ಚಿಂತಾಮಣಿ ತಾಲೂಕಿನ ನಿಮ್ಮಕಾಯಲಹಳ್ಳಿಯ ದರ್ಗಾ ಉರುಸ್ ಪ್ರಯುಕ್ತ ಉನ್ನತ ಶಾಸಕರಾದ ಡಾ.ಎಂ.ಸಿ.ಸುಧಾಕರ್ ಅವರು ದರ್ಗಾಗೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕರು,ದರ್ಗಾದ ಅಭಿವೃದ್ಧಿ ಹಾಗೂ ಭಕ್ತರಿಗೆ ಮೂಲಸೌಕರ್ಯಗಳನ್ನು ಒದಗಿಸುವ ಕುರಿತು ಭರವಸೆ ನೀಡಿದರು,ದರ್ಗಾದ ಆವರಣ ಗೋಡೆ ಕಾಂಪೌಂಡ್ ನಿರ್ಮಾಣ ಹಾಗೂ ಶೌಚಾಲಯ ಮತ್ತು ಪೈಪ್‌ಲೈನ್ ಕಾಮಗಾರಿಗಳಿಗೆ ಇಂಜಿನಿಯರ್ ಮೂಲಕ ವೆಚ್ಚದ ಅಂದಾಜು ತಯಾರಿಸಿ ಅಗತ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ವಿವರಿಸಿದರು.
ದರ್ಗಾದ ಬಳಿ ಪಾರ್ಕಿಂಗ್ ಸ್ಥಳಾವಕಾಶಕ್ಕಾಗಿ ಸರ್ಕಾರಿ ಜಾಗ ಲಭ್ಯವಿದೆಯೇ ಎಂದು ದಾಖಲೆಗಳನ್ನು ಪರಿಶೀಲಿಸಿ ಸೂಕ್ತ ವ್ಯವಸ್ಥೆ ಮಾಡಿಕೊಡಲಾಗುವುದು ಎಂದು ಭರವಸೆ ಕೊಟ್ಟರು. ಉರುಸ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಎಲ್ಲಾ ಭಕ್ತಾದಿಗಳಿಗೆ ಶಾಸಕರು ಶುಭಾಶಯ ಕೋರಿದರು.
ಇದನ್ನು ಓದಿದ್ದೀರಾ..?ಜಿಲ್ಲಾ ಕಾಂಗ್ರೆಸ್‌ನಿಂದ ಅ.5ಕ್ಕೆ ಬೃಹತ್ ಪ್ರತಿಭಟನಾ ಮೆರವಣಿಗೆ: ಜಿಲ್ಲಾ‌ಧ್ಯಕ್ಷ ಮ್ಯಾಕಲ ನಾರಾಯಣಸ್ವಾಮಿ
ಈ ವೇಳೆಯಲ್ಲಿ ದರ್ಗಾ ಕಮಿಟಿ ಅಧ್ಯಕ್ಷರಾದ ಅಮೀರ್ ಜಾನ್,ಕಾರ್ಯದರ್ಶಿ ದಾದಾಪೀರ್,ಮೌಲಾಜಿ ರಾವ್, ಜಯಣ್ಣ,ವೆಂಕಟರಾಮರೆಡ್ಡಿ,ಮಾಜಿ ಸೈನಿಕ ಶಿವಾಜಿ ರಾವ್,ಕಾರ್ತಿಕ್ ರಾವ್,ಎಸ್ ಮೌಲಾ ಅಲಿ,ತಾಜ್ ಪೀರ್,ಪ್ಯಾರೇಜಾನ್,ಜಬಿವುಲ್ಲಾ,ಅಶ್ವತ್ ರೆಡ್ಡಿ,ಆಂಜನೇಯ ರೆಡ್ಡಿ,ಮಂಜುನಾಥ್,ನಲ್ಲಪ್ಪ ರೆಡ್ಡಿ,ಕರಿಯಪಲ್ಲಿ ಮಾಲಿಕ್ ಪಾಷಾ ಸೇರಿದಂತೆ ಗ್ರಾಮದ ಮುಖಂಡರು ಉಪಸ್ಥಿತರಿದ್ದರು.
