ಹೋಳಿಯು ದೇಶದಾದ್ಯಂತ ಹೆಚ್ಚು ಉತ್ಸಾಹ ಮತ್ತು ಸಡಗರ ಸಂಭ್ರಮದಿಂದ ಆಚರಿಸಲಾಗುವ ಬಣ್ಣಗಳ ಹಬ್ಬ ಹೋಳಿಯನ್ನು ಸಾಂಪ್ರದಾಯಿಕವಾಗಿ ಫೆಬ್ರವರಿ ಕೊನೆಯಲ್ಲಿ ಅಥವಾ ಮಾರ್ಚ್ ಆರಂಭದಲ್ಲಿ ಆಚರಿಸಲಾಗುತ್ತದೆ. ಹೋಳಿಯು ವಸಂತಕಾಲದ ಆಗಮನ ಮತ್ತು ಚಳಿಗಾಲದ ಅಂತ್ಯವನ್ನು ಸೂಚಿಸುತ್ತದೆ.
ಕಲಬುರಗಿ ಜಿಲ್ಲೆಯ ಸೇಡಂ ತಾಲೂಕಿನಲ್ಲಿ ಹೋಳಿಹಬ್ಬ ಆಚರಣೆ ದುಲಂಡಿ ಅಂದರೆ, ಬಣ್ಣ ಆಡುವ ಹಿಂದಿನ ದಿನ ಸಂಜೆ ಎಲ್ಲರ ಮನೆಯಿಂದ ಕಟ್ಟಿಗೆ ಸಂಗ್ರಹಣೆ ಮಾಡಿ ಬಯಲು ಪ್ರದೇಶದಲ್ಲಿ ಕುಳ್ಳಿನ ಬಣಮೆ ಮಾಡಿ ಅದಕ್ಕೆ ಪೂಜೆಮಾಡಿ ನೈವೇದ್ಯ ಸಲ್ಲಿಸಿ, ಸಂಗ್ರಹಣೆ ಮಾಡಿರುವ ಕಟ್ಟಿಗೆ ಬಣಮೆ ಸುತ್ತಲೂ ಜೋಡಿಸಿ ಬೆಂಕಿ ಹಚ್ಚಿ ಬಣಮೆ ಸುತ್ತ, ಊರಿನ ಹಿರಿಯರು ಕಿರಿಯರು ಮಹಿಳೆಯರು ಸೇರಿಕೊಂಡು ಕಾಮಣ್ಣ ಸತ್ತರೆ ಭೀಮಣ್ಣ ಅಳತ್ತಾನೆ, ಭೀಮಣ್ಣ ಸತ್ತರೆ ಕಾಮಣ ಅಳುತ್ತಾನೆ ಎಂದು ಹಾಡು ಹಾಡುತ್ತಾ ಕಾಮಣ್ಣನನ್ನು ಸುಡುತ್ತಾರೆ.
ಹಳೆಯ ಬಟ್ಟೆ ಧರಿಸಿ ಬಣ್ಣ ಖರೀದಿಸಿ ತಂದು ಬಕೆಟ್, ಜಗ್ಗಳಲ್ಲಿ ಬಣ್ಣ ಕಲಿಸಿ, ಸಣ್ಣ ಮಕ್ಕಳು ಬಾಟಲ್, ಪಿಚಕಾರಿಗಳಲ್ಲಿ ಬಣ್ಣದ ನೀರು ತುಂಬಿಕೊಂಡು ಎಲ್ಲರಿಗೂ ಬೆಣ್ಣ ಎರಚಿ ಹಬ್ಬ ಆಚರಿಸುತ್ತಾರೆ.
ನಂತರ ಯುವಕರೆಲ್ಲ ಸೇರಿಕೊಂಡು ಹುಡುಗರು ಸೀರೆ ಧರಿಸಿ, ಅವರಲ್ಲಿ ಒಬ್ಬನನ್ನು ಹೆಣ್ಣದ ಹಾಗೆ ಅಲಂಕಾರ ಮಾಡಿ ಅವರನ್ನು ಹೊತ್ತುಕೊಂಡು ಹಲಿಗೆ ಬಾರಿಸುತ್ತಾ ಮನೆ ಮನೆಗೆ ಕಾಮಣ್ಣ ಸತ್ತಾನೋ ಎಂದು ಮೆರವಣಿಗೆ ಮಾಡುತ್ತಾ, ಒಬ್ಬರಿಗೊಬ್ಬರು ಬಣ್ಣ ಹಚ್ಚುತ್ತಾ ಹಬ್ಬ ಆಚರಿಸುತ್ತಾರೆ.
ಮಸರು ತುಂಬಿದ ಮಡಿಕೆಯೊಡೆಯುವ ಆಟ ಸಹ ಆಡುತ್ತಾರೆ. ಸಂಬಂಧಿಕರ ಮನೆಯಲ್ಲಿ, ನೆರೆಯ ಹೊರೆಯವರ ಮನೆಯಲ್ಲಿ ಚಿಕ್ಕ ಮಕ್ಕಳಿದ್ದರೆ ಅವರಿಗೆ ಸಕ್ಕರೆ ಹಾರ ಹಾಕುತ್ತಾರೆ. ಊರಲ್ಲಿರುವ ಮಕ್ಕಳಿಗೂ ಈ ಸರಕಳುಹಿಸಿಕೊಟ್ಟು ಸಂಭ್ರಮಾಚರಣೆ ಮಾಡುತ್ತಾರೆ.
ಬಣ್ಣಆಡಿ ಸಂಭ್ರಮಿಸಿದ ಬಳಿಕ ಮನೆಗೆ ಬೃುವವರಿಗೆ ಮನೆಯಲ್ಲಿ ಊಟಕ್ಕೆ ಕಡುಬು, ಪುಂಡಿಪಲ್ಯ, ಉಳ್ಳಾಗಡ್ಡಿ ಚಟ್ನ,ಕಡ್ಲಿ ಪಲ್ಯ ಮಾಡುತ್ತಿದರು ನಂತರ ಸಂಜೆ ಮಾಂಸದ ಅಡುಗೆ ಊಟ ಸವಿಯುವುದು.
