ಕರ್ನಾಟಕ ರಸ್ತೆ ಸಾರಿಗೆ ನಿಗಮಗಳ ನಷ್ಟದ ನೆಪ ಹೇಳಿ ಪ್ರಯಾಣ ದರ ಶೇ.23ರಷ್ಟು ಮತ್ತು ಬಿ.ಎಂ.ಟಿ.ಸಿ. ದರವನ್ನು ಶೇ.25ರಷ್ಟು ಏರಿಸಿದ ರಾಜ್ಯ ಸರ್ಕಾರದ ನಿರ್ಧಾರವನ್ನು ಕೈಬಿಡಬೇಕು” ಎಂದು ಜಿಲ್ಲಾ ವಿಕಾಸ ವೇದಿಕೆ ಅಧ್ಯಕ್ಷ ವಿಶ್ವನಾಥ ಖಾನಾಪೂರ ಒತ್ತಾಯಿಸಿದರು.
ಪತ್ರಿಕಾ ಪ್ರಕಟನೆಯಲ್ಲಿ ಅವರು “ಎಲ್ಲಾ ವರ್ಗದ ಜನರಿಗೆ ತೊಂದರೆಯಾಗಿದೆ. ದಯಮಾಡಿ ಪುನಃ ಪರಿಶೀಲನೆ ಮಾಡಿ ಈ ದರ ಏರಿಕೆ ಕೈಬಿಡಬೇಕು, ಮಹಿಳೆಯರಿಗೆ ಶೇ. ೫೦% ಪ್ರಯಾಣ ದರ ನಿಗದಿ ಮಾಡಬೇಕು ಈ ದರ ಏರಿಕೆ ಬಗ್ಗೆ ಮಹಿಳೆಯರಿಗೂ ಸಹ ಮನವರಿಕೆ ಮಾಡಿ ಪ್ರಯಾಣ ದರ ಮಹಿಳೆಯರಿಗೆ ನಿಗದಿಪಡಿಸಿ ಆಗಿರುವ ನಷ್ಟವನ್ನು ಭರಿಸುವಂತೆ ರಾಜ್ಯ ಸರ್ಕಾರಕ್ಕೆ” ಗದಗ ಜಿಲ್ಲಾ ವಿಕಾಸ ವೇದಿಕೆ ಅಧ್ಯಕ್ಷ ವಿಶ್ವನಾಥ ಖಾನಾಪೂರ ಮನವಿ ಮಾಡಿದ್ದಾರೆ.
“ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ನಾಲ್ಕು ನಿಗಮಗಳಾಗಿದ್ದು, ಇವುಗಳು ಎಲ್ಲಾ ನಿಗಮಗಳನ್ನು ಒಟ್ಟುಗೂಡಿಸಿ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಒಂದೇ ಕಛೇರಿ ಮಾಡಲು ಸಹ ಮನವಿ ಮಾಡಿದ್ದೇವೆ. ಇದರಿಂದ ಲಾಭ-ನಷ್ಟದ ಮಾಹಿತಿ ಸಂಪೂರ್ಣವಾಗಿ ತಿಳಿಯಲಿದೆ. ಅನಾವಶ್ಯಕ ಬಸ್ ನಿಲ್ದಾಣ, ಬಸ್ಸುಗಳ ರಿಪೇರಿ ಸಲುವಾಗಿ ಅನಾವಶ್ಯಕ ಖರ್ಚು ಮತ್ತು ಬಸ್ ನಿಲ್ದಾಣ ಹಾಗೂ ಡಿಪೋಗಳಲ್ಲಿ ಕೋಟ್ಯಾಂತರ ಹಣ ಖರ್ಚುಮಾಡಿ ವಾಣಿಜ್ಯ ಮಳಿಗೆಗಳು ಮಾಡಿ ನಷ್ಟ ಅನುಭವಿಸಿದೆ. ದಯಮಾಡಿ ಇಂತಹ ಯೋಜನೆಗಳನ್ನು ಕೈಬಿಟ್ಟು ಸಾರಿಗೆ ನಿಗಮಕ್ಕೆ ಆದಾಯದ ಮೂಲಗಳನ್ನು ಕಂಡುಹಿಡಿಯಲು ನಗರ ಸಾರಿಗೆ ಹಾಗೂ ದೂರದ ಪ್ರಯಾಣ ಮಾಡುವ ಬಸ್ಸುಗಳಿಗೆ ಉತ್ತಮ ಸೇವೆ ನೀಡಬೇಕು” ಎಂದು ಆಗ್ರಹಿಸಿದ್ದಾರೆ.
“ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಒಂದೇ ನಿಗಮ ಮಾಡಲು ರಾಜ್ಯ ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ. ಈಗಾಗಲೇ ಪ್ರಯಾಣ ದರ ಸಾಕಷ್ಟು ಆಗಿದ್ದು, ಪ್ರಯಾಣ ಮಾಡುವ ಜನರಿಗೆ ತೀವ್ರ ತೊಂದರೆಯಾಗಿದ್ದು ಈ ದರ ಏರಿಕೆ ಕೈಬಿಟ್ಟು ಮಹಿಳೆಯರಿಗೆ ಉಚಿತ ಪ್ರಯಾಣ ಮಾಡಿದ್ದು ಅವರಿಗೆ ಶೇ. ೫೦% ರಷ್ಟು ಪ್ರಯಾಣ ದರ ಮಾಡಿ ಸಾರಿಗೆ ನಿಗಮಗಳಿಗೆ ಆಗಿರುವ ನಷ್ಟವನ್ನು ಭರಿಸುವ ಅವಕಾಶವಿದ್ದು ದಯಮಾಡಿ ಈ ದರ ಏರಿಕೆ ಕೈಬಿಡಬೇಕೆಂದು ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.
