ದಸರಾ ಮಹೋತ್ಸವಕ್ಕೆ ದಿನಗಣನೆ ಆರಂಭವಾಗಿದ್ದು, ಮೈಸೂರು ಜಿಲ್ಲಾಡಳಿತ ಇಂದಿನಿಂದ (ಸೆಪ್ಟೆಂಬರ್ 21) ಆನ್ಲೈನ್ ಮುಖಾಂತರ ಜಂಬೂ ಸವಾರಿ, ಪಂಜಿನ ಕವಾಯತು, ಡ್ರೋನ್ ಷೋ ವೀಕ್ಷಣೆಗೆ ಟಿಕೆಟ್ ಬುಕಿಂಗ್ ಮತ್ತು ಗೋಲ್ಡ್ ಕಾರ್ಡ್ ಪಡೆಯಲು ಅವಕಾಶ ಕಲ್ಪಿಸಿದೆ.
ದಸರಾ ಮಹೋತ್ಸವದ ಅಧಿಕೃತ ವೆಬ್ಸೈಟ್ mysoredasara.gov.in ನಲ್ಲಿ ಸಾರ್ವಜನಿಕರು ಟಿಕೆಟ್ ಮತ್ತು ಗೋಲ್ಡ್ ಕಾರ್ಡ್ ಪಡೆಯಬಹುದು. ಜಂಬೂ ಸವಾರಿ ಟಿಕೆಟ್ ಜೊತೆಗೆ ಪಂಜಿನ ಕವಾಯತು, ಡ್ರೋನ್ ಷೋ ಹಾಗೂ ಗೋಲ್ಡ್ ಕಾರ್ಡ್ ಕೂಡ ಲಭ್ಯವಿದೆ ಎಂದು ಮೈಸೂರು ಜಿಲ್ಲಾಡಳಿತ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಗೋಲ್ಡ್ ಕಾರ್ಡ್ ಮತ್ತು ಜಂಬೂ ಸವಾರಿ ಟಿಕೆಟ್ಗಳಲ್ಲಿ ಸೀಟ್ ನಂಬರ್ ಮುದ್ರಿತವಾಗಿರುತ್ತದೆ. ಒಂದು ಟಿಕೆಟ್ ಅಥವಾ ಕಾರ್ಡ್ನಲ್ಲಿ ಒಬ್ಬ ವ್ಯಕ್ತಿಗೆ ಮಾತ್ರ ಪ್ರವೇಶಾವಕಾಶವಿದೆ. ಬುಕಿಂಗ್ ನಂತರ ಫಿಸಿಕಲ್ ಟಿಕೆಟ್ ಪಡೆಯುವುದು ಮತ್ತು ಫೋಟೋ ಐಡಿ ತರುವುದು ಅಗತ್ಯ.
ದಸರಾ ಮಹೋತ್ಸವ ಅಕ್ಟೋಬರ್ 11ರಿಂದ 21ರವರೆಗೆ ನಡೆಯಲಿದ್ದು, ಅಕ್ಟೋಬರ್ 21ರಂದು ವಿಜಯದಶಮಿ ದಿನ ವಿಶ್ವವಿಖ್ಯಾತ ಜಂಬೂ ಸವಾರಿ ಮೆರವಣಿಗೆ ನಡೆಯಲಿದೆ. ಸಾರ್ವಜನಿಕರು ಮುಂಚಿತವಾಗಿ ಬುಕ್ ಮಾಡಿಕೊಂಡು ಸಿದ್ಧತೆ ನಡೆಸುವಂತೆ ಜಿಲ್ಲಾಡಳಿತ ಸೂಚಿಸಿದೆ.
This video cannot be played in your browser. Open the video directly
