ಪ್ರತಿಭಟನೆಯನ್ನು ಹತ್ತಿಕ್ಕುವ ಪ್ರಜಾಪ್ರಭುತ್ವ ವಿರೋಧಿ ಕ್ರಮವನ್ನು ಖಂಡಿಸಿ ಹಾಸನದ ಹೇಮಾವತಿ ಪ್ರತಿಮೆಯ ಮುಂಭಾಗ CPIM, CPI, CITU ಮತ್ತು ಜನಪರ ಚಳುವಳಿಗಳ ಒಕ್ಕೂಟದಿಂದ ಶನಿವಾರ ಪ್ರತಿಭಟನೆ ನಡೆಸಲಾಯಿತು.
ಸಂವಿಧಾನ ವಿರೋಧಿ ಎಸ್ಐಆರ್ ಪ್ರಕ್ರಿಯೆಯ ಮೂಲಕ ದೇಶದ ಮತದಾರರನ್ನು ಹೊರಗಿಡುವ ಕ್ರಮವನ್ನು ಖಂಡಿಸಿ, ಇದಕ್ಕೆ ಕಾರಣವಾಗಿರುವ ಮುಖ್ಯ ಚುನಾವಣಾ ಆಯುಕ್ತ ಗ್ಯಾನೇಶ್ ಕುಮಾರ್ ವಜಾಗೊಳಿಸಲು ಒತ್ತಾಯಿಸಿ ದೆಹಲಿಯಲ್ಲಿ ನಡೆಯುತ್ತಿರುವ ಪ್ರತಿಭಟನೆಯನ್ನು ಹತ್ತಿಕ್ಕಲು ಎಡಪಕ್ಷಗಳು ಸೇರಿದಂತೆ ಎಲ್ಲಾ ವಿರೋಧ ಪಕ್ಷಗಳ ಮುಖಂಡರನ್ನು, ವಿದ್ಯಾರ್ಥಿ ಯುವಜನ ಮುಖಂಡರನ್ನು ಅಮಾನುಷವಾಗಿ ಬಂದಿಸಿದ ಕ್ರಮವನ್ನು ಪ್ರತಿಭಟನಾಕಾರರು ತೀವ್ರವಾಗಿ ವಿಧೋಧಿಸಿದರು.
ಸುಮಾರು 25 ಸಾವಿರಕ್ಕೂ ಹೆಚ್ಚು ಪೊಲೀಸ್, ಮಿಲಿಟರಿ ಮತ್ತು ಅರೆಸೇನಾ ಪಡೆಗಳನ್ನು ನಿಯೋಜಿಸಿ ಪ್ರತಿಭಟಿಸುವ ಸಂವಿಧಾನಾತ್ಮಕ ಹಕ್ಕನ್ನು ದಮನಗೊಳಿಸುವ ಈ ಕ್ರಮ ಸರ್ವಾಧಿಕಾರಿಯಾದದ್ದು. ಇಂತಹ ಕ್ರಮಗಳಿಂದ ನರೇಂದ್ರ ಮೋದಿ ಮತ್ತು ಅಮೀದ್ ಶಾಗೆ ದೇಶದ ಜನತೆ ತಕ್ಕ ಪಾಠ ಕಲಿಸುತ್ತಾರೆ ಎಂದು ಪ್ರತಿಭಟನಾಕಾರರು ಎಚ್ಚರಿಸಿದರು.
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ಫಾರಂ-7 ದುರುಪಯೋಗ; ಮತದಾರರ ಪಟ್ಟಿಯಿಂದ ಹೆಸರು ಡಿಲೀಟ್‌ ಯತ್ನಕ್ಕೆ ತೀವ್ರ ವಿರೋಧ
ಈ ಪ್ರತಿಭಟನೆಯಲ್ಲಿ ಸಾಹಿತಿಗಳಾದ ರೂಪ ಹಾಸನ ಸಿಪಿಐ ಮುಖಂಡರಾದ ಎಂ.ಸಿ.ಡೋಂಗ್ರೆ, ಸಿಪಿಐಎಂ ಮುಖಂಡರುಗಳಾದ ಧರ್ಮೇಶ್, ಹೆಚ್.ಆರ್. ನವೀನ್ ಕುಮಾರ್ ಸಿಐಟಿಯುನ ಎಂ.ಬಿ.ಪುಷ್ಪ, ಅರವಿಂದ್, ಡಿವೈಎಫ್ಐ ನ ಎಂ.ಜಿ.ಪೃಥ್ವಿ, ಜನಪರ ಸಂಘಟನೆಗಳ ಇರ್ಷಾದ್ ಅಹಮದ್ ದೇಸಾಯಿ, ಪರಮಶಿವಯ್ಯ, ಮಂಜು, ವಿದ್ಯಾರ್ಥಿ ಮುಖಂಡರುಗಳಾದ ಹಂಸಿನಿ, ಅಹರ್ನಿಷಿ ಮೊದಲಾದ ಪ್ರಮುಖರು ಭಾಗವಹಿಸಿದ್ದರು.
