ಸತ್ಯ, ನ್ಯಾಯ ಮತ್ತು ಪ್ರೀತಿಯ ತಳಹದಿಯೊಂದಿಗೆ ಜನರೇ ಕಟ್ಟಿಕೊಳ್ಳುತ್ತಿರುವ ವಿನೂತನ ಡಿಜಿಟಲ್ ಮಾಧ್ಯಮ ‘ಈದಿನ.ಕಾಮ್’ ಪ್ರಸ್ತುತ ವರ್ಷದ ‘ಈದಿನ ಓದುಗರ ಸಮಾವೇಶʼದ ಪೂರ್ವಭಾವಿ ತಯಾರಿ ಸಭೆ ಮಂಗಳೂರಿನಲ್ಲಿ ಯಶಸ್ವಿಯಾಗಿ ನಡೆಯಿತು.
ನಾಲ್ಕು ವರ್ಷಗಳನ್ನು ಪೂರೈಸಿ ಮುನ್ನಡೆಯುತ್ತಿರುವ, ಈದಿನ.ಕಾಮ್ ನ ಪ್ರಸ್ತುತ ವರ್ಷದ ‘ಈದಿನ’ ಓದುಗರ ಸಮಾವೇಶವನ್ನು ಮಂಗಳೂರಿನಲ್ಲಿ ಹಮ್ಮಿಕೊಳ್ಳಲಾಗಿದ್ದು, ಇದರ ಪೂರ್ವಭಾವಿ ತಯಾರಿ ಸಭೆ ಹಾಗೂ ‘ನಮ್ಮ ತುಳುನಾಡು’ (ನಿನ್ನೆಯ ನೆನಪು… ನಾಳೆಯ ಕನಸು) ವಿಶೇಷಾಂಕ ಪ್ರಕಟಿಸುವ ಕಾರ್ಯಕ್ರಮದ ಸ್ವರೂಪಗಳ ಬಗ್ಗೆ ಸಭೆಯಲ್ಲಿ ವಿಸ್ತಾರವಾಗಿ ಚರ್ಚಿಸಲಾಯಿತು.

ನಗರದ ನವಭಾರತ ವೃತ್ತದಲ್ಲಿರುವ ಓಶಿಯನ್ ಪರ್ಲ್ ಹೋಟೆಲ್ನಲ್ಲಿ ನಡೆದ ಸಭೆಯಲ್ಲಿ ಈದಿನ.ಕಾಮ್ನ ಉಮರ್ ಯು.ಎಚ್ ಅವರು ಅಧ್ಯಕ್ಷತೆ ವಹಿಸಿದರು. ಡಾ. ಎಚ್.ವಿ ವಾಸು ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಸಭೆಯಲ್ಲಿ ಜಿಲ್ಲೆಯ ಅನೇಕ ಪ್ರಗತಿಪರ ಚಿಂತಕರು, ಬರಹಗಾರರು, ಸಂಘಟಕರು ಈದಿನ.ಕಾಮ್ ಅನುಭಾವಿಗಳು ಹಾಗೂ ಹಿತೈಷಿಗಳು ಭಾಗವಹಿಸಿ ಈದಿನ ಓದುಗರ ಸಮಾವೇಶದ ಯಸಸ್ಸಿನ ಚರ್ಚೆಯಲ್ಲಿ ಭಾಗವಹಿಸಿ ಶುಭ ಹಾರೈಸಿದರು.




