ಸಾರ್ವಜನಿಕರ ಆರೋಗ್ಯದ ದೃಷ್ಟಿಯಿಂದ ಮತ್ತು ವೈದ್ಯಕೀಯವಾಗಿ ಯಾವುದೇ ನೈಜ ಪ್ರಯೋಜನವಿಲ್ಲದ ಕಾರಣ, ಕೇಂದ್ರ ಸರ್ಕಾರವು 16 ‘ಫಿಕ್ಸೆಡ್-ಡೋಸ್ ಕಾಂಬಿನೇಶನ್’ (ಎಫ್‌ಡಿಸಿ-FDC) ಔಷಧಗಳನ್ನು ತಕ್ಷಣದಿಂದಲೇ ಜಾರಿಗೆ ಬರುವಂತೆ ನಿಷೇಧಿಸಿದೆ.
ಔಷಧ ಮತ್ತು ಸೌಂದರ್ಯವರ್ಧಕ ಕಾಯ್ದೆಯ (Drugs and Cosmetics Act) ಸೆಕ್ಷನ್ 26A ಅಡಿಯಲ್ಲಿ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಈ ಆದೇಶವನ್ನು ಹೊರಡಿಸಿದ್ದು, ದೇಶದಾದ್ಯಂತ ಈ 16 ನಿರ್ದಿಷ್ಟ ಔಷಧಗಳ ಉತ್ಪಾದನೆ, ಮಾರಾಟ ಮತ್ತು ವಿತರಣೆಯನ್ನು ಸಂಪೂರ್ಣವಾಗಿ ನಿರ್ಬಂಧಿಸಲಾಗಿದೆ.
ಭಾರತೀಯ ಔಷಧ ಮಾರುಕಟ್ಟೆಯ ಬಗ್ಗೆ ಪರಿಶೀಲನೆ ನಡೆಸುವಂತೆ ಸುಪ್ರೀಂ ಕೋರ್ಟ್ ನೀಡಿದ್ದ ಆದೇಶದ ಅನ್ವಯ ಈ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ. ನ್ಯಾಯಾಲಯದ ನಿರ್ದೇಶನದಂತೆ, ‘ಔಷಧ ತಾಂತ್ರಿಕ ಸಲಹಾ ಮಂಡಳಿ’ (DTAB) ತಜ್ಞರ ಸಮಿತಿಯೊಂದನ್ನು ರಚಿಸಿತ್ತು. ಈ ಸಮಿತಿಯು ಹಾನಿಕಾರಕ ಎನ್ನಲಾದ ಔಷಧಗಳ ಕ್ಲಿನಿಕಲ್ ಡೇಟಾವನ್ನು (ವೈದ್ಯಕೀಯ ದತ್ತಾಂಶ) ಕೂಲಂಕಷವಾಗಿ ಪರಿಶೀಲಿಸಿದೆ.
ಇದನ್ನು ಓದಿದ್ದೀರಾ? ಟಿ20 ಮಹಿಳಾ ವಿಶ್ವಕಪ್‌: ನೆದರ್ಲೆಂಡ್ಸ್ ವಿರುದ್ಧ ಭಾರತಕ್ಕೆ 95 ರನ್‌ಗಳ ಭರ್ಜರಿ ಜಯ
ಈ 16 ಔಷಧಗಳ ಸಂಯೋಜನೆಯಿಂದ ರೋಗಿಗಳಿಗೆ ಯಾವುದೇ ರೀತಿಯ ‘ಚಿಕಿತ್ಸಕ ಮೌಲ್ಯ’ ಅಥವಾ ನೈಜ ಪ್ರಯೋಜನ ಸಿಗುತ್ತಿಲ್ಲ ಎಂಬುದು ತಜ್ಞರ ಸಮಿತಿಯ ವರದಿಯಲ್ಲಿ ದೃಢಪಟ್ಟಿದೆ. ಅಲ್ಲದೆ, ಇವುಗಳ ಬಳಕೆಯಿಂದ ಸಾರ್ವಜನಿಕರ ಆರೋಗ್ಯಕ್ಕೆ ಅಪಾಯ ಉಂಟಾಗುವ ಸಾಧ್ಯತೆಗಳಿರುವುದರಿಂದ, ಇವುಗಳನ್ನು ತಕ್ಷಣವೇ ಹಿಂಪಡೆಯಲು ಮತ್ತು ನಿಷೇಧಿಸಲು ಶಿಫಾರಸು ಮಾಡಲಾಗಿತ್ತು.
ನಿಷೇಧಿಸಲ್ಪಟ್ಟ 16 ಎಫ್‌ಡಿಸಿ ಔಷಧಗಳ ಪಟ್ಟಿ ಇಲ್ಲಿದೆ:
ಅಸೆಟೈಲ್ ಸ್ಯಾಲಿಸಿಲಿಕ್ ಆಸಿಡ್ + ಎಥೊಹೆಪ್ಟಾಜಿನ್ (Acetyl Salicylic Acid + Ethoheptazine)ಅಲೋ ಎಕ್ಸ್‌ಟ್ರಾಕ್ಟ್ + ಅಲ್ಯಾಂಟೊಯಿನ್ + ಆಲ್ಫಾ ಟೊಕೊಫೆರಾಲ್ ಅಸಿಟೇಟ್ + ಡಿ-ಪ್ಯಾಂಥೆನಾಲ್ + ವಿಟಮಿನ್ ಎ
ಅಲೋ ಎಕ್ಸ್‌ಟ್ರಾಕ್ಟ್ + ವಿಟಮಿನ್ ಇ + ಡೈಮೆಥಿಕೋನ್ + ಗ್ಲಿಸರಿನ್
ಅಲೋವೆರಾ + ಜೊಜೊಬಾ ಆಯಿಲ್ + ವಿಟಮಿನ್ ಇ
ಅಲೋವೆರಾ + ಆರೆಂಜ್ ಆಯಿಲ್
ಅಲೋವೆರಾ + ಜೊಜೊಬಾ ಆಯಿಲ್ + ವೀಟ್ ಜರ್ಮ್ ಆಯಿಲ್ + ಟೀ ಟ್ರೀ ಆಯಿಲ್
ಅಲೋವೆರಾ + ವಿಟಮಿನ್ ಇ + ಹರ್ಬಲ್ ಪ್ರಿಪರೇಷನ್
ಡೈಸೈಕ್ಲೋಮಿನ್ + ಪ್ಯಾರಾಸಿಟಮಾಲ್ + ಕ್ಲಿಡಿನಿಯಮ್ ಬ್ರೋಮೈಡ್
ಡೈಸೈಕ್ಲೋಮಿನ್ + ಪ್ಯಾರಾಸಿಟಮಾಲ್ + ಕ್ಲಿಡಿನಿಯಮ್ ಬ್ರೋಮೈಡ್ + ಕ್ಲೋರ್ಡಿಯಾಜೆಪಾಕ್ಸೈಡ್
ಗ್ಲಿಕ್ಲಾಜೈಡ್ + ಕ್ರೋಮಿಯಂ ಪಿಕೋಲಿನೇಟ್
ಪ್ಯಾರಾಸಿಟಮಾಲ್ + ಲಿಗ್ನೋಕೇನ್
ಅಮೋಕ್ಸಿಸಿಲಿನ್ + ಸೆರೇಶಿಯೋಪೆಪ್ಟೈಡೇಸ್ + ಲ್ಯಾಕ್ಟೋಬಾಸಿಲಸ್ ಸ್ಪೋರೊಜೆನೆಸ್
ಅಮೋಕ್ಸಿಸಿಲಿನ್ + ಕ್ಲೋಕ್ಸಾಸಿಲಿನ್ + ಲ್ಯಾಕ್ಟಿಕ್ ಆಸಿಡ್ ಬ್ಯಾಸಿಲಸ್ + ಸೆರೇಶಿಯೋಪೆಪ್ಟೈಡೇಸ್
ಅಮೋಕ್ಸಿಸಿಲಿನ್ + ಸೆರೇಶಿಯೋಪೆಪ್ಟೈಡೇಸ್
ಸೆಫಾಡ್ರಾಕ್ಸಿಲ್ + ಪ್ರೊಬೆನೆಸಿಡ್
ಸೆಫ್ಯೂರೋಕ್ಸೈಮ್ + ಸೆರೇಶಿಯೋಪೆಪ್ಟೈಡೇಸ್
