ಕೇರಳದಲ್ಲಿ ಮತ ಎಣಿಕೆ ನಡೆಯುತ್ತಿದ್ದು, ಯುಡಿಎಫ್ ಮುನ್ನಡೆ ಸಾಧಿಸಿದೆ, ಎಲ್ಡಿಎಫ್ ಗಮನಾರ್ಹ ಹಿನ್ನಡೆ ಸಾಧಿಸಿದೆ. ಎಲ್ಡಿಎಫ್ನ ಪ್ರಮುಖ ಪಕ್ಷ ಸಿಪಿಐಎಂಗೆ ಬಂಡಾಯ ನಾಯಕರುಗಳು ಸವಾಲೊಡ್ಡುತ್ತಿದ್ದಾರೆ. ಸಿಪಿಐಎಂನ ಮೂವರು ಮಾಜಿ ನಾಯಕರುಗಳು ಆರಂಭಿಕ ಮುನ್ನಡೆ ಸಾಧಿಸಿದ್ದಾರೆ.
ಚುನಾವಣಾ ಆಯೋಗದ ಅಂಕಿಅಂಶಗಳ ಪ್ರಕಾರ, ಪಯ್ಯನ್ನೂರಿನಲ್ಲಿ ಕಣಕ್ಕಿಳಿದಿರುವ ಯುಡಿಎಫ್ ಬೆಂಬಲಿತ ಸ್ವತಂತ್ರ ಅಭ್ಯರ್ಥಿ ವಿ ಕೆ ಕುಂಞಿಕೃಷ್ಣನ್ 5,000 ಮತಗಳ ಅಂತರದಿಂದ ಗೆಲ್ಲುವ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ. ಸಿಪಿಐಎಂನ ಟಿ.ಐ. ಮಧುಸೂದನನ್ ಅವರನ್ನು ಕುಂಞಿಕೃಷ್ಣನ್ ಹಿಂದಿಕ್ಕಿದ್ದಾರೆ.
ಇದನ್ನು ಓದಿದ್ದೀರಾ? ಕೇರಳ ಚುನಾವಣೆ | ಬಹುಮತದ ಗಡಿ ದಾಟಿ ಯುಡಿಎಫ್ ಮುನ್ನಡೆ: ಸಿಎಂ ಪಿಣರಾಯಿಗೆ ಹಿನ್ನಡೆ
ತಳಿಪರಂಬದಲ್ಲಿ, ಟಿ.ಕೆ. ಗೋವಿಂದನ್ ಮಾಸ್ಟರ್ ಸಿಪಿಐ(ಎಂ) ಅಭ್ಯರ್ಥಿ ಪಿ.ಕೆ. ಶ್ಯಾಮಲಾ ಟೀಚರ್ ಅವರಿಗಿಂತ 7,000 ಮತಗಳ ಅಂತರದಿಂದ ಮುನ್ನಡೆ ಸಾಧಿಸಿದ್ದಾರೆ. ಈ ನಡುವೆ ಮಾಜಿ ಸಚಿವ ಜಿ. ಸುಧಾಕರನ್ ಅಂಬಲಪ್ಪುಳದಲ್ಲಿ ಮುನ್ನಡೆಯಲ್ಲಿದ್ದಾರೆ.
ಸಿಪಿಐಎಂನಲ್ಲಿ ಭಿನ್ನಾಭಿಪ್ರಾಯವು ವಿಶೇಷವಾಗಿ ಸಾಂಪ್ರದಾಯಿಕ ಭದ್ರಕೋಟೆಗಳಲ್ಲಿ ಹೊಡೆತ ನೀಡಿದೆ. ಬಂಡಾಯ ಅಭ್ಯರ್ಥಿಗಳು ಗೆಲುವಿನತ್ತ ಸಾಗುತ್ತಿದ್ದಾರೆ.
