“ಮುಂಡರಗಿ ಪಟ್ಟಣದ ಅಭಿವೃದ್ಧಿ ಹಿತದೃಷ್ಟಿಯಿಮಲಂದ ನಿಷ್ಠಾವಂತ ಹಾಗೂ ದಕ್ಷ ಆಡಳಿತ ಅಧಿಕಾರಿಯಾದ ಶಂಕರ ಹುಲ್ಲಮ್ಮನವರ ವರ್ಗಾವಣೆ ಆದೇಶವನ್ನು ರದ್ದು ಮಾಡಿ, ಪುನಃ ಮುಂಡರಗಿ ಪಟ್ಟಣಕ್ಕೆ ಮುಖ್ಯಾಧಿಕಾರಿಯಾಗಿ ಮುಂದುವರೆಸಬೇಕು” ಎಂದು ವಿಶ್ವ ಕನ್ನಡ ರಕ್ಷಣಾ ವೇದಿಕೆ ಮುಖಂಡರು ಮನವಿ ಮಾಡಿದರು.
ಗದಗ ಪಟ್ಟಣದ ಜಿಲ್ಲಾಡಳಿತ ಭವನದಲ್ಲಿ ವಿಶ್ವ ಕನ್ನಡ ರಕ್ಷಣಾ ವೇದಿಕೆ ವತಿಯಿಂದ ಮುಂಡರಗಿ ಪಟ್ಟಣದ ಸಾರ್ವಜನಿಕರ ಹಿತದೃಷ್ಠಿಗಾಗಿ ಪಟ್ಟಣದ ಪುರಸಭೆ ಮುಖ್ಯಾಧಿಕಾರಿಗಳು ಶಂಕರ ಹುಲ್ಲಮ್ಮನವರ ವರ್ಗಾವಣೆ ಖಂಡಿಸಿ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು.
“ಬಹಳ ವರ್ಷಗಳ ಕಾಲದ ನಂತರ ಇಂತಹ ನಿಷ್ಟಾವಂತ ಅಧಿಕಾರಿ ಬಂದಿದ್ದಾರೆ. ಮುಂಡರಗಿ ಪಟ್ಟಣದ ಸಾರ್ವಜನಿಕರ ಕಷ್ಟ-ನಷ್ಟ ಕಾರ್ಪಣ್ಯಗಳಿಗೆ ಸ್ಪಂದಿಸಿ ಯಾವುದೇ ಜಾತಿ, ಧರ್ಮ, ಬೇಧ, ಭಾವ, ಮಾಡದೇ ಎಲ್ಲರಲ್ಲಿ ತಾವು ಒಬ್ಬರು ಎಂದು ಭಾವಿಸಿ ತಮ್ಮ ಅಧಿಕಾರ ವ್ಯಾಪ್ತಿಯಲ್ಲಿ ಎಲ್ಲರಿಗೂ ಒಳ್ಳೆಯ ಕೆಲಸ ಮಾಡುತ್ತಾ ಬಂದಿದ್ದಾರೆ” ಎಂದು ಹೇಳಿದರು.
“ಸದರಿ ಮುಖ್ಯಾಧಿಕಾರಿಗಳು “ಕಾಯಕವೇ ಕೈಲಾಸ” ಎಂಬ ವಚನದಂತೆ ನಡೆದುಕೊಳ್ಳುತ್ತಾ ‘ಸರಕಾರದ ಕೆಲಸ ದೇವರ ಕೆಲಸ’ ಎಂದು ಭಾವಿಸಿ ಕೆಲವೇ ತಿಂಗಳಲ್ಲಿ ತಮ್ಮ ಸಿಬ್ಬಂದಿಗಳ ಜೊತೆ ಹಾಗೂ ಸಾರ್ವಜನಿಕರ ಜೊತೆ ಒಳ್ಳೆಯ ಸಂಬಂಧ ಹೊಂದಿದ್ದಾರೆ. ಮುಂಡರಗಿ, ಪಟ್ಟಣದ ಅಭಿವೃದ್ಧಿಗೆ ಹಗಲು- ಇರುಳು ಎನ್ನದೇ ಕೆಲಸ ಮಾಡುತ್ತಿರುವ ಸದರಿ ಮುಖ್ಯಾಧಿಕಾರಿಗಳನ್ನು ಏಕಾ ಏಕಿ ವರ್ಗಾವಣೆ ಮಾಡಿ ಸದರಿ ಪಟ್ಟಣದ ಸಾರ್ವಜನಿಕರಿಗೆ ಆಘಾತವನ್ನು ಉಂಟು ಮಾಡಿದೆ” ಎಂದರು
“ಕೂಡಲೇ ಮುಂಡರಗಿ ಮುಖ್ಯಾಧಿಕಾರಿ ಶಂಕರ ಹುಲ್ಲಮ್ಮನವರ ಅವರನ್ನು ವರ್ಗಾವಣೆ ರದ್ದು ಮಾಡಿ, ಮುಂದುವರೆಸಬೇಕು” ಎಂದು ಒತ್ತಾಯಿಸಿದರು.
ಮನವಿ ಸಂದರ್ಭದಲ್ಲಿ ವಿಶ್ವ ಕನ್ನಡ ರಕ್ಷಣಾ ವೇದಿಕೆ ಉಪಾಧ್ಯಕ್ಷ ಯಾಸಿನ್ ಬಗಲಿ, ಗೌರವಾಧ್ಯಕ್ಷರು ರಿಯಾಜ್ ಬಗಲಿ, ಮುಂಡರಗಿ ತಾಲೂಕು ಅಧ್ಯಕ್ಷರು ಮಧುಮತಿ ಮಡಿವಾಳರ, ಪೂಜಾ ಇಟಗಿಮಠ, ರಾಜೇಶ್ವರಿ ಪಾಟೀಲ್, ಶಬಾನ, ಲಿಂಗರಾಜ ಹಿರೇಮನಿ, ಧನಬಂತ ಕೋಳಿಯವರ ಇನ್ನೂ ಅನೆಕರು ಉಪಸ್ಥಿತರಿದ್ದರು.
