ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಂದಕ್ಕೂ ChatGPT ನಂತಹ ಕೃತಕ ಬುದ್ಧಿಮತ್ತೆ (AI) ಬಳಸುವುದು ಸಾಮಾನ್ಯವಾಗಿ ಹೋಗಿದೆ. ಸಣ್ಣ ಸಂಶಯವಿದ್ದರೂ ChatGPT ಬಳಿ ಕೇಳುತ್ತೇವೆ. ವಿದ್ಯಾರ್ಥಿಗಳು ಪಿಪಿಟಿ, ಪ್ರಬಂಧ ಬರೆಯಲೂ ChatGPT ಬಳಸುತ್ತಾರೆ. ಹೀಗೆ ಉದ್ಯೋಗ ಅರ್ಜಿ ಹಾಕುವಾಗಲೂ ChatGPT ಬಳಸುವವರಿಗೆ ಹಾಲಿಸಿನಿಮಾ ಲೋಕದ ಖ್ಯಾತ ನಟಿ, ಆಸ್ಕರ್ ವಿಜೇತೆ ಆನ್ ಹ್ಯಾಥ್ವೇ ಎಚ್ಚರಿಕೆ ನೀಡಿದ್ದಾರೆ.
ಸಂದರ್ಶನವೊಂದರಲ್ಲಿ ಉದ್ಯೋಗ ಮಾರುಕಟ್ಟೆಯ ಇಂದಿನ ಸ್ಥಿತಿಯ ಬಗ್ಗೆ ಮಾತನಾಡುತ್ತಾ ಆನ್ ಹ್ಯಾಥ್ವೇ ಎಐ ಪರಿಕರಗಳನ್ನು ಅತಿಯಾಗಿ ಬಳಸುತ್ತಿರುವುದರ ಕುರಿತು ಕಳವಳ ವ್ಯಕ್ತಪಡಿಸಿದ್ದಾರೆ. ತಾವು ನೇಮಕಾತಿ ಮಾಡುವಾಗ ಅಭ್ಯರ್ಥಿಗಳು ಒಂದೇ ರೀತಿಯ ChatGPT-ರಚಿತ ರೆಸ್ಯೂಮೆ ನೀಡಿರುವುದನ್ನು ನೋಡಿ ಬೆರಗಾದೆ ಎನ್ನುತ್ತಾರೆ ಆನ್ ಹ್ಯಾಥ್ವೇ.
ಇದನ್ನೂ ಓದಿ: ChatGPTಯನ್ನ ʼದೆವ್ವʼ ಎಂದ ಎಲಾನ್ ಮಸ್ಕ್: ಯಾಕೆ ಗೊತ್ತಾ?
“ನಾನು ರೆಸ್ಯೂಮೆ ನೋಡಿ ಓಹ್ ಏನಿದು ಅಂದುಕೊಂಡೆ. ನಾನು ನೋಡಬಾರದದ್ದನ್ನು ನೋಡುತ್ತಿದ್ದೇನೆ ಎಂದನಿಸಿತು. ನೀವು ಏನು ತಿಳಿಯದಂತೆ ಮುಚ್ಚಿಡಲು ಬಯಸುತ್ತೀರೋ ಅದೇ ನಿಮ್ಮನ್ನು ಬಹಿರಂಗವಾಗುತ್ತದೆ” ಎಂದು ಹೇಳಿದ್ದಾರೆ.
“ChatGPT ಅಥವಾ ಯಾವುದೇ AI ಮಾದರಿಗಳು ನೀಡುವ ಬರಹಗಳು ವ್ಯಾಕರಣಬದ್ಧವಾಗಿ ಮತ್ತು ಆಕರ್ಷಕವಾಗಿ ಕಾಣುತ್ತದೆ. ಆದರೆ ಒಬ್ಬ ವ್ಯಕ್ತಿಯ ವೈಯಕ್ತಿಕ ಅನುಭವ, ಭಾವನೆ ಮತ್ತು ನೈಜ ಉತ್ಸಾಹ ಅದರಲ್ಲಿ ಇರಲ್ಲ. ಉದ್ಯೋಗದಾತರು ಕೇವಲ ತಾಂತ್ರಿಕವಾಗಿ ಪರಿಪೂರ್ಣವಾಗಿರುವ ಪತ್ರಗಳನ್ನಷ್ಟೇ ಬಯಸಲ್ಲ, ಬದಲಾಗಿ ಅಭ್ಯರ್ಥಿಯ ನೈಜ ವ್ಯಕ್ತಿತ್ವ ಏನೆಂದು ತಿಳಿಯಲು ಬಯಸ್ತಾರೆ” ಎಂದು ಅಭಿಪ್ರಾಯಿಸಿದ್ದಾರೆ.
ಇನ್ನು ಲಕ್ಷಾಂತರ ಉದ್ಯೋಗಾಕಾಂಕ್ಷಿಗಳು ಒಂದೇ ರೀತಿಯ AI ಪರಿಕರಗಳನ್ನು ಬಳಸಿ ರೆಸ್ಯೂಮೆ ಮತ್ತು ಕವರ್ ಲೆಟರ್ ಸಿದ್ಧಪಡಿಸಿದಾಗ, ಎಲ್ಲರ ಅರ್ಜಿಯ ಶೈಲಿಯೂ ಒಂದೇ ಮಾದರಿಯಲ್ಲಿರುತ್ತದೆ. ಇದು ನಿಮ್ಮನ್ನು ಇತರ ಅಭ್ಯರ್ಥಿಗಳಿಗಿಂತ ಭಿನ್ನವಾಗಿ ತೋರಿಸುವ ಬದಲು, ಎಲ್ಲರ ನಡುವೆ ನೀವೂ ಒಬ್ಬರಾಗಿ ಕಳೆದುಹೋಗುವಂತೆ ಮಾಡುತ್ತದೆ ಎಂದು ಆನ್ ಅಭಿಪ್ರಾಯಿಸಿದ್ದಾರೆ.
ಇನ್ನು “ನೀವು AI ಸಹಾಯದಿಂದ ಅತ್ಯುತ್ತಮ ಕವರ್ ಲೆಟರ್ ಬರೆದು ಮೊದಲ ಹಂತದಲ್ಲಿ ಆಯ್ಕೆಯಾದರೂ, ನೇರ ಸಂದರ್ಶನ ನಡೆಯುವಾಗ ನಿಮ್ಮ ಸಂವಹನ ಕೌಶಲ್ಯಕ್ಕೂ ಭಾಷಾ ಶೈಲಿಗೂ ಹೊಂದಾಣಿಕೆ ಇಲ್ಲದಿರುವುದು ಸಂದರ್ಶನ ಮಾಡುವವರಿಗೆ ಸುಲಭವಾಗಿ ತಿಳಿಯುವಂತೆ ಮಾಡುತ್ತದೆ. ಇದು ನಿಮ್ಮ ಮೇಲೆ ಹುಟ್ಟಬೇಕಾದ ನಂಬಿಕೆಗೆ ದಕ್ಕೆಯನ್ನುಂಟು ಮಾಡುತ್ತದೆ” ಎಂದು ಆನ್ ಹೇಳಿದ್ದಾರೆ.
