ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ (MUDA) ಹಗರಣದಲ್ಲಿ ವಿವಾದಾತ್ಮಕ 50:50 ಅನುಪಾತದ ನಿಯಮದಡಿ ಅಕ್ರಮವಾಗಿ ಹಂಚಿಕೆಯಾಗಿದ್ದ ಎಲ್ಲಾ 1,100 ಬದಲಿ ನಿವೇಶನಗಳ ಹಂಚಿಕೆಯನ್ನು ತಕ್ಷಣದಿಂದಲೇ ರದ್ದುಗೊಳಿಸಿ ನಗರಾಭಿವೃದ್ಧಿ ಸಚಿವ ಡಾ. ಯತೀಂದ್ರ ಸಿದ್ದರಾಮಯ್ಯ ಅವರು ಆದೇಶ ಹೊರಡಿಸಿದ್ದಾರೆ.
ಸುಮಾರು 2 ಸಾವಿರ ಕೋಟಿ ಮೌಲ್ಯದ ಸೈಟುಗಳನ್ನು ನಿಯಮಾವಳಿ ಉಲ್ಲಂಘನೆ ಮಾಡಿ ಹಂಚಿಕೆಯಾಗಿದ್ದವು. ಇದೀಗ 2023ರ ಮಾರ್ಚ್ 14 ರ ನಿರ್ದೇಶನ ಉಲ್ಲಂಘಿಸಿ ಮಾಡಲಾದ ಎಲ್ಲಾ 50:50 ಅನುಪಾತದ ಸೈಟುಗಳನ್ನು ತಕ್ಷಣವೇ ಹಂಚಿಕೆ ರದ್ದು ಪಡಿಸುವಂತೆ ಜಿಲ್ಲಾಡಳಿತ, ಎಂ.ಡಿ. ಎ, ಸ್ಥಳೀಯ ಸಂಸ್ಥೆಗಳಿಗೆ ನಿರ್ದೇಶನ ನೀಡಲಾಗಿದೆ. ಜೊತೆಗೆ ನೋಂದಣಿಯಾಗಿರುವ ಸೆಲ್ ಡೀಡ್ಗಳ ರದ್ದುಪಡಿಸಲು ಕೋರ್ಟ್ನಲ್ಲಿ ದಾವೆ ಹಾಕುವಂತೆ ಸೂಚಿಸಲಾಗಿದೆ. ಹೊಸ ಕ್ರಯ ಪತ್ರ ವಿತರಣೆ ನೀಡದಂತೆ ಮತ್ತು 50:50 ಅನುಪಾತದ ಯಾವುದೇ ಸೈಟುಗಳನ್ನು ಖಾತೆ ಮಾಡಿಕೊಡದಂತೆ ಸೂಚನೆ ನೀಡಲಾಗಿದೆ. ಈ ತೀರ್ಮಾನದಿಂದಾಗಿ ಸರ್ಕಾರಕ್ಕೆ ಬರೋಬ್ಬರಿ ₹2,000 ಕೋಟಿ ಮೌಲ್ಯದ ಸಾರ್ವಜನಿಕ ಆಸ್ತಿ ಉಳಿದಂತಾಗಿದೆ.
