ಭಾರತಕ್ಕೆ ಮುಸ್ಲಿಂ ಧರ್ಮ ಯಾವಾಗ ಬಂದಿತೋ, ಆಗಲೇ ಅದು ಭಾರತದ ಭಾಗವಾಗಿದೆ. ಭಾರತದಲ್ಲಿ ವಾಸಿಸುವ ಮುಸ್ಲಿಮರು ಕೂಡ ಈ ದೇಶದ ನಾಗರಿಕರು. ಇಸ್ಲಾಂ ಕಣ್ಮರೆಯಾಗುತ್ತಿದೆ ಎನ್ನುವವರು ಹಿಂದು ಚಿಂತನೆಯನ್ನು ಸರಿಯಾಗಿ ಅರ್ಥೈಸಿಕೊಂಡಿಲ್ಲ ಎಂದು ಆರ್ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.
- Advertisement -
ದೆಹಲಿಯಲ್ಲಿ ನಡೆಯುತ್ತಿರುವ ಆರ್ಎಸ್ಎಸ್ ಶತಮಾನೋತ್ಸವದ 3ನೇ ದಿನದ ಸಭೆಯಲ್ಲಿ ಅವರು ಮಾತನಾಡಿದರು. “ಇಲ್ಲಿ ವಾಸಿಸುತ್ತಿರುವ ಮುಸ್ಲಿಮರು ಕೂಡ ಭಾರತದ ನಾಗರಿಕರಾಗಿದ್ದಾರೆ. ಅವರಿಗೂ ಉದ್ಯೋಗ ಬೇಕು. ಮುಸ್ಲಿಮರಿಗೆ ಉದ್ಯೋಗ ಒದಗಿಸಲು ಬಯಸುವವರು, ಈ ದೇಶದಲ್ಲಿನ ಮುಸ್ಲಿಮರಿಗೆ ಉದ್ಯೋಗ ನೀಡಬೇಕು. ಹೊರಗಿನವರಿಗಲ್ಲ” ಎಂದಿದ್ದಾರೆ ಎಂದು livemint.com ವರದಿ ಮಾಡಿದೆ.
“ಅಕ್ರಮ ಒಳನುಳುವಿಕೆಯನ್ನು ತಡೆಯಬೇಕು. ಅದಕ್ಕಾಗಿ, ಸರ್ಕಾರ ಅಗತ್ಯ ಪ್ರಯತ್ನಗಳನ್ನು ಮಾಡುತ್ತಿದೆ” ಎಂದು ಹೇಳಿದ್ದಾರೆ.
