ಬಿಹಾರ ವಿಧಾನಸಭಾ ಚುನಾವಣೆಗಾಗಿ ಬಿಜೆಪಿ ನೇತೃತ್ವದ ಎನ್ಡಿಎ ಮೈತ್ರಿಕೂಟ ತನ್ನ ಪ್ರಣಾಳಿಕೆ ಬಿಡುಗಡೆ ಮಾಡಿದೆ. ಯುವಜನರಿಗೆ ಉದ್ಯೋಗ, ಮಹಿಳಾ ಸಬಲೀಕರಣ ಹಾಗೂ ಹಿಂದುಳಿದ ವರ್ಗಗಳ ಅಭಿವೃದ್ಧಿಗೆ ಹೆಚ್ಚು ಒತ್ತು ಕೊಡುವುದಾಗಿ ಭರವಸೆ ನೀಡಿದೆ.
- Advertisement -
ಪಾಟ್ನಾದಲ್ಲಿ ಎನ್ಡಿಎ ಮೈತ್ರಿಕೂಟದ ಎಲ್ಲ ನಾಯಕರು ಒಗ್ಗೂಡಿ ಪ್ರಣಾಳಿಕೆ ಬಿಡುಗಡೆ ಮಾಡಿದ್ದಾರೆ. ಯುವಜನರಿಗೆ ಬರೋಬ್ಬರಿ 1 ಕೋಟಿ ಸರ್ಕಾರ ಉದ್ಯೋಗ ಒದಗಿಸುವುದಾಗಿ ಎನ್ಡಿಎ ಘೋಷಿಸಿದೆ.
ಎನ್ಡಿಎ ಪ್ರಮುಖ ಭರವಸೆಗಳು
- ಬಿಹಾರದಲ್ಲಿ 1 ಕೋಟಿಗೂ ಹೆಚ್ಚು ಸರ್ಕಾರಿ ಉದ್ಯೋಗ
- ಯುವಕರ ಕೌಶಲ್ಯವರ್ಧನೆಗಾಗಿ ಪ್ರತಿ ಜಿಲ್ಲೆಯಲ್ಲಿ ‘ಮೆಗಾ ಕೌಶಲ್ಯ ಕೇಂದ್ರ’ ಸ್ಥಾಪನೆ
- ತರಬೇತಿಯ ನಂತರ, ಪ್ರಪಂಚದಾದ್ಯಂತ ಬಿಹಾರದ ಯುವಜನರನ್ನು ಕೆಲಸಕ್ಕಾಗಿ ಕಳುಹಿಸುವುದು
- ಮಹಿಳೆಯರಿಗೆ 2 ಲಕ್ಷ ರೂ.ವರೆಗೆ ಆರ್ಥಿಕ ನೆರವು
- 1 ಕೋಟಿ ‘ಲಖ್ಪತಿ ದೀದಿಗಳು’ (1 ಲಕ್ಷ ರೂ. ಗಳಿಸುವ ಮಹಿಳೆಯರು) ಸೃಷ್ಟಿ ಮತ್ತು ಕೋಟ್ಯಾಧಿಪತಿಗಳಾಗಲು (1 ಕೋಟಿ ರೂ. ಗಳಿಸುವವರು) ‘ಮಿಷನ್ ಕರೋಡ್ಪತಿ’ ಯೋಜನೆ
- ಅತ್ಯಂತ ಹಿಂದುಳಿದ ವರ್ಗಗಳಿಗೆ (ಇಬಿಸಿಗಳು) 10 ಲಕ್ಷ ರೂ.ವರೆಗೆ ಆರ್ಥಿಕ ನೆರವು.
- ಅತ್ಯಂತ ಹಿಂದುಳಿದ ವರ್ಗಗಳಿಗೆ ಕಲ್ಯಾಣ ಯೋಜನೆಗಳನ್ನು ರೂಪಿಸಲು ಪ್ರತ್ಯೇಕ ಸಮಿತಿ
- ಕೃಷಿ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ (ಎಂಎಸ್ಪಿ)ಗೆ ಕಾನೂನು ಖಾತರಿ.
