ತನ್ನ ಹಿಂದೂ ಸಹಪಾಠಿಯನ್ನು ಬಲವಂತವಾಗಿ ಮತಾಂತರಿಸಲು ಯತ್ನಿಸಿದ ಆರೋಪ ಹೊತ್ತಿರುವ ಮುಸ್ಲಿಂ ಬಾಲಕಿ ವಿರುದ್ಧ ಹೇಳಿಕೆ ಬಿಟ್ಟು ಬೇರೆ ಯಾವುದೇ ದಾಖಲೆಗಳಿಲ್ಲ ಎಂದು ಹೇಳಿಕೆಯು ಅಲಹಾಬಾದ್ ಹೈಕೋರ್ಟ್ ಬಾಲಕಿಗೆ ನಿರೀಕ್ಷಣಾ ಜಾಮೀನು ನೀಡಿದೆ.
ಮುಸ್ಲಿಂ ಬಾಲಕಿಯರ ಗುಂಪೊಂದು ಅದೇ ಬೋಧನಾ ಕೇಂದ್ರದಲ್ಲಿ ವ್ಯಾಸಂಗ ಮಾಡಿದ ಹಿಂದೂ ಹುಡುಗಿಯ ಮೇಲೆ ತಮ್ಮ ಧಾರ್ಮಿಕ ನಂಬಿಕೆಗಳನ್ನು ಬಲವಂತವಾಗಿ ಹೇರಲು ಯತ್ನಿಸಿದೆ ಎಂದು ಬಾಲಕಿಯ ಸಹೋದರ ದೂರು ನೀಡಿದ್ದಾನೆ. ತಮ್ಮ ಸಹೋದರಿಯನ್ನು ಆರೋಪಿಗಳು ಬುರ್ಖಾ ಧರಿಸುವಂತೆ ಒತ್ತಾಯಿಸಿದ್ದಾರೆ. ಇಸ್ಲಾಂ ಧರ್ಮವನ್ನು ಸ್ವೀಕರಿಸುವಂತೆ ಒತ್ತಾಯಿಸುತ್ತಿದ್ದಾರೆ ಎಂದು ಒತ್ತಾಯಿಸಿದ್ದಾರೆ ಎಂದು ಹೇಳಿದ್ದಾನೆ. ಈ ಸಂಬಂಧ 2025ರ ಡಿಸೆಂಬರ್ನಲ್ಲಿ ತನ್ನ ಸಹೋದರಿಯಿಂದ ಹೇಳಿಕೆ ನೀಡಿಸಿದ್ದಾನೆ.
ಇದನ್ನು ಓದಿದ್ದೀರಾ? ಕ್ರೈಸ್ತ ಧರ್ಮಕ್ಕೆ ದಲಿತರ ಮತಾಂತರ: ಕೇರಳದ ದಂಪತಿಗೆ 5 ವರ್ಷ ಜೈಲು ಶಿಕ್ಷೆ
ಈ ಸಂಬಂಧ ಮುಸ್ಲಿಂ ಬಾಲಕಿಯರು ತಮ್ಮ ವಿರುದ್ಧ ದಾಖಲಾಗಿರುವ ಮತಾಂತರ ವಿರೋಧಿ ಪ್ರಕರಣವನ್ನು ರದ್ದುಗೊಳಿಸುವಂತೆ ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ. ಈ ಅರ್ಜಿ ವಿಚಾರಣೆ ನಡೆಸಿದ್ ಹೈಕೋರ್ಟ್ನ ನ್ಯಾಯಮೂರ್ತಿ ಅವ್ನಿಶ್ ಸಕ್ಸೇನಾ, ಆರೋಪಿ ಬಾಲಕಿ ವಿರುದ್ಧ ಯಾವುದೇ ಕ್ರಿಮಿನಲ್ ಪ್ರಕರಣಗಳಿಲ್ಲ. ಯಾವುದೇ ದಾಖಲೆಗಳಿಲ್ಲ ಎಂದು ಹೇಳಿದ್ದಾರೆ.
ಇನ್ನು ದೂರುದಾರನು ಮುಸ್ಲಿಂ ಬಾಲಕಿಯರಲ್ಲಿ ಒಬ್ಬಳಿಗೆ ಕಿರುಕುಳ ನೀಡುತ್ತಿದ್ದ, ಆಕೆ ದೂರು ನೀಡಿದಾಗ ಮತಾಂತರದ ಆರೋಪವನ್ನು ಮಾಡಿದ್ದಾನೆ ಎಂದು ಅರ್ಜಿದಾರರು ತಿಳಿಸಿದ್ದಾರೆ.
ಪ್ರಕರಣವನ್ನು ರದ್ದುಗೊಳಿಸುವಂತೆ ಮೂವರು ವಿದ್ಯಾರ್ಥಿಗಳು ನ್ಯಾಯಾಲಯದ ಮೆಟ್ಟಿಲೇರಿದ್ದರೂ, ಆ ಪೈಕಿ ಒಬ್ಬರು ಅರ್ಜಿ ಹಿಂಪಡೆದಿದ್ದಾರೆ. ಏಪ್ರಿಲ್ 16ರಂದು ಹೈಕೋರ್ಟ್ ಕ್ರಿಮಿನಲ್ ಪ್ರಕರಣವನ್ನು ರದ್ದುಗೊಳಿಸಲು ನಿರಾಕರಿಸಿದೆ.
ವಕೀಲ ಜೈದೀಪ್ ಪಾಂಡೆ ಆರೋಪಿ ಬಾಲಕಿ ಪರವಾಗಿ, ವಕೀಲ ಚಂದ್ರ ವಿಜಯ್ ಸಿಂಗ್ ದೂರುದಾರರ ಪರವಾಗಿ ವಕೀಲ ಪಂಕಜ್ ಸಕ್ಸೇನಾ ಅವರು ರಾಜ್ಯದ ಪರವಾಗಿ ವಾದಿಸಿದ್ದಾರೆ.
