ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಅಫ್ಘಾನ್ ವಿರುದ್ದ ನಾಳೆ(ಜ.11) ಮೊಹಾಲಿಯಲ್ಲಿ ನಡೆಯಲಿರುವ ಮೊದಲ ಟಿ20 ಪಂದ್ಯದಿಂದ ವೈಯುಕ್ತಿಕ ಕಾರಣದಿಂದ ಹೊರಗುಳಿಯಲಿದ್ದಾರೆ ಎಂದು ಕೋಚ್‌ ರಾಹುಲ್ ದ್ರಾವಿಡ್ ತಿಳಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ದ್ರಾವಿಡ್, ಕೊಹ್ಲಿ ಮೊದಲ ಪಂದ್ಯ ತಪ್ಪಿಸಿಕೊಂಡರೂ ಮುಂದಿನ ಎರಡು ಪಂದ್ಯಗಳಲ್ಲಿ ಲಭ್ಯವಿರಲಿದ್ದಾರೆ. ಪ್ರಾರಂಭದ ಪಂದ್ಯದಲ್ಲಿ ನಾಯಕ ಯಶಸ್ವಿ ಜೈಸ್ವಾಲ್ ಹಾಗೂ ರೋಹಿತ್ ಶರ್ಮಾ ಭಾರತದ ಪರ ಇನಿಂಗ್ಸ್ ಆರಂಭಿಸಲಿದ್ದಾರೆ ಎಂದು ಹೇಳಿದರು.
ವಿರಾಟ್ ಕೊಹ್ಲಿ ಕೊನೆಯ ಟಿ20 ಆಡಿದ್ದು ನವೆಂಬರ್ 2022ರಲ್ಲಿ. ಆಸ್ಟ್ರೇಲಿಯಾ ವಿರುದ್ಧದ ಟಿ20 ವಿಶ್ವಕಪ್‌ನ ಸೆಮಿಫೈನಲ್ ಪಂದ್ಯದಲ್ಲಿ ವಿರಾಟ್ ಕೊನೆಯದಾಗಿ ಆಡಿದ್ದರು.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಅಭಿಮಾನ ಅಂಧಾಭಿಮಾನವಾಗದಿರಲಿ; ಬಡವರ ಮಕ್ಕಳು ಬಲಿಯಾಗದಿರಲಿ
ಟಿ20 ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿರುವ ರಿಂಕು ಸಿಂಗ್ ಅವರಿಗೆ ಮುಂದಿನ ಟಿ20 ವಿಶ್ವಕಪ್‌ನಲ್ಲಿ ಅವಕಾಶಗಳು ದೊರೆಯಲಿದೆಯೆ ಎಂಬ ಪ್ರಶ್ನೆಗೂ ದ್ರಾವಿಡ್ ಉತ್ತರಿಸಿದರು.
ಫಿನಿಷರ್‌ ಪಾತ್ರ ನಿರ್ವಹಿಸುವಲ್ಲಿ ಸಾಕಷ್ಟು ಪ್ರವೀಣರಾಗಿರುವ ರಿಂಕು ಅವರಿಂದ ನಾವು ಉತ್ತಮವಾದದನ್ನು ಬಯಸುತ್ತೇವೆ.ಅಫ್ಘಾನ್ ವಿರುದ್ಧದ ಸರಣಿ ಹಾಗೂ ಐಪಿಎಲ್ ಅವರು ಉತ್ತಮ ಪ್ರದರ್ಶನ ನೀಡುವುದಕ್ಕೆ ವೇದಿಕೆಗಳಾಗಿವೆ. ವಿಶ್ವಕಪ್ ಆಯ್ಕೆಯ ವಿಷಯ ಬಂದಾಗ ಇವೆಲ್ಲವು ಪರಿಗಣನೆಗೆ ಒಳಪಡುತ್ತವೆ. ಖಂಡಿತವಾಗಿಯೂ ಈ ಆಟಗಾರ ಉತ್ತಮ ಪ್ರದರ್ಶನ ನೀಡಿದರೆ, ಆಯ್ಕೆದಾರರು ಆತನನ್ನು ಸೆಳೆದುಕೊಳ್ಳುತ್ತಾರೆ ಎಂದು ದ್ರಾವಿಡ್ ಹೇಳಿದರು.
ಅಫ್ಘಾನ್ ವಿರುದ್ಧದ ಟಿ20 ಪಂದ್ಯ ಜನವರಿ 11 ಮೊಹಾಲಿ, 14 ರಂದು ಇಂಧೋರ್ ಹಾಗೂ ಬೆಂಗಳೂರಿನಲ್ಲಿ 17 ರಂದು ನಡೆಯಲಿದೆ.
