಲಿ ಕಾಣುತ್ತಿತ್ತು.
I can't believe he is our PM 😭
— Surbhi (@SurrbhiM) July 7, 2026
Modi – India celebrated its Republic Day on January 26 last year. Twenty-six , 2 plus 6 equals 8, and Indonesian President Prabowo Subianto's birthday is on the 17th, 1 plus 7 also equals 8. Same same
Kya bewakufi hai 😭pic.twitter.com/BnZDrFAqNi
ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣ X ನಲ್ಲಿ ಭಾರೀ ಟ್ರೋಲ್‌ ಆಗುತ್ತಿದೆ. ವಿಡಿಯೋ ಹಂಚಿಕೊಂಡು, ‘ಇವರು ನಮ್ಮ ದೇಶದ ಪ್ರಧಾನಿಯೇ?’ ಇಂತಹ ಹಾಸ್ಯಾಸ್ಪದ ಪ್ರದರ್ಶನ ನೀಡುತ್ತಿರುವವರು ದೇಶದ ಪ್ರಧಾನಿ ಎಂದು ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ವ್ಯಂಗ್ಯವಾಡಿದ್ದಾರೆ. ಹಲವರು ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದು, ಗಣಿತಶಾಸ್ತ್ರಜ್ಞರೇ ತಲೆಕೆಡಿಸಿಕೊಳ್ಳುವ ‘ಮೋದಿನಾಮಿಕ್ಸ್’! ಎಂದು ಹಾಸ್ಯ ಮಾಡಿದ್ದಾರೆ. ಜೊತೆಗೆ ಅವರ ಜನಪ್ರಿಯ a^+2ab ಸೂತ್ರದ ವಿಡಿಯೋ, ಪೆಹಲ್ಗಾಗ್‌ ಅಟ್ಯಾಕ್‌, ಅಮೆರಿಕದ ನೆಲದಲ್ಲಿ ನಿಂತು ಆಡಿದ ಮೆಗಾ, ಮಿಗಾ ಮತ್ತು ಮೆಗಾ, ಇಸ್ರೇಲ್‌ನಲ್ಲಿ ಆಡಿದ ಮದರ್‌ ಲ್ಯಾಂಡ್‌, ಫಾದರ್‌ ಲ್ಯಾಂಡ್‌ಗಳನ್ನು ಕಮೆಂಟ್‌ ಮಾಡಿ ಟೀಕಿಸುತ್ತಿದ್ದಾರೆ.
ಇದನ್ನೂ ಓದಿ: ದೆಹಲಿ ಗಲಭೆ ಪ್ರಕರಣ: ಆರೋಪಿ ಅಥರ್ ಖಾನ್‌ಗೆ ಜಾಮೀನು ನಿರಾಕರಿಸಿದ ಹೈಕೋರ್ಟ್
ದೇಶದಲ್ಲಿ ಮಳೆಯ ಅಸಮಾನ ಹಂಚಿಕೆ ಹೆಚ್ಚಾಗಿ ಒಂದು ಕಡೆ ಬರ ನಿರ್ಮಾಣವಾಗಿದ್ದರೆ, ಇನ್ನೊಂದು ಕಡೆ ಮಳೆ, ಪ್ರವಾಹ, ಭೂಕುಸಿತದಿಂದ ಹಲವಾರು ಜನ ಸಾವನ್ನಪ್ಪುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ದೇಶದ ಭವಿಷ್ಯದ ಬಗ್ಗೆ ಗಂಭೀರವಾಗಿ ಯೋಚಿಸುವುದು ಬಿಟ್ಟು, ಮೋದಿಯವರು ಇಂತಹ ಬಾಲಿಶ ವರ್ತನೆ ತೋರುತ್ತಿರುವುದು ಸರಿಯಲ್ಲ. ಪ್ರಧಾನಿ ಹುದ್ದೆಯ ಘನತೆ ಮರೆತು ಇಂತಹ ತಮಾಷೆಗಳಲ್ಲಿ ತೊಡಗುವುದು ನಿಜಕ್ಕೂ ದುರದೃಷ್ಟಕರ ಎಂದು ನೆಟ್ಟಿಗರು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.
