ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಮೀರಾ ರೋಡ್‌ ಪಟ್ಟಣದಲ್ಲಿ ವಸತಿ ಸಂಕೀರ್ಣವೊಂದರಲ್ಲಿ ಬಕ್ರೀದ್ ಹಬ್ಬಕ್ಕಾಗಿ ತಾತ್ಕಾಲಿಕ ಶೆಡ್ ನಿರ್ಮಿಸಿ, ಕುರಿಗಳನ್ನು ಕಟ್ಟಿ ಹಾಕಲಾಗಿತ್ತು. ಅದನ್ನು ವಿರೋಧಿಸಿದ್ದ ಕೆಲವರು ಗಲಾಟೆ ಎಬ್ಬಿಸಿದ್ದರು. ಈ ಗಲಾಗೆ ವಿಶ್ವ ಹಿಂದು ಪರಿಷತ್ ಮತ್ತು ಬಜರಂಗದಳ ಸೇರಿದಂತೆ ಹಿಂದುತ್ವವಾದಿ ಸಂಘಟನೆಗಳು ಕೈಜೋಡಿಸಿದ್ದು, ವಸತಿ ಸಂಕೀರ್ಣದೊಳಗೆ ಹಂದಿಯನ್ನು ನುಗ್ಗಿಸಲು ಯತ್ನಿಸಿ, ದಾಂಧಲೆ ನಡೆಸಿದ್ದಾರೆ. ಘಟನೆಯಿಂದಾಗಿ ನಗರದಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆ.
ಗಲಾಟೆಯಲ್ಲಿ ಕನಿಷ್ಠ ಮೂವರು ಗಾಯಗೊಂಡಿದ್ದಾರೆ. ಪೊಲೀಸ್ ಮೂಲಗಳ ಪ್ರಕಾರ, “ಮೇ 26 ರಂದು ಮಧ್ಯರಾತ್ರಿ ಸುಮಾರು 12:50ರ ಮುಸ್ಲಿಮರು ಸಮುದಾಯದ ಕೆಲವರು ಮತ್ತು ವಿಶ್ವ ಹಿಂದು ಪರಿಷತ್‌ನ ಸದಸ್ಯರ ನಡುವೆ ಗಲಾಟೆ ನಡೆದಿದೆ. ಹಿಂಸಾಚಾರ ನಡೆದು, ಕೆಲವರು ಗಾಯಗೊಂಡಿದ್ದಾರೆ. ಬಳಿಕ, ವಿಎಚ್‌ಪಿ ಸದಸ್ಯರು ವಸತಿ ಸಂಕೀರ್ಣದ ಗೇಟ್‌ ಬಳಿ, ಪ್ರತಿಭಟನೆ ಮುಂದುವರೆಸಿದ್ದು, ಹನುಮಾನ್ ಚಾಲೀಸಾವನ್ನು ಪಠಿಸಿದ್ದಾರೆ. ಹಬ್ಬಕ್ಕಾಗಿ ಕುರಿಗಳನ್ಉ ಇರಿಸಲಾಗಿದ್ದ ವಸತಿ ಸಂಕೀರ್ಣದ ಆವರಣದೊಳಗೆ ಹಂದಿಯೊಂದನ್ನು ತರಲು ಯತ್ನಿಸುತ್ತಿದ್ದಾರೆ. ಅವರನ್ನು ಪೊಲೀಸರು ತಡೆದಿದ್ದಾರೆ.
“ಆ ಹಂದಿಯನ್ನು ಅಲ್ಲಿ ‘ವರಾಹ ಪೂಜೆ’ ಮಾಡಲು ತರಲಾಗುತ್ತಿದೆ ಎಂದು ಪ್ರತಿಭಟನಾಕಾರರು ಸಮರ್ಥಿಸಿಕೊಂಡಿದ್ದಾರೆ. ವಿಎಚ್‌ಪಿ ಕಾರ್ಯಕರ್ತರು ಹೇಳುತ್ತಿರುವುದು ಸುಳ್ಳು ಎಂದು ಅರಿತ ಪೊಲೀಸರು, ಅದಕ್ಕೆ ಅವಕಾಶ ನೀಡಲಿಲ್ಲ.
ಘಟನೆಯು ರಾಜಕೀಯ ಆಯಾಮವನ್ನೂ ಪಡೆದುಕೊಂಡಿದ್ದು, ಬೊರಿವಲಿ ಕ್ಷೇತ್ರದ ಬಿಜೆಪಿ ಶಾಸಕ ಸಂಜಯ್ ಉಪಾಧ್ಯಾಯ ಅವರು ವಸತಿ ಸಂಕೀರ್ಣಗಳಿಗೆ ಹಂದಿಗಳನ್ನು ತರುವುದನ್ನು ಬೆಂಬಲಿಸಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. “ವಸತಿ ಸಂಕೀರ್ಣದಲ್ಲಿ ಕೇವಲ ಒಂದು ಮುಸ್ಲಿಂ ಕುಟುಂಬವಿದ್ದರೂ ಅವರು ಆರು ಕುರಿಗಳನ್ನು ತಂದಿದ್ದಾರೆ. ಇಡೀ ವಸತಿ ಸಂಕೀರ್ಣ ಅವರ ವಿರುದ್ಧವಾಗಿದೆ. ಮೀರಾ ರೋಡ್‌ನಲ್ಲೂ ಇಂತಹದೇ ಘಟನೆಗಳು ನಡೆಯುತ್ತಿದ್ದು, ಒಂದು ವೇಳೆ ಅಲ್ಪಸಂಖ್ಯಾತ ಸಮುದಾಯವು ಸಂವಿಧಾನವನ್ನು ಪಾಲಿಸದೆ ಷರಿಯಾವನ್ನು ಅನುಸರಿಸಿದರೆ, ನಾವು ಕುರಿಗಳಿಗೆ ಹಂದಿಗಳ ಮೂಲಕವೇ ಉತ್ತರಿಸುತ್ತೇವೆ” ಎಂದು ಹೇಳಿದ್ದಾರೆ.
Location: Mira Road, Mumbai
— The Muslim (@TheMuslim786) May 26, 2026
Activists from a Hindutva organization brought a pig into Poonam Cluster Society to protest goats kept there for Eid al-Adha. Note: these activists are primarily targeting and harassing the Muslim families living in the society. pic.twitter.com/tHmuIGYGWs
ಮತ್ತೊಂದೆಡೆ, ಶಿವಸೇನೆಯ ಸಚಿವ, ಸ್ಥಳೀಯ ಶಾಸಕ ಪ್ರತಾಪ್ ಸರ್ನಾಯಕ್ ಅವರು ಸಂಯಮದಿಂದ ಇರುವಂತೆ ಮನವಿ ಮಾಡಿದ್ದಾರೆ. “ವಸತಿ ಸಂಕೀರ್ಣಗಳಲ್ಲಿ ವಾಸಿಸುವ ಎಲ್ಲ ಸಮುದಾಯಗಳ ಭಾವನೆಗಳನ್ನು ಜನರು ಗೌರವಿಸಬೇಕು. ಹೊರಗಿನವರು ಬಂದು ಜನರನ್ನು ಪ್ರಚೋದಿಸಲು ಪ್ರಯತ್ನಿಸಬಾರದು” ಎಂದು ಖಂಡಿಸಿದ್ದಾರೆ.
ಸಮಾಜವಾದಿ ಪಕ್ಷದ ಅಬು ಅಜ್ಮಿ ಅವರು ಮಾತನಾಡಿ, “ಯಾವುದೇ ಕಾನೂನುಬಾಹಿರ ಕುರ್ಬಾನಿಗೆ (ಬಲಿ) ಅವಕಾಶ ನೀಡಬಾರದು. ಅನುಮತಿ ಇರುವ ಕಡೆಗಳಲ್ಲಿ ಸರ್ಕಾರದ ಮಾರ್ಗಸೂಚಿಗಳ ಪ್ರಕಾರ ಮುಚ್ಚಿದ ಜಾಗಗಳಲ್ಲೇ ಬಲಿ ಪ್ರಕ್ರಿಯೆಯನ್ನು ನಡೆಸುವಂತೆ ಅಧಿಕಾರಿಗಳು ಖಚಿತಪಡಿಸಿಕೊಳ್ಳಬೇಕು” ಎಂದು ಒತ್ತಾಯಿಸಿದ್ದಾರೆ.
