ಚಿಕ್ಕಮಗಳೂರಿನ ಮಹಾರಾಜ ಗ್ರ್ಯಾಂಡ್ ಹೋಟೆಲ್ ನಲ್ಲಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ (ರಿ) ಅಂಬೇಡ್ಕರ್ ವಾದ ಇದರ ರಾಜ್ಯ ಮಹಿಳಾ ಸರ್ವ ಸಧಸ್ಯರ ಸಭೆ ಮತ್ತು ಮಹಿಳಾ ಮಹಾಸಭೆಯನ್ನು ಅಂಬೇಡ್ಕರ್ ವಾಡ ರಾಜ್ಯ ಅಧ್ಯಕ್ಷರಾದ ಮಾವಳ್ಳಿ ಶಂಕರ್ ಅವರು ಕಾರ್ಯಕ್ರಮ ಉಧ್ಘಾಟಿಸಿ ಮಾತನಾಡಿ, “ಇಡೀ ಭಾರತ ದೇಶದಲ್ಲಿ ಎಲ್ಲಾ ಕಡೆಗಳಲ್ಲೂ ಮಹಿಳೆಯರ ಮೇಲೆ ಶೋಷಣೆ , ಅತ್ಯಾಚಾರ, ಧೌರ್ಜನ್ಯಗಳು ನಿರಂತರವಾಗಿ ನಡೆಯುತ್ತಿವೆ. ನಮ್ಮ ಕರ್ನಾಟದಲ್ಲೂ ಮಹಿಳೆಯರನ್ನು ಶೋಷಿಸುತ್ತಲೇ ಬರಲಾಗುತ್ತಿದೆ. ಇದೇ ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಪ್ಲಾಟಂರುಗಳು ಮಹಿಳೆಯರನ್ನು ಜೀತದಾಳುಗಳನ್ನಾಗಿ ಮಾಡಿ ಶೋಷಿಸುತ್ತಲೇ ಬಂದಿದ್ದಾರೆ. ಚಿಕ್ಕಮಗಳೂರಿನಲ್ಲಿ ಶೋಷಣೆಯ ವಿರುದ್ಧ ಹೋರಾಟ ಮಾಡಿದವರಲ್ಲಿ ಎಮ್. ಡಿ. ಗಂಗಯ್ಯ , ರಾಧಾಕ್ರಷ್ಣಾ , ಸುಂದರೇಶ್ ಪ್ರಮುಖರಿದ್ದರು ಎಂದು ತಿಳಿಸಿದರು.
ಈ ಮಹಿಳೆಯರ ಶೋಷಣೆಯ ವಿರುದ್ಧ ಹೋರಾಟವನ್ನು ಫ್ರೋಫೆಸರ್ ಕ್ರಷ್ಣಪ್ಪನವರು ಆರಂಭಿಸಿದರು. ದಲಿತ ಸಂಘರ್ಷ ಸಮಿತಿ ಎಂಬ ಸಂಘಟನೆ ಕಟ್ಟಿ ಶೋಷಿತರ ಪರ ಧ್ವನಿಯಾದರು. ಮಹಿಳೆಯರ ಶೋಷಣೆಗಳಾದ ದೇವದಾಸಿ ಪದ್ದತಿ, ಚಂದ್ರಗುತ್ತಿಯ ಬೆತ್ತಲೆ ಸೇವೆಯಂತಹ ಅನಿಷ್ಟ ಪದ್ದತಿಯ ವಿರುದ್ಧ ಹೋರಾಟ ನಡೆಸಿದ ದಲಿತ ಸಂಘರ್ಷ ಸಮಿತಿ ಅದನ್ನು ತಡೆಗಟ್ಟುವಲ್ಲಿ ಯಶಸ್ವಿಯಾಯಿತು. ಅಲ್ಲಲ್ಲಿ ಮರ್ಯಾದೆಗೇಡು ಹತ್ಯೆಗಳು ನಡೆಯುತ್ತಿದ್ದು, ಇದರ ವಿರುದ್ಧ ಸಾಮಾಜವನ್ನು ಜಾಗ್ರತಗೊಳಿಸುವ ಕಾರ್ಯ ಮಾಡಬೇಕಾಗಿದೆ ಎಂದರು.
ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಮೂಡಿಗೆರೆ ಮಾಜಿ ಶಾಸಕ ಬಿ. ಬಿ ನಿಂಗಯ್ಯ ಅವರು ಮಾತನಾಡಿ,ಫ್ರೋಫೇಸರ್ ಬಿ. ಕ್ರಷ್ಣಪ್ಪನವರು ಹುಟ್ಟು ಹಾಕಿದ ದಲಿತ ಸಂಘರ್ಷ ಸಮಿತಿಯು ಒಂದುಕಾಲದಲ್ಲಿ ಇಡೀ ವಿಧಾನಸೌಧವನ್ನೇ ಅಲುಗಾಡಿಸುವಷ್ಟು ಬಲ ಹೊಂದಿತ್ತು. ಬೆತ್ತಲೆ ಸೇವೆಯಂತಹ ಅನಿಷ್ಟ ಪಧ್ಧತಿಯ ವಿರುದ್ಧ ಬಪವಲಿಂಗಪ್ಪನವರು ರಾಮಕೃಷ್ಣ ಹೆಗಡೆಯವರಿಗೆ ಮನವರಿಗೆ ಮಾಡಿ ವಿರೋಧಿಸಿದ ರೀತಿ ಇವತ್ತಿಗೂ ನನ್ನ ಕಣ್ಣಿಗೆ ಕಟ್ಟಿದಂತಿದೆ. ಅಂದಿನ ಕಾಲದಲ್ಲಿ ಸರಕಾರದ ನನ್ನ ನಿವಾಸವೇ ದಲಿತ ಸಂಘರ್ಷ ಸಮಿತಿಯ ಕಾರ್ಯಾಲಯವೇ ಆಗಿ ಬಿಟ್ಟಿತ್ತು. ಇಂದಿಗೂ ದಲಿತ ಸಂಘರ್ಷ ಸಮಿತಿ ತನ್ನ ಚಳುವಳಿಯ ರೂಪವನ್ನು ಉಳಿಸಿಕೊಂಡು ಬಂದಿದೆ, ಬಿಡಿ ಬಿಡಿಯಾಗಿರುವ ದಲಿತ ಸಂಘರ್ಷ ಸಮಿತಿಗಳೆಲ್ಲಾ ಒಂದಾಗಿ ಮತ್ತೆ 80ರ ದಶಕದ ತನ್ನ ಬಲವನ್ನು ಪಡೆದುಕೊಂಡು ಒಟ್ಟಾಗಿ ಹೋರಾಟ ನಡೆಸುವಂತಾಗಬೇಕೆಂಬುದೇ ನನ್ನ ಆಶಯ. ಅಂದು ನಾವು ದಲಿತ ಸಂಘರ್ಷ ಸಮಿತಿ ಕಟ್ಟಲು ಹಳ್ಳಿ ಹಳ್ಳಿಗೂ ಭೇಟಿನೀಡಿದ ಸಂಧರ್ಭ ಇಂದೂ ನನ್ನ ಮನಸ್ಸಲ್ಲಿ ಹಸಿರಾಗುಳಿದಿದೆ ಎಂದು ತಿಳಿಸಿದರು.
ಇದನ್ನೂ ಓದಿದ್ದೀರಾ?ಹಾಸನ | SIR ರದ್ದು;,ಗ್ಯಾನೇಶ್ ಕುಮಾರ್ ವಜಾಕ್ಕೆ DYFI, SFI, AIDSO ಆಗ್ರಹ
ಈ ವೇಳೆ ಇಂದಿರಾ ಕ್ರಷ್ಣಪ್ಪ , ರಾಜ್ಯ ಸಂಘಟನಾ ಸಂಚಾಲಕ ಸುಂದರ ಮಾಸ್ತರ್, ರಮೇಶ ಡಾಕುಳಕಿ, ಮರ್ಲೆ ಅಣ್ಣಯ್ಯ, ಸಿಧ್ಧರಾಜು, ಕಾರ್ಯಕ್ರಮದಲ್ಲಿ ವಸಂತಿ ಶಿವಾನಂದ, ಕುಸುಮಕ್ಕ ಗುಜ್ಜರಬೆಟ್ಟು, ಮೈಸೂರು ವಿಭಾಗೀಯ ಸಂಘಟನಾ ಸಂಚಾಲಕ ಶ್ಯಾಮರಾಜ್ ಬಿರ್ತಿ , ಉಡುಪಿ ಜಿಲ್ಲಾ ಪ್ರಧಾನ ಸಂಚಾಲಕ ಮಂಜುನಾಥ ಗಿಳಿಯಾರು , ಉಡುಪಿ ಜಿಲ್ಲಾ ಮಹಿಳಾ ಓಕ್ಕೂಟದ ಸಂಚಾಲಕಿ ಸುಂದರಿ ಪುತ್ತೂರು, ಗೀತಾ ಸುರೇಶ್, ಚೈತ್ರ ಬೈಂದೂರು, ಇಂದಿರಾ ಬೈಂದೂರು, ಸರೋಜ ಗುಜ್ಜರಬೆಟ್ಟು , ಸುನೀತಾ ಕಾಪು, ಕಾವ್ಯಾ, ಅಸ್ಮಿತಾ, ನಾಗಮ್ಮ ಬೈಂದೂರು, ಗುಲಾಬಿ ಕೆಮ್ಮಣ್ಣು ಉಪಸ್ಥಿತರಿದ್ದರು.
