ಬೀದರ್ ಕಾರುಣ್ಯ ಸೌಹಾರ್ದ ಸಹಕಾರಿ ಸಂಘದಿಂದ 2025-26ನೇ ಸಾಲಿನಲ್ಲಿ 1,970 ಮಂದಿಗೆ ಬಡ್ಡಿ ರಹಿತ ವ್ಯಾಪಾರ ಸಾಲ ನೀಡಲಾಗಿದೆ ಎಂದು ಸಂಘದ ವ್ಯವಸ್ಥಾಪಕ ಸಮಿತಿಯ ಅಧ್ಯಕ್ಷ ಮುಜ್ತಬಾ ಖಾನ್ ಹೇಳಿದರು.
ನಗರದ ಮೊಘಲ್ ಗಾರ್ಡನ್ ಫಂಕ್ಷನ್ ಹಾಲ್ನಲ್ಲಿ ನಡೆದ ಸಂಘದ 9ನೇ ವಾರ್ಷಿಕ ಮಹಾಸಭೆಯಲ್ಲಿ ಅವರು ಮಾತನಾಡಿದರು.
ಸಂಘ ಒಟ್ಟು ರೂ. 4.13 ಕೋಟಿ ಸಾಲ ವಿತರಿಸಿದೆ. ಒಟ್ಟು ವಹಿವಾಟು ರೂ. 97.26 ಕೋಟಿ ಆಗಿದ್ದು, ರೂ. 18.8 ಲಕ್ಷ ಲಾಭ ಗಳಿಸಿದೆ ಎಂದು ತಿಳಿಸಿದರು.
ಸಂಘದಿಂದ ಬಡ್ಡಿ ರಹಿತ ವ್ಯಾಪಾರ ಸಾಲ, ಬಡ್ಡಿ ರಹಿತ ತುರ್ತು ಸಾಲ, ಶೈಕ್ಷಣಿಕ ಸಾಲ ಸೇರಿದಂತೆ ಅವಶ್ಯಕತೆ ಇರುವವರಿಗೆ ವಿವಿಧ ರೀತಿಯ ಸಾಲ ಕೊಡಲಾಗುತ್ತಿದೆ. ಬಡ್ಡಿ ರಹಿತ ಸಾಲ ಸಣ್ಣ ವ್ಯಾಪಾರಿಗಳಿಗೆ ಜೀವನಾಡಿಯಾಗಿದೆ. ವ್ಯಾಪಾರಿಗಳು ತಮ್ಮ ಲಾಭದ ಬಹು ಪಾಲನ್ನು ಬಡ್ಡಿಗೆ ಕೊಡುವುದನ್ನು ತಪ್ಪಿದೆ ಎಂದು ತಿಳಿಸಿದರು.
ಸಂಘದ ಬಡ್ಡಿ ರಹಿತ ಸಾಲದಿಂದ ಅನುಕೂಲವಾಗಿದೆ. ವ್ಯಾಪಾರದಲ್ಲಿ ಸಮೃದ್ಧಿ ಕಾಣಲು ಸಾಧ್ಯವಾಗಿದೆ ಎಂದು ಬಡ್ಡಿ ರಹಿತ ಸಾಲ ಪಡೆದ ಫಲಾನುಭವಿಗಳಾದ ಮುಹಮ್ಮದ್ ಅಬ್ದುಲ್ ನಯೀಮ್ ಹಾಗೂ ರವಿ ಕನೇರೆ ಅಭಿಪ್ರಾಯ ವ್ಯಕ್ತಪಡಿಸಿದರು.
ಸಂಘದ ಅಧ್ಯಕ್ಷ ರಫೀಕ್ ಅಹಮ್ಮದ್ ಗಾದಗಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಮೈಕ್ರೋ ಫೈನಾನ್ಸ್ ಪರಿಣಿತರಾದ ಅಬ್ದುಲ್ ಜಬ್ಬಾರ್ ಸಿದ್ದಿಕಿ ಸಂಘದ ಅಭಿವೃದ್ಧಿಗೆ ಸಲಹೆ ನೀಡಿದರು.
ಸಹಕಾರ ಇಲಾಖೆಯ ಆಡಿಟ್ ವಿಭಾಗದ ಮಹೆಬೂಬ್ ಖಾನ್, ಹೈದರಾಬಾದ್ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಮುಹಮ್ಮದ್ ಇಕ್ಬಾಲ್, ಬೀದರ್ ಘಟಕದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಮುಹಮ್ಮದ್ ಮಸಿಯುದ್ದೀನ್, ಸಂಘದ ನಿರ್ದೇಶಕರಾದ ಮುಹಮ್ಮದ್ ಆಸಿಫುದ್ದೀನ್, ಅಶ್ಫಾಕ್ ಅಹಮ್ಮದ್, ಮುಬಸ್ಸಿರ್ ಸಿಂಧೆ, ಮುಹಮ್ಮದ್ ಅಕ್ರಂ ಅಲಿ, ಮುಹಮ್ಮದ್ ಜಾವೀದ್, ಶೇಖರ್ ಚವಾಣ್, ಸಬಿಹಾ ಖಾನಂ, ಅಸ್ಮಾ ಬೇಗಂ, ಪ್ರಮುಖರಾದ ಓಂಪ್ರಕಾಶ್ ರೊಟ್ಟೆ, ಜಗದೀಶ್ವರ ಬಿರಾದಾರ, ವೇದಮಣಿ ಮತ್ತಿತರರು ಇದ್ದರು.
ಇದನ್ನೂ ಓದಿ : ಔರಾದ್ : ನಕಲಿ ವೈದ್ಯಕೀಯ ವೃತ್ತಿ: ಕ್ಲಿನಿಕ್ ಸೀಜ್
ಸಂಘದ ನಿರ್ದೇಶಕ ಮುಹಮ್ಮದ್ ನಿಜಾಮುದ್ದೀನ್ ವಾರ್ಷಿಕ ವರದಿ ವಾಚಿಸಿದರು. ರಹಮತ್ ಉಲ್ಲಾ ಖಾನ್ ಅವರ ಕುರ್ಆನ್ ಪಠಣದೊಂದಿಗೆ ಮಹಾಸಭೆ ಆರಂಭಗೊಂಡಿತು. ಸಂಘದ ಉಪಾಧ್ಯಕ್ಷ ಎಹತೆಶಾಮುಲ್ ಹಕ್ ವಂದಿಸಿದರು.
