ಬೀದರ್ ಜಿಲ್ಲೆಯ ವಿವಿಧ ಶಿಶು ಅಭಿವೃದ್ಧಿ ಯೋಜನೆಗಳ ವ್ಯಾಪ್ತಿಯಲ್ಲಿ ಖಾಲಿ ಇರುವ 110 ಅಂಗನವಾಡಿ ಕಾರ್ಯಕರ್ತೆಯರು ಹಾಗೂ 326 ಅಂಗನವಾಡಿ ಸಹಾಯಕಿಯರ ಹುದ್ದೆಗಳ ಭರ್ತಿಗೆ ಅರ್ಹ ಮಹಿಳಾ ಅಭ್ಯರ್ಥಿಗಳಿಂದ ಆನ್‌ಲೈನ್ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಜಿಲ್ಲೆಯಲ್ಲಿ ಒಟ್ಟು 436 ಹುದ್ದೆಗಳು ಖಾಲಿ ಇದ್ದು, ತಾಲ್ಲೂಕುವಾರು ಹುದ್ದೆಗಳ ವಿವರ ಹೀಗಿದೆ: ಬೀದರ್ ಶಿಶು ಅಭಿವೃದ್ಧಿ ಯೋಜನೆಯ ವ್ಯಾಪ್ತಿಯಲ್ಲಿ 27 ಕಾರ್ಯಕರ್ತೆಯರು ಹಾಗೂ 103 ಸಹಾಯಕಿಯರು, ಭಾಲ್ಕಿ ವ್ಯಾಪ್ತಿಯಲ್ಲಿ 15 ಕಾರ್ಯಕರ್ತೆಯರು ಹಾಗೂ 43 ಸಹಾಯಕಿಯರು, ಬಸವಕಲ್ಯಾಣ ವ್ಯಾಪ್ತಿಯಲ್ಲಿ 25 ಕಾರ್ಯಕರ್ತೆಯರು ಹಾಗೂ 43 ಸಹಾಯಕಿಯರು, ಹುಲಸೂರ ವ್ಯಾಪ್ತಿಯಲ್ಲಿ 1 ಕಾರ್ಯಕರ್ತೆ ಹಾಗೂ 10 ಸಹಾಯಕಿಯರು ಹುದ್ದೆಗಳಿವೆ.
ಹುಮನಾಬಾದ್ ವ್ಯಾಪ್ತಿಯಲ್ಲಿ 6 ಕಾರ್ಯಕರ್ತೆಯರು ಹಾಗೂ 34 ಸಹಾಯಕಿಯರು, ಚಿಟಗುಪ್ಪ ವ್ಯಾಪ್ತಿಯಲ್ಲಿ 3 ಕಾರ್ಯಕರ್ತೆಯರು ಹಾಗೂ 25 ಸಹಾಯಕಿಯರು, ಸಂತಪೂರ (ಔರಾದ್‌ ತಾಲ್ಲೂಕು) ವ್ಯಾಪ್ತಿಯಲ್ಲಿ 28 ಕಾರ್ಯಕರ್ತೆಯರು ಹಾಗೂ 56 ಸಹಾಯಕಿಯರು ಮತ್ತು ಕಮಲನಗರ ವ್ಯಾಪ್ತಿಯಲ್ಲಿ 5 ಕಾರ್ಯಕರ್ತೆಯರು ಹಾಗೂ 12 ಸಹಾಯಕಿಯರ ಹುದ್ದೆಗಳು ಖಾಲಿ ಇವೆ.
ಅರ್ಹ ಮಹಿಳಾ ಅಭ್ಯರ್ಥಿಗಳು ನವೆಂಬರ್ 11ರಿಂದ ಡಿಸೆಂಬರ್ 11, 2026ರವರೆಗೆ ಇಲಾಖೆಯ ಅಧಿಕೃತ ವೆಬ್‌ಸೈಟ್ https://bidar.nic.in/ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ.
ಹುದ್ದೆಗಳ ಅರ್ಹತೆ, ಅರ್ಜಿ ಸಲ್ಲಿಸುವ ವಿಧಾನ ಹಾಗೂ ಇತರ ಮಾಹಿತಿಗಾಗಿ ಬೀದರ್ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿರ್ದೇಶಕರ ಕಚೇರಿಯನ್ನು ಸಂಪರ್ಕಿಸಿ ಮಾಹಿತಿ ಪಡೆಯಬಹುದಾಗಿದೆ ಎಂದು ಗುರುವಾರ ಪ್ರಕಟಣೆ ತಿಳಿಸಿದೆ.
ಇದನ್ನೂ ಓದಿ : ಬೀದರ್ | ಪ್ರಥಮ ದಲಿತ ಬಂಡಾಯ ಸಮ್ಮೇಳನ ಸರ್ವಾಧ್ಯಕ್ಷರಿಗೆ ಆಹ್ವಾನ
