ಕಾವೇರಿ ವನ್ಯಧಾಮ ಗುಂಡಿನ ಚಕಮಕಿ: ಅರಣ್ಯ ಸಿಬ್ಬಂದಿ ರಕ್ಷಣೆಗೆ ನಿವೃತ್ತ ಅರಣ್ಯಾಧಿಕಾರಿಗಳ ಆಗ್ರಹ

ಆಗಸ್ಟ್‌ 15ರಂದು ಕಾವೇರಿ ವನ್ಯಜೀವಿಧಾಮದ ಹನೂರು ವನ್ಯಜೀವಿ ವಲಯದಲ್ಲಿ ನಡೆದ ಗುಂಡಿನ ಚಕಮಕಿ ಘಟನೆ ಸಂಬಂಧಿಸಿದಂತೆ ಅರಣ್ಯ ಸಿಬ್ಬಂದಿಯ ಕಾನೂನು ಬದ್ದ ರಕ್ಷಣೆ, ಸುರಕ್ಷಣೆ ಮತ್ತು ಮನೋಸ್ಥೈರ್ಯ ಕಾಪಾಡುವಂತೆ ಆಗ್ರಹಿಸಿ ಕರ್ನಾಟಕ ನಿವೃತ್ತ ಅರಣ್ಯಾಧಿಕಾರಗಳ ಸಂಘವು ಬೆಂಗಳೂರಿನ ಫ್ರೀಡಂ ಪಾರ್ಕ್‌ನಲ್ಲಿ ಪ್ರತಿಭಟನೆ ನಡೆಸಿದರು. ಈ ಸಂದರ್ಭದಲ್ಲಿ ಮುಖ್ಯಮಂತ್ರಿಗಳಿಗೆ ತನಿಖೆ ಪೂರ್ಣಗೊಳ್ಳುವವರೆಗೆ ಕರ್ತವ್ಯನಿರತ ಅರಣ್ಯ ಸಿಬ್ಬಂದಿಯನ್ನು ಪೂರ್ವಗ್ರಹಪೀಡಿತವಾಗಿ ಅಪರಾಧಿಗಳೆಂದು ಬಿಂಬಿಸದಂತೆ ಸರ್ಕಾರ ಸ್ಪಷ್ಟ ನಿಲುವು ತಾಳಬೇಕು ಎಂದು ಮನವಿ ಮಾಡಿದರು.
ಇದರೊಂದಿಗೆ ಸರ್ಕಾರವು ಕೆಲವು ತುರ್ತು ಕ್ರಮಗಳನ್ನು ತೆಗೆದುಕೊಳ್ಳಬೇಕೆಂದು ಮನವಿ ಮಾಡಿದರು.
ಅರಣ್ಯ ಸಿಬ್ಬಂದಿಗೆ ಆಧುನಿಕ ಸುರಕ್ಷತಾ ಸಾಧನಗಳಾದ ಆಧುನಿಕ ಶಸ್ತ್ರಾಸ್ತ್ರಗಳು, ಬುಲೆಟ್‌ ಫ್ರೂಫ್‌ ಜಾಕೆಟ್‌ಗಳು, ಹೆಲ್ಮೆಟ್‌, ನೈಟ್‌ ವಿಷನ್‌ ಕ್ಯಾಮರಾ, ಜಿಪಿಎಸ್‌, ಡ್ರೋನ್‌, ಎಮರ್ಜೆನ್ಸಿ ಮೆಡಿಕಲ್‌ ಕಿಟ್‌ಗಳು ಒದಗಿಸಬೇಕು.
ಶಸ್ತ್ರಬಳಕೆ, ಆತ್ಮ ರಕ್ಷಣೆ, ಮಾನವ ಹಕ್ಕುಗಳ, ಸಾಕ್ಷಿಗಳ ಸಂರಕ್ಷಣೆ, ಅಪರಾಧ ಸ್ಥಳ ನಿರ್ವಹಣೆ, ವನ್ಯಜೀವಿ ಅಪರಾಧ ತನಿಖೆ. ಅರಣ್ಯ ಸುತ್ತಲಿನ ಗ್ರಾಮಗಳಲ್ಲಿ ಜನಜಾಗೃತಿಯನ್ನು ಮೂಡಿಸುವ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಬೇಕೆಂದು ಮನವಿ ಮಾಡಿದರು.