ಬೀದರ್‌ನ ಜೈಭೀಮ ನಗರದ ಸಿದ್ಧಾರ್ಥ ಯೂತ್ ಕ್ಲಬ್ ವತಿಯಿಂದ ಆಯೋಜಿಸಿದ್ದ ಮೂರು ತಿಂಗಳ ವರ್ಷಾವಾಸದ ಸಮಾರೋಪ ಸಮಾರಂಭ ನವೆಂಬರ್ 11ರಂದು ಸಂಜೆ ಸಂಭ್ರಮದಿಂದ ನಡೆಯಿತು.
ಆಣದೂರಿನ ವೈಶಾಲಿ ನಗರದ ಭಂತೆ ಸಂಘರಕ್ಷಿತ ಅವರ ದಿವ್ಯ ಸಾನ್ನಿಧ್ಯದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತ್ರಿಶರಣ, ಪಂಚಶೀಲ ಹಾಗೂ ಆರ್ಯ ಅಷ್ಟಾಂಗ ಮಾರ್ಗದ ಮಹತ್ವದ ಕುರಿತು ಧಮ್ಮ ಬೋಧನೆ ನೀಡಲಾಯಿತು.
“ಗೌತಮ ಬುದ್ಧರು ತೋರಿಸಿಕೊಟ್ಟ ವೈಜ್ಞಾನಿಕ ಹಾಗೂ ಮಾನವೀಯ ಬದುಕಿನ ಮಾರ್ಗವನ್ನು ಪ್ರತಿಯೊಬ್ಬರೂ ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಬುದ್ಧರ ವಿಚಾರಧಾರೆಗಳು ಮನುಷ್ಯನ ಬದುಕಿನಲ್ಲಿ ಜ್ಞಾನ, ಸಮಾನತೆ ಮತ್ತು ಪರಿವರ್ತನೆಗೆ ದಾರಿದೀಪವಾಗಿವೆ” ಎಂದು ಭಂತೆ ಸಂಘರಕ್ಷಿತ ತಿಳಿಸಿದರು.
ಬೀದರ್ ಮಹಾನಗರ ಪಾಲಿಕೆ ಸದಸ್ಯ ಸೂರ್ಯಕಾಂತ ಸಾಧುರೆ ಕಾರ್ಯಕ್ರಮ ಉದ್ಘಾಟಿಸಿ, “ಸಮಾಜದ ಪ್ರಗತಿಗೆ ರಾಜಕೀಯ ಅಧಿಕಾರ ಪ್ರಮುಖ ಸಾಧನವಾಗಿದೆ. ರಾಜಕೀಯ ಅಧಿಕಾರದ ಮೂಲಕ ನಮ್ಮ ಹಕ್ಕುಗಳನ್ನು ನಾವೇ ಪಡೆದುಕೊಂಡು ಸಮಾಜದ ಅಭಿವೃದ್ಧಿ ಸಾಧಿಸಲು ಸಾಧ್ಯ” ಎಂದರು.
ದೇವೇಂದ್ರ ಭಾಲ್ಕಿ ವಿಶೇಷ ಉಪನ್ಯಾಸ ನೀಡಿದರು. ಮುಖಂಡ ಪ್ರೇಮಕುಮಾರ್ ಕಾಂಬ್ಳೆ ಅಧ್ಯಕ್ಷತೆ ವಹಿಸಿದ್ದರು. ಭಾರತೀಯ ಬೌದ್ಧ ಮಹಾಸಭಾ ಮಹಿಳಾ ಘಟಕದ ಜಿಲ್ಲಾಧ್ಯಕ್ಷೆ ಶೋಭವತಿ ಜಂಜಿರೆ, ತಾಲೂಕು ಅಧ್ಯಕ್ಷ ಶಿವಕುಮಾರ್ ಸದಾಫುಲೆ, ತಾಲೂಕು ಖಜಾಂಚಿ ನರಸಪ್ಪ ಮೇಟಿ, ರಾಜಶೇಖರ ಸಿಂಗಾರೆ, ವೆಂಕಟ ಶಿಂದೆ ಹಾಗೂ ವಿಜಯಕುಮಾರ್ ಗುಮ್ಮೆ ಉಪಸ್ಥಿತರಿದ್ದರು. ಸಾಹಿತಿ ಸುಬ್ಬಣ್ಣ ಕರಕನಳ್ಳಿ ನಿರೂಪಿಸಿದರು.
ವೈಷ್ಣವಿ ಅವರ ನೃತ್ಯ ಪ್ರದರ್ಶನ ಹಾಗೂ ಆಕಾಶ್ ಜ್ಯೋತಿ ಅವರ ಬುದ್ಧಗೀತೆಗಳು ಕಾರ್ಯಕ್ರಮಕ್ಕೆ ಸಾಂಸ್ಕೃತಿಕ ಮೆರುಗು ನೀಡಿದವು.
ಕಾರ್ಯಕ್ರಮದಲ್ಲಿ ಪ್ರಮುಖರಾದ ಸಚಿನ್ ಸಿಂಪಿಗೆ, ಗೌತಮ್ ಮೀಸೆ, ರಾಜಕುಮಾರ ಹೊಸಮನಿ, ಸಂಜುಕುಮಾರ್ ಪೂಜಾರಿ, ವಿನೋದ ಮಾಳಗೆ, ಪ್ರವೀಣ ಚತುರೇ, ಆಕಾಶ್ ಮೈನಳೆ, ಶ್ರೀಕಾಂತ್ ಇಮೇಲಿಕಾರ, ಪ್ರವೀಣ ಕಾಂಬ್ಳೆ, ಸಂದೀಪ ಸಂಪಿಗೆ, ಮಾರುತಿ ಬಂಡರೆ, ಪ್ರೇಮಸಾಗರ, ಲೋಕೇಶ್ ಮೇತ್ರೆ, ವಿಕ್ರಂ ನೆಲವಡಕರ, ವಿಜಯ್ ಮಾಲೆ ಸೇರಿದಂತೆ ಭಜನಾ ಮಂಡಳಿಯ ಕಲಾವಿದರು ಉಪಸ್ಥಿತರಿದ್ದರು.
ಇದನ್ನೂ ಓದಿ : ಬೀದರ್ | ನವೋದಯ ವಿದ್ಯಾಲಯ ಪ್ರವೇಶ ಪರೀಕ್ಷೆ ನ.28ರಂದು
