ವಿಜಯನಗರ ಜಿಲ್ಲೆಯಲ್ಲಿ ಅಣಕು ಮದುವೆಯ ಮೂಲಕ ನರೇಗಾ ಕಾಮಗಾರಿಗೆ ಚಾಲನೆ ನೀಡಲಾಯಿತು, ಸದ್ಯ ಈ ವಿಭಿನ್ನ ಪ್ರಯತ್ನ ಎಲ್ಲರ ಗಮನ ಸೆಳೆದಿದೆ.
ಕೂಡ್ಲಿಗಿ ತಾಲೂಕಿನ ಮಾಕನಡಕು ಗ್ರಾಮ ಪಂಚಾಯಿತಿಯ ಕುರಿಹಟ್ಟಿ ಗ್ರಾಮದಲ್ಲಿ ಅಣಕು ಮದುವೆ ಮಾಡುವ ಮೂಲಕ ನರೇಗಾ ಕಾಮಗಾರಿಗೆ ಚಾಲನೆ ನೀಡಲಾಯಿತು.
ಗ್ರಾಮದ ಕೆರೆಯ ಬಳಿ ಶಾಮಿಯಾನ ಹಾಕಿ ಬ್ಯಾಂಡ್ ಸೆಟ್ ವಾದ್ಯಗಳ ಮೂಲಕ ಕಾರ್ಮಿಕ ರುದ್ರಪ್ಪ ಅವರ ಅದ್ದೂರಿ ವಿವಾಹ ಮಾಡಲಾಯಿತು. ರುದ್ರಪ್ಪ ಮದುಮಗನಾಗಿ ಕಾರಿನಲ್ಲಿ ಆಗಮಿಸುವ ಮೂಲಕ ಗಮನ ಸೆಳೆದರೆ, ಇತ್ತ ರುದ್ರಪ್ಪ ಪತ್ನಿ ಗೌರಮ್ಮ ಮದುವಣಗಿತ್ತಿಯಾಗಿ ಮಹಿಳಾ ಕಾರ್ಮಿಕರೊಂದಿಗೆ ಆಗಮಿಸಿದ್ದರು. ಹಳ್ಳಿಯ ಸೊಬಗಿನ ರೀತಿಯಲ್ಲಿ ಶಾಸ್ತ್ರ ಸಂಪ್ರದಾಯದಂತೆ ಮದುವೆ ಮಾಡುವ ಮೂಲಕ ನರೇಗಾ ಕಾಮಗಾರಿಗೆ ಚಾಲನೆ ನೀಡಲಾಯಿತು.
