ಮೈಸೂರಿನ ಪ್ರವಾಸದಲ್ಲಿರುವ ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವಿರುದ್ಧ ತೀವ್ರವಾಗಿ ಹರಿಹಾಯ್ದಿದ್ದಾರೆ.
ವರದಿಗಾರರೊಂದಿಗೆ ಮಾತನಾಡಿ, ಉಪಚುನಾವಣೆ ಪ್ರಚಾರದ ವೇಳೆ ಜೆಡಿಎಸ್ ಬಗ್ಗೆ ಸಿದ್ದರಾಮಯ್ಯ ನೀಡಿರುವ ಹೇಳಿಕೆಗಳನ್ನು ಉಲ್ಲೇಖಿಸಿ, ಹಳೆಯ ರಾಜಕೀಯ ಸಂದರ್ಭಗಳನ್ನು ನೆನಪಿಸಿದರು. ಕುಟುಂಬ ರಾಜಕಾರಣದ ಬಗ್ಗೆ ಸಿದ್ದರಾಮಯ್ಯ ಲಘುವಾಗಿ ಮಾತನಾಡಿರುವುದನ್ನು ಟೀಕಿಸಿದ ಕುಮಾರಸ್ವಾಮಿ, ಅವರಿಗೆ ನೈತಿಕತೆ ಉಳಿದಿಲ್ಲ ಎಂದು ಆರೋಪಿಸಿದರು.
ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ಸಿದ್ದರಾಮಯ್ಯ ತಮ್ಮ ಮಗನಿಗೆ ಆಶ್ರಯ ಸಮಿತಿ ಜವಾಬ್ದಾರಿಗಳನ್ನು ನೀಡಿದ್ದನ್ನು ಪ್ರಸ್ತಾಪಿಸಿದಲ್ಲದೆ, ಮತ್ತೊಬ್ಬ ಮಗನನ್ನು ಶಾಸಕನಾಗಿ ಮಾಡಿದ್ದು ಕುಟುಂಬ ರಾಜಕಾರಣವಲ್ಲವೇ ಎಂದು ಪ್ರಶ್ನಿಸಿದರು. ನಾನು ಎರಡು ಬಾರಿ ಮುಖ್ಯಮಂತ್ರಿಯಾಗಿದ್ದರೂ ನನ್ನ ಮಗನಿಗೆ ಯಾವುದೇ ಅಧಿಕಾರ ನೀಡಿಲ್ಲ ಎಂದು ಹೇಳಿದರು.
1999ರಲ್ಲಿ ಅವರೇ ಪಕ್ಷದ ಅಧ್ಯಕ್ಷರಾಗಿದ್ದರು. ನನ್ನ ಅವಧಿಯಲ್ಲಿ 58 ಸೀಟ್ ಗೆದ್ದಿದ್ದೆ ಇವರು ಎಷ್ಟು ಗೆದ್ದಿದ್ದಾರೆ ಅಂತೆಲ್ಲಾ ಪ್ರಶ್ನೆ ಮಾಡುತ್ತಾರೆ. ಪದೇ ಪದೇ ಹೇಳ್ತಾರೆ. ಅದೇ ಅವರ ಅವಧಿಯಲ್ಲಿ ಎಷ್ಟು ಸ್ಥಾನ ಗೆಲ್ಲಿಸಿದ್ದರು, ಇವರು ಏನಾಗಿದ್ದರು ಅದನ್ನ ಹೇಳಲಿ. ಅನುಗ್ರಹ ಮನೆಗೆ ಸಿದ್ದರಾಮಯ್ಯ ಹಾಗೂ ಮಹದೇವಪ್ಪ ಇಬ್ಬರು ಬಂದು ಕಣ್ಣಲ್ಲಿ ನಿರಾಕಿದ್ರು, ಅವತ್ತೇನಾದರೂ ಬಕೆಟ್ ಇಟ್ಟಿದ್ದರೆ ತುಂಬಿ ಹೋಗ್ತಾ ಇತ್ತು ಎಂದು ಲೇವಡಿ ಮಾಡಿದರು.
ದೇವೇಗೌಡ್ರು ಅಂದು ದೈರ್ಯ ತುಂಬಿದರು. ಆಗ ನಾವು ಸಹ ಅಲ್ಲೇ ಇದ್ವಿ. ನಾನು ಸೋತಿದ್ದೆ, ಸಿದ್ದರಾಮಯ್ಯ, ಮಹದೇವಪ್ಪ, ರೇವಣ್ಣ ಎಲ್ಲರೂ ಸೋತಿದ್ವಿ ಇನ್ನ ರಾಜಕೀಯ ಜೀವನ ಮುಗಿಯಿತು ಎಂದಿದ್ದನ್ನ ನೆನಪಿಸಿಕೊಳ್ಳಿ. 2006ರಲ್ಲಿ 28 ಸ್ಥಾನ ಗಳಿಸಲು ನಿಮ್ಮೊಬ್ಬರದ್ದೇ ಕಾಣಿಕೆ ಇಲ್ಲ, ಅದರಲ್ಲಿ ದೇವೆಗೌಡರ ಪಾತ್ರ ಮುಖ್ಯವಾಗಿದೆ. 2002ರ ಕನಕಪುರ ಉಪ ಚುನಾವಣೆ ಸಂದರ್ಭದಲ್ಲಿ ನಿಮ್ಮ ಪಾತ್ರ ಏನಿತ್ತು. ಆಗ ಎಲ್ಲೋಗೋದ್ರಿ. ಅವತ್ತು ಯಾವುದೇ ಪ್ರಯತ್ನ ಇಲ್ಲ. ದೇವೇಗೌಡರನ್ನ ಲೋಕಸಭೆಗೆ ಕಳಿಸಲು ನಾನು, ಕಾರ್ಯಕರ್ತರು ಕೆಲಸ ಮಾಡಿದ್ದು.
ಅಹಿಂದ ಹೆಸರಿನಲ್ಲಿ ಬೆನ್ನಿಗೆ ಚೂರಿ ಹಾಕಿದವರು ನೀವು, ದೇವೆಗೌಡ ಅವರು ಮನವಿ ಮಾಡಿದರು ಪಕ್ಷ ಬಿಟ್ಟು ಹೋದವರು ನೀವೇ. ಅಂದು 58 ಜನ ಶಾಸಕರಲ್ಲಿ ನಿಮ್ಮ ಜೊತೆ ಬಂದವರು 8 ಜನ ಮಾತ್ರ. ಉಳಿದವರು ಜೆಡಿಎಸ್ ನಲ್ಲೇ ಇದ್ದರು. ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿ ತಿಣುಕಾಡಿ 200 ಮತಗಳಿಂದ ಗೆದ್ದಿದ್ದು, ಅದೇ ಕ್ಷೇತ್ರದಲ್ಲಿ ಜನ ಸೋಲಿಸಿದ್ದರು ಎನ್ನೋದನ್ನು ಮರೀಬೇಡಿ.
ಈ ಸುದ್ದಿ ಓದಿದ್ದೀರಾ? ಮೈಸೂರು | ನಿಮ್ಹಾನ್ಸ್ ಆಸ್ಪತ್ರೆ ನಿರ್ಮಾಣಕ್ಕೆ ವಿರೋಧ; ರೈತ ಸಂಘದಿಂದ ಪ್ರತಿಭಟನೆ
ಕಾಂಗ್ರೆಸ್ ಸೇರಿ, 50 ವರ್ಷಕ್ಕೂ ಹೆಚ್ಚು ಕಾಲ ಕೆಲಸ ಮಾಡಿದವರೆಲ್ಲ ಮೂಲೆಗುಂಪು ಮಾಡಿದವರು ನೀವೇ ಅದನ್ನ ನೆನಪಿನಲ್ಲಿ ಇಟ್ಟಿಕೊಳ್ಳಿ. ಕಾಂಗ್ರೆಸ್ ಬಿಟ್ಟು ಹೊರಗೆ ಬಂದು ಐದತ್ತು ಕಡೆ ಸ್ಪರ್ಧೆ ಮಾಡಿ ಗೆದ್ದು ತೋರಿಸಿ. ಅದು ಬಿಟ್ಟು ಜೆಡಿಎಸ್ ಪಕ್ಷದ ಬಗ್ಗೆ ಲಘುವಾಗಿ ಮಾತಾಡಬೇಡಿ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಅಧಿಕಾರ ಯಾರಿಗೂ ಶಾಶ್ವತ ಅಲ್ಲ. ನೀವು ಶಾಶ್ವತ ಅಲ್ಲಾ, ನಾನು ಶಾಶ್ವತ ಅಲ್ಲಾ. ದೇಶದ ಇತಿಹಾಸದಲ್ಲಿ ಸಾಕಷ್ಟು ಉದಾಹರಣೆಗಳು ಇದ್ದಾವೆ. ಅದನ್ನೆಲ್ಲ ಅವಲೋಕನ ಮಾಡಿ ಎಂದು ಸಲಹೆ ನೀಡಿದರು.
ಈ ಸುದ್ದಿ ಓದಿದ್ದೀರಾ?ಏಪ್ರಿಲ್.21ರಂದು ಗುಂಡ್ಲುಪೇಟೆಗೆ ಸಿಎಂ ಸಿದ್ದರಾಮಯ್ಯ ಭೇಟಿ
ಪತ್ರಿಕಾಗೋಷ್ಠಿಯಲ್ಲಿ ಶಾಸಕ ಜಿ.ಡಿ. ಹರೀಶ್ ಗೌಡ, ಮಾಜಿ ಶಾಸಕ ಕೆ. ಮಹದೇವ್ ಸೇರಿದಂತೆ ಪಕ್ಷದ ಮುಖಂಡರು ಇದ್ದರು.
