“ನವೆಂಬರ್ – 04 ನಿರಂತರ ಕಠಿಣ ಶ್ರಮ ಮತ್ತು ಪ್ರಯತ್ನಗಳು ವಿದ್ಯಾರ್ಥಿಗಳಲ್ಲಿ ಕ್ರಿಯಾಶೀಲತೆಯನ್ನು ಹೆಚ್ಚಿಸಿ ವ್ಯಕ್ತಿತ್ವ ರೂಪಿಸುವಲ್ಲಿ ಮುಖ್ಯ ಪಾತ್ರ ವಹಿಸುತ್ತವೆ” ಎಂದು ಕರ್ನಾಟಕ ವಿಶ್ವವಿದ್ಯಾಲಯದ ಎನ್‌ಎಸ್‌ಎಸ್ ಘಟಕದ ಕಾರ್ಯಕ್ರಮ ಸಂಯೋಜಕರು ಮತ್ತು ಕರ್ನಾಟಕ ಕಲಾ ಮಹಾವಿದ್ಯಾಲಯ ರಾಜ್ಯಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಾ. ಎಂ. ಬಿ. ದಳಪತಿ ಅವರು ಹೇಳಿದರು.
ಧಾರವಾಡ ಪಟ್ಟಣದ ಅಂಜುಮನ್ ಪದವಿ ಮಹಾವಿದ್ಯಾಲಯದ 2026-27ನೇ ಸಾಲಿನ ಶೈಕ್ಷಣಿಕ ಸಾಂಸ್ಕೃತಿಕ ಚಟುವಟಿಕೆಗಳ ಉದ್ಘಾಟನೆ ಹಾಗೂ ಪ್ರಥಮ ವರ್ಷದ ವಿದ್ಯಾರ್ಥಿಗಳ ಸ್ವಾಗತ ಸಮಾರಂಭದ ಮುಖ್ಯ ಅತಿಥಿಗಳಾಗಿ ಅವರು ಮಾತನಾಡಿದರು.
“ಕಾಲೇಜು ಜೀವನವು ಕೇವಲ ಪದವಿ ಪಡೆಯುವುದಕ್ಕೆ ಸೀಮಿತವಲ್ಲ, ಉತ್ತಮ ವ್ಯಕ್ತಿತ್ವ, ಶಿಸ್ತು, ಸಂವಹನ ಕೌಶಲ್ಯ ಮತ್ತು ಸಾಮಾಜಿಕ ಜವಾಬ್ದಾರಿಯನ್ನು ಬೆಳೆಸಿಕೊಳ್ಳುವ ಹಂತ. ಪಾಠದೊಂದಿಗೆ ಕ್ರೀಡೆ ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ವಿದ್ಯಾರ್ಥಿಗಳು ಭಾಗವಹಿಸಿದಾಗ ಮಾತ್ರ ಕ್ರಿಯಾಶೀಲ ವಿದ್ಯಾರ್ಥಿಗಳಾಗಲು ಸಾಧ್ಯ” ಎಂದರು.
“ಶಿಕ್ಷಣ ಕ್ಷೇತದ್ರಲ್ಲಿ ಅಂಜುಮನ್ ಸಂಸ್ಥೆ ಮಿನಿ ವಿಶ್ವವಿದ್ಯಾಲಯದಂತೆ ಸೇವೆ ಸಲ್ಲಿಸುತ್ತಿದೆ. ಡಾ. ಎಮ್.ಬಿ ದಿಲ್‌ಶಾದ್ ಅವರು ಎನ್‌ಎಸ್‌ಎಸ್ ಘಟಕಕ್ಕೆ ಅಮೂಲ್ಯ ಕೊಡುಗೆ ನೀಡುವುದರ ಜೊತೆಗೆ ಅಂಜುಮನ್ ಶಿಕ್ಷಣ ಸಂಸ್ಥೆಗೆ ಶ್ರಮಿಸಿದ್ದಾರೆ” ಎಂದರು.
ಕಾಲೇಜಿನ ಜಮಖಾನ ಹಾಗೂ ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಿಗೆ ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ಅಂಜುಮನ್ ಸಂಸ್ಥೆಯ ಉಪಾಧ್ಯಕ್ಷ ಅಲ್ಹಾಜ್ ಬಸೀರ್ ಅಹಮದ್ ಜಾಹಗೀದಾರ ಅವರು ಪ್ರತಿಜ್ಞಾವಿಧಿ ಬೋಧಿಸಿದರು.
ಕಾರ್ಯಕ್ರಮದ ಆರಂಭದಲ್ಲಿ ಕುಮಾರಿ ಸುಮಯ್ಯ ಮಲ್ಲೂರು ಪವಿತ್ರ ಕುರಾನ್ ಪಠಣ ಮಾಡಿದರು. ಕುಮಾರಿ ಮುಸ್ಕಾನ್ ದಫೇದಾರ್ ಶ್ಲೋಕ ಪಠಿಸಿದರು. ಕುಮಾರಿ ಫಾತಿಮಾ ಚಪ್ಪರಮನಿ ಹಾಗೂ ಸಂಗಡಿಗರು ನಾಡಗೀತೆ ಹಾಡಿದರು. ಕಾಲೇಜು ಡಿಬೇಟಿಂಗ್ ಅಧ್ಯಕ್ಷ ಡಾ. ಮೇಟಿ ರುದ್ರೇಶ್ ಗಣ್ಯರಿಗೆ ಗೌರವಿಸಿದರು. ಅತಿಥಿಗಳ ಸಮ್ಮುಖದಲ್ಲಿ ಸಸಿಗೆ ನೀರು ಹಾಕುವ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿದರು.
ಅಂಜುಮನ್ ಶಿಕ್ಷಣ ಮಂಡಳಿಯ ಸದಸ್ಯರಾದ ಡಾ. ಸಯ್ಯದ್ ಖದೀರ್ ಎ. ಸರ್ಗಿರೋ, ಜನಾಬ್ ಮೊಹಮ್ಮದ್ ಶಫಿ ಕಳ್ಳಿಮನಿ, ಅಲ್ಹಾಜ್ ಮಹಮ್ಮದ್ ರಫೀಕ್ ಸಿ. ಶಿರಹಟ್ಟಿ, ಅದ್ಬುಲ್ ಅಜೀಜ್ ಬಡಬಡೆ, ಖೈರುದ್ದೀನ್ ಶೇಕ್, ರಿಯಾಜ್ ಅಹ್ಮದ್ ನನ್ನೆಸಾಬನ್ನವರ, ಡಾ. ಎನ್. ಎಮ್. ಮಕಾಂದರ ಯಾಸೀನ್ ಅಲಿ ಹಾವೇರಿಪೇಟೆ ವೇದಿಕೆ ಮೆಲಿದ್ದರು.
ಮಹಾವಿದ್ಯಾಲಯದ ಹಿರಿಯ ಉಪನ್ಯಾಸಕಿ ಡಾ. ಆಸ್ಮನಾಜ್ ಬಳ್ಳಾರಿ, ಡಾ. ಎಸ್.ಕೆ ಜಾಧವ್, ಪ್ರೊ. ನಾಗರಾಜ ಕನಕನೆ, ಪ್ರೊ. ಮುಬಾರಕ ಮುಲ್ಲಾ, ಪ್ರೊ. ಉಲ್ಲಾಸ ದೊಡಮನಿ ಸೇರಿದಂತೆ ಮಹಾವಿದ್ಯಾಲಯ ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿಗಳು, ವಿದ್ಯಾರ್ಥಿಗಳು ಈ ಸಂದರ್ಭದಲ್ಲಿ ಹಾಜರಿದ್ದರು.
ಮಹಾವಿದ್ಯಾಲಯದ ಪ್ರಾಚಾರ್ಯ ಡಾ. ಎನ್. ಬಿ. ನಲತವಾಡ ಸ್ವಾಗತಿಸಿದರು. ಐಕ್ಯೂಎಸಿ ಸಂಯೋಜಕಿ ಡಾ. ಸಯ್ಯದ್ ತಾಜುನೀಸಾ ಅತಿಥಿಗಳ ಪರಿಚಯಿಸಿದರು. ಡಾ. ಅಸ್ಮಾ ಅಂಜುಮ್ ನದಾಫ್ ನಿರೂಪಿಸಿದರು. ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥ ಡಾ. ಎಸ್. ಎಸ್. ಅದೂನಿ ವಂದಿಸಿದರು.
