ಮರಳುಕುಂಟೆ ಗ್ರಾಮದ ರಾಮಾಂಜಿನಪ್ಪ 12 ವರ್ಷಗಳಿಂದ ತಾಲ್ಲೂಕು ರೈತ ಸಂಘದ ಅಧ್ಯಕ್ಷರಾಗಿದ್ದರು. ಅವರಿಗೆ ಪತ್ನಿ, ಪುತ್ರ, ಪುತ್ರಿ ಇದ್ದಾರೆ. ಅವರು ಸಾಲ ಸಹ ಮಾಡಿಕೊಂಡಿದ್ದರು ಎನ್ನಲಾಗುತ್ತಿದೆ.
ಸ್ಥಳದಲ್ಲಿ ಡೆತ್ನೋಟ್ ಸಹ ದೊರೆತಿದೆ. ರವೀಂದ್ರ ರೆಡ್ಡಿ ಎಂಬುವವರಿಗೆ ರಾಮಾಂಜಿನಪ್ಪ ಒಂದು ಗುಂಟೆ ಜಮೀನಿಗೆ ₹ 2.20 ಲಕ್ಷದಂತೆ 35 ಗುಂಟೆ ಜಮೀನು ಮಾರಾಟ ಮಾಡಿದ್ದರು. ನೋಂದಣಿ ಸಮಯದಲ್ಲಿ ರವೀಂದ್ರ ರೆಡ್ಡಿ ₹ 50 ಲಕ್ಷ ನೀಡಿದ್ದರು. ಉಳಿದ ಹಣವನ್ನು ಒಂದು ವಾರದಲ್ಲಿ ಕೊಡುವುದಾಗಿ ತಿಳಿಸಿದ್ದರು. ನಂತರ ₹ 7.50 ಲಕ್ಷ ನೀಡಿದ್ದರು. ಉಳಿದ ₹ 19.50 ಲಕ್ಷವನ್ನು 10 ತಿಂಗಳಾದರೂ ನೀಡಿರಲಿಲ್ಲ ಎಂದು ಡೆತ್ನೋಟ್ನಲ್ಲಿ ರಾಮಾಂಜಿನಪ್ಪ ಬರೆದಿದ್ದಾರೆ.
‘ಜಮೀನು ಮಾರಾಟ ಮಾಡಿ ಹಣ ಬರಲಿಲ್ಲ ಎಂದರೆ ಜನರು ನಗುತ್ತಾರೆ. ಸಮಾಜದಲ್ಲಿ ತಲೆ ಎತ್ತಿಕೊಂಡು ಓಡಾಡಲು ಆಗುತ್ತಿಲ್ಲ. ನಿಮ್ಮ ಹಣ ಒಂದು ರೂಪಾಯಿಯೂ ಬೇಡ. ಮೋಸ ಮಾಡುವುದಿಲ್ಲ. ಹಣ ಕೊಡುವೆ ಎಂದು ಸಿಕ್ಕಾಗ ಹೇಳುತ್ತಿರಿ. ನೀವು ಯಾವಾಗ ಕೊಡುತ್ತೀರೊ ಅರ್ಥವಾಗದೆ ಮನನೊಂದು ಪ್ರಾಣ ತ್ಯಾಗ ಮಾಡುತ್ತಿದ್ದೇನೆ. ನಾನು ಸತ್ತ ಮೇಲಾದರೂ ನೀವು ಕೊಡಬೇಕಾದ ₹ 19.50 ಲಕ್ಷವನ್ನು ನಮ್ಮ ಮಕ್ಕಳಿಗೆ ಕೊಟ್ಟು ಪುಣ್ಯ ಕಟ್ಟಿಕೊಳ್ಳಿ’ ಎಂದು ಡೆತ್ನೋಟ್ನಲ್ಲಿ ಬರೆದಿದ್ದಾರೆ.
ಇದನ್ನು ಓದಿದ್ದೀರಾ..?ಕೋಲಾರ | ಬರ ಪರಿಹಾರಕ್ಕೆ ಕೂಡಲೇ ಅನುದಾನ ನೀಡದಿದ್ದರೆ ಬೆಂಗಳೂರು ಚಲೋ ಮಾಡ್ತೇವೆ : ಸಿ.ಎಂ.ಆರ್. ಶ್ರೀನಾಥ್
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪದ್ಮಿನಿ ಸಾಹೊ ಹಾಗೂ ನಗರ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ರಾಮಾಂಜಿನಪ್ಪ ಕುಟುಂಬ ಸದಸ್ಯರು ಚಿಕ್ಕಬಳ್ಳಾಪುರ ನಗರ ಠಾಣೆಗೆ ದೂರು ನೀಡಿದ್ದಾರೆ.
This video cannot be played in your browser. Open the video directly
