ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಇಂದು ದಿಢೀರನೆ ದೆಹಲಿಗೆ ಹೊರಟಿದ್ದಾರೆ. ಅವರಿಗೆ ಹೈಕಮಾಂಡ್‌ನಿಂದ ತುರ್ತು ಕರೆ ಬಂದ ಹಿನ್ನೆಲೆ ಅವರು ದೆಹಲಿ ಎಡೆಗೆ ಹೊರಟಿದ್ದಾರೆ. ಅವರ ತುರ್ತು ದೆಹಲಿ ಭೇಟಿಯು ಕಾಂಗ್ರೆಸ್‌ ರಾಜಕೀಯದಲ್ಲಿ ಕುತುಹಲ ಮೂಡಿಸಿದೆ.
ದೆಹಲಿಗೆ ಹೊರಡುವ ಮುನ್ನ ಮಾಧ್ಯಮಗಳೊಂದಿಗೆ ಮಾತನಾಡಿದ ಸಿದ್ದರಾಮಯ್ಯ, “ನನ್ನನ್ನು ದೆಹಲಿಗೆ ಆಹ್ವಾನಿಸಲಾಗಿದೆ. ನಾಳೆ ಬೆಳಿಗ್ಗೆ 11 ಗಂಟೆಗೆ ಸಭೆ ಇದೆ; ಕಾರ್ಯಸೂಚಿ ನನಗೆ ತಿಳಿದಿಲ್ಲ. ಸಭೆಯ ದಿನಾಂಕ ಮತ್ತು ಸಮಯದ ಬಗ್ಗೆ ತಿಳಿಸಲು ವೇಣುಗೋಪಾಲ್ ನನಗೆ ಕರೆ ಮಾಡಿದ್ದಾರೆ” ಎಂದು ಹೇಳಿದ್ದಾರೆ.
“ಈ ದಿಢೀರ್ ಸಭೆಯ ಕಾರ್ಯಸೂಚಿ ಅಥವಾ ಅಜೆಂಡಾ ಏನೆಂಬುದರ ಬಗ್ಗೆ ನಮಗೆ ಯಾವುದೇ ಪೂರ್ವ ಮಾಹಿತಿ ಇಲ್ಲ” ಎಂದು ಅವರು ತಿಳಿಸಿದ್ದಾರೆ.
#WATCH | Bengaluru: Karnataka CM Siddaramaiah says, "I have been invited to Delhi. There is a meeting tomorrow at 11 AM; I do not know the agenda. Mr Venugopal called me to inform me about the date and time of the meeting…"
— ANI (@ANI) May 25, 2026
On the speculations around the CM post, he says,… pic.twitter.com/P5yBxV6VmE
ಅವರ ದೆಹಲಿ ಭೇಟಿ ಮತ್ತು ಸಭೆಯ ಅಜೆಂಡಾ ಬಹಿರಂಗವಾಗದಿದ್ದರೂ, ರಾಜ್ಯ ಸರ್ಕಾರದ ಆಡಳಿತಾತ್ಮಕ ವಿಷಯಗಳು, ಪಕ್ಷದ ಸಂಘಟನೆ ಅಥವಾ ಪ್ರಸ್ತುತ ರಾಜಕೀಯ ವಿದ್ಯಮಾನಗಳ ಕುರಿತು ಹೈಕಮಾಂಡ್ ಚರ್ಚಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.
ರಾಜ್ಯದಲ್ಲಿ ಮುಖ್ಯಮಂತ್ರಿ ಹುದ್ದೆಯ ಬದಲಾವಣೆ ಅಥವಾ ನಾಯಕತ್ವದ ಸುತ್ತ ಕೇಳಿಬರುತ್ತಿರುವ ಸರಣಿ ಊಹಾಪೋಹಗಳ ಕುರಿತು ಮಾಧ್ಯಮಗಳು ಪ್ರಶ್ನಿಸಿದಾಗ ಸಿದ್ದರಾಮಯ್ಯ ಅವರು ಅತ್ಯಂತ ನಿರುಮ್ಮಳವಾಗಿ ಉತ್ತರಿಸಿದ್ದಾರೆ. ರಾಜಕಾರಣದಲ್ಲಿ ಇಂತಹ ಊಹಾಪೋಹಗಳು ಮತ್ತು ವದಂತಿಗಳು ಯಾವಾಗಲೂ ಇದ್ದೇ ಇರುತ್ತವೆ ಎಂದು ಹೇಳಿ, ವದಂತಿಗಳನ್ನು ತಳ್ಳಿಹಾಕಿದ್ದಾರೆ.
