ಸಹಾಯಕ ಕಾರ್ಮಿಕ ಆಯುಕ್ತ ಹುದ್ದೆಗೆ ಪದೋನ್ನತಿ ಹೊಂದಿದ ಪ್ರಯುಕ್ತ ಜಿಲ್ಲಾ ಕಾರ್ಮಿಕ ಅಧಿಕಾರಿ ಮಹೇಶ ಕುಳಲಿ ಅವರನ್ನು ಚಂದ್ರ ಸಾಂಸ್ಕೃತಿಕ, ಸಾಹಿತ್ಯಿಕ ಹಾಗೂ ಶೈಕ್ಷಣಿಕ ಚಾರಿಟೇಬಲ್ ಟ್ರಸ್ಟ್ನಿಂದ ನಗರದಲ್ಲಿ ಶುಕ್ರವಾರ ಸನ್ಮಾನಿಸಲಾಯಿತು.
ಟ್ರಸ್ಟ್ ಅಧ್ಯಕ್ಷ ಪ್ರವೀಣ್ ಚಂದ್ರ ಮೀರಾಗಂಜಕರ್ ಮಾತನಾಡಿ, ʼಮಹೇಶ ಕುಳಲಿ ಜಿಲ್ಲಾ ಕಾರ್ಮಿಕ ಅಧಿಕಾರಿಯಾಗಿ 20 ತಿಂಗಳು ಉತ್ತಮವಾಗಿ ಸೇವೆ ಸಲ್ಲಿಸಿದ್ದಾರೆ. ಅರ್ಹ ಕಾರ್ಮಿಕರಿಗೆ ಸರ್ಕಾರದ ವಿವಿಧ ಸೌಲಭ್ಯ ಒದಗಿಸಿದ್ದಾರೆ. ಕಾರ್ಮಿಕರ ಅನೇಕ ಸಮಸ್ಯೆಗಳಿಗೆ ಪರಿಹಾರ ಕಲ್ಪಿಸಿದ್ದಾರೆ. ವೃತ್ತಿ ನಿಷ್ಠೆ, ಸಮಯ ಪ್ರಜ್ಞೆ, ಪ್ರಾಮಾಣಿಕತೆ ಹಾಗೂ ಕಾರ್ಮಿಕರ ಕುರಿತ ಕಾಳಜಿ ಮಾದರಿಯಾಗಿದೆʼ ಎಂದರು.
ʼಪದೋನ್ನತಿ ಹಾಗೂ ಸನ್ಮಾನದಿಂದ ನನ್ನ ಜವಾಬ್ದಾರಿ ಹೆಚ್ಚಾಗಿದೆ. ಕಾರ್ಮಿಕರ ಸಮಸ್ಯೆಗಳಿಗೆ ಸ್ಪಂದಿಸಲು ಸದಾ ಸಿದ್ಧನಾಗಿರುವೆʼ ಎಂದು ಮಹೇಶ ಕುಳಲಿ ತಿಳಿಸಿದರು.
ಇದನ್ನೂ ಓದಿ : ಬೀದರ್ | ಸಮಾನತೆಯ ಹರಿಕಾರ ಬಸವಣ್ಣ : ಪ್ರೊ.ಬಿ.ಎಸ್.ಬಿರಾದಾರ
ಆರ್.ಪಿ.ಎಲ್. ಸಂಯೋಜಕ ಸುರೇಶ, ಕಚೇರಿ ಸಿಬ್ಬಂದಿ ಶ್ರೀನಿವಾಸ್ ಮೀಸೆ, ವಿಜಯಕುಮಾರ ಅಷ್ಟೂರೆ, ಶ್ರೀಧರ, ಸಚಿನ್, ಶಿವಶಂಕರ, ಸಂತೋಷ್, ಸಂಗಮೇಶ, ಓಂಕಾರ, ಚಂದ್ರಕಾಂತ, ಉಷಾ, ಕಾರ್ಮಿಕ ಮುಖಂಡ ಜಾನಸನ್, ಕಾಶಿನಾಥ ವಾಲ್ದೊಡ್ಡಿ, ಆರ್.ಪಿ.ಎಲ್.ನ ಓಂಕಾರ ವಂದಿಸಿದರು.
