- ಸೋಷಿಯಲ್ ಮೀಡಿಯಾಗಳಲ್ಲಿ ವಿಡಿಯೋ ವೈರಲ್
- ಯುವಕನನ್ನು ಅಮಿತ್ ಎಂದು ಗುರುತಿಸಿದ ನೆಟ್ಟಿಗರು
ಕೊರಿಯಾದ ಯುವತಿಯೋರ್ವಳು ಲೈವ್‌ನಲ್ಲಿರುವಾಗಲೇ ಭಾರತೀಯ ವ್ಯಕ್ತಿಯೋರ್ವ ಲೈಂಗಿಕ ಕಿರುಕುಳ ನೀಡಿರುವ ಆಘಾತಕಾರಿ ಘಟನೆ ಹಾಂಕಾಂಗ್‌ನಲ್ಲಿ ನಡೆದಿದ್ದು, ಘಟನೆಯ ವಿಡಿಯೋ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲಾಗಿದೆ.
ಹಾಂಕಾಂಗ್ ಪ್ರವಾಸದಲ್ಲಿದ್ದ ಕೊರಿಯಾದ ಯುವತಿ, ‘ಟ್ವಿಚ್ಛ್(Twitch)’ ಎಂಬ ಸೋಷಿಯಲ್ ಮೀಡಿಯಾದಲ್ಲಿ ಲೈವ್ ಸ್ಟ್ರೀಮಿಂಗ್ ಮಾಡುತ್ತಿರುವಾಗಲೇ ಹಿಂಬಾಲಿಸಿದ ಭಾರತೀಯ ವ್ಯಕ್ತಿಯೋರ್ವ, ‘ತನ್ನೊಂದಿಗೆ ಬಾ’ ಎಂದು ಬಲವಂತ ಮಾಡಿದ್ದಲ್ಲದೆ, ಅಸಭ್ಯವಾಗಿ ಮೈ-ಕೈ ಮುಟ್ಟಿ ಲೈಂಗಿಕ ಕಿರುಕುಳ ನೀಡಿದ್ದಾನೆ.
‘ಕಂಟೆಂಟ್ ಕ್ರಿಯೇಟರ್’ ಆಗಿರುವ ಮೂಲತಃ ದಕ್ಷಿಣ ಕೊರಿಯಾದ ಯುವತಿ, ಆಕೆ ತನ್ನ ಮನೆಗೆ ರಾತ್ರಿ ಹಿಂದಿರುಗುತ್ತಿದ್ದಾಗ ಮೆಟ್ರೋ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ.
ಮೆಟ್ರೋ ನಿಲ್ದಾಣದಲ್ಲಿ ಆಕೆಗೆ ಎದುರುಗೊಂಡ ಭಾರತೀಯ ಯುವಕ, ಆಕೆಯ ಬಳಿ ಸುಮಾರು 15 ನಿಮಿಷ ಮಾತನಾಡುತ್ತಾ ಮೆಟ್ರೋ ಬಗ್ಗೆ ಮಾಹಿತಿ ನೀಡುತ್ತಾ, ಹೆಗಲ ಮೇಲೆ ಕೈ ಹಾಕಿ ಸ್ನೇಹ ಬೆಳೆಸಲು ಹಿಂಬಾಲಿಸಿದ್ದಾನೆ. ಆ ಬಳಿಕ ಮೆಟ್ರೋ ನಿಲ್ದಾಣದಲ್ಲಿ ಯಾರೂ ಇಲ್ಲದ್ದನ್ನು ಗಮನಿಸಿ, ತನ್ನೊಂದಿಗೆ ಬರುವಂತೆ ಬಲವಂತ ಮಾಡಿದ್ದು, ಅದನ್ನು ಆಕೆ ಒಪ್ಪದಿದ್ದಾಗ ಗೋಡೆಗೆ ಬಿಗಿಯಾಗಿ ದೂಡಿ, ಅಸಭ್ಯವಾಗಿ ಆಕೆಯ ಮೈ-ಕೈ ಮುಟ್ಟಿ ಲೈಂಗಿಕ ಕಿರುಕುಳ ನೀಡಿದ್ದು, ತನ್ನ ರಕ್ಷಣೆಗಾಗಿ ಆಕೆ ಬೊಬ್ಬೆ ಹೊಡೆದಿದ್ದಾಳೆ.
ಅದೃಷ್ಟವಶಾತ್ ಘಟನಾ ಸ್ಥಳದ ಸಮೀಪದಲ್ಲಿದ್ದ ಮತ್ತೊಬ್ಬ ಪ್ರಯಾಣಿಕ ಅಲಾರಾಂ ಒತ್ತಿದ ಪರಿಣಾಮ ಆರೋಪಿ ಸ್ಥಳದಿಂದ ಪರಾರಿಯಾಗಿದ್ದಾರೆ.
ಘಟನೆಯ ಎಲ್ಲ ದೃಶ್ಯವು ವಿಡಿಯೋದಲ್ಲಿ ದಾಖಲಾಗಿದ್ದು, ಲೈವ್ ನೋಡುತ್ತಿದ್ದ ಹಲವು ಮಂದಿ ವೀಕ್ಷಕರು, ಅಲ್ಲಿಂದ ಓಡು, ಪೊಲೀಸರಿಗೆ ದೂರು ಕೊಡು ಎಂದು ಸಲಹೆ ನೀಡುತ್ತಿರುವುದು ಕೂಡ ವಿಡಿಯೋದಲ್ಲಿ ದಾಖಲಾಗಿದೆ.
the dude who sexually assaulted that streamer in Hong Kong is named Amit and he works at the Rajasthan Rifles Indian Restaurant pic.twitter.com/tedZcyZmaJ
— pagliacci the hater 🎃 (@Slatzism) September 11, 2023
ಈ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮ ಟ್ವಿಟ್ಟರ್‌ನಲ್ಲಿ ವೈರಲಾಗಿದ್ದು, ಯುವಕನನ್ನು ಬಂಧಿಸುವಂತೆ ಆಗ್ರಹಿಸಿದ್ದಾರೆ.
ಯುವಕನನ್ನು ಅಮಿತ್ ಎಂದು ಗುರುತಿಸಿದ ನೆಟ್ಟಿಗರು
ಕೊರಿಯಾದ ಯುವತಿಗೆ ಕಿರುಕುಳ ನೀಡಿರುವ ಯುವಕನ ಮುಖವು ವಿಡಿಯೋದಲ್ಲಿ ಸ್ಪಷ್ಟವಾಗಿ ಸೆರೆಯಾಗಿದೆ.
ಇದನ್ನು ಅನುಸರಿಸಿ ಯುವಕನ ಗುರುತನ್ನು ಪತ್ತೆ ಹಚ್ಚಿರುವ ನೆಟ್ಟಿಗರು, ಕಿರುಕುಳ ನೀಡಿದಾತನನ್ನು ಅಮಿತ್ ಎಂದು ಗುರುತಿಸಿದ್ದಾರೆ.
ನೆಟ್ಟಿಗರು ಹಂಚಿಕೊಂಡಿರುವ ಮಾಹಿತಿಯ ಪ್ರಕಾರ ವೀಡಿಯೊದಲ್ಲಿರುವ ವ್ಯಕ್ತಿಯನ್ನು ಅಮಿತ್, ಈತ ರಾಜಸ್ಥಾನ ರೈಫಲ್ಸ್ ಇಂಡಿಯನ್ ರೆಸ್ಟೋರೆಂಟ್‌ನಲ್ಲಿ ಕೆಲಸ ಮಾಡುತ್ತಿದ್ದಾನೆ. ಈತ ಹಿಮಾಚಲ ಪ್ರದೇಶದವ ಎಂದು ತಿಳಿಸಿದ್ದಾರೆ.
Update: Police had arrested a 47 yo man in relation to the incident according to local newspaper
— Alvin Chu (@alvinkinglong) September 12, 2023
ಆದರೆ, ಕಿರುಕುಳದಿಂದ ನೊಂದ ಯುವತಿಯು ದೂರು ನೀಡಿರುವ ಬಗ್ಗೆ ಎಲ್ಲೂ ವರದಿಯಾಗಿಲ್ಲ. ಆದರೆ ವಿಡಿಯೋ ವೈರಲಾಗಿರುವ ಹಿನ್ನೆಲೆಯಲ್ಲಿ ಆತನನ್ನು ಗುರುತಿಸಲಾಗಿದ್ದು, ಹಾಂಕಾಂಗ್ ಪೊಲೀಸರು 47 ವರ್ಷದ ಆರೋಪಿಯನ್ನು ಬಂಧಿಸಿದ್ದಾರೆ ಎಂದು ಸ್ಥಳೀಯ ಪತ್ರಿಕೆ ವರದಿ ಮಾಡಿದೆ ಎಂದು ಹಾಂಕಾಂಗ್‌ನ ನಿವಾಸಿಯೊಬ್ಬರು ಟ್ವೀಟ್ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ.
‘ನಮ್ಮ ಸಿಬ್ಬಂದಿಯಲ್ಲ’ ಎಂದ ಹೋಟೆಲ್
ಇನ್ನು ನೆಟ್ಟಿಗರು ಹಂಚಿಕೊಂಡ ಮಾಹಿತಿಯ ಬಗ್ಗೆ ಪ್ರತಿಕ್ರಿಯಿಸಿರುವ ರಾಜಸ್ಥಾನ ರೈಫಲ್ಸ್ ಇಂಡಿಯನ್ ರೆಸ್ಟೋರೆಂಟ್‌ನ ಮಾಲೀಕರು, ಸೆಂಟ್ರಲ್ ಎಂಟಿಆರ್ ಸ್ಟೇಷನ್‌ನಲ್ಲಿ ನಡೆದ ಘಟನೆಯ ಪರಿಸ್ಥಿತಿಯ ಬಗ್ಗೆ ನಮಗೆ ತಿಳಿದಿದೆ. ಈ ವ್ಯಕ್ತಿಯು ಕಳೆದ ಒಂದು ವರ್ಷದಿಂದ ರಾಜಸ್ಥಾನ ರೈಫಲ್ಸ್ ತಂಡ ಅಥವಾ ಬ್ಲ್ಯಾಕ್ ಶೀಪ್ ಕಂಪೆನಿಯ ಭಾಗವಾಗಿಲ್ಲ. ಈ ಘಟನೆಯನ್ನು ನಾವು ಖಂಡಿಸುತ್ತೇವೆ ಎಂದು ಸ್ಪಷ್ಟೀಕರಣ ನೀಡಿದ್ದಾರೆ.
UPDATE:
— pagliacci the hater 🎃 (@Slatzism) September 12, 2023
Rajasthan Rifles is saying he no longer works there (he still claims to be an employee on his Facebook). pic.twitter.com/wrFh6Idqfj
