ಆರು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ (SIR) ಪೂರ್ಣಗೊಂಡಿದ್ದು, ಮತದಾರರ ಪಟ್ಟಿಯಿಂದ ಭಾರೀ ಸಂಖ್ಯೆಯ ಮತದಾರರನ್ನು ಚುನಾವಣಾ ಆಯೋಗವು ಹಾರದಬ್ಬಿದೆ. ಆಯೋಗದ ಅಧಿಕೃತ ಬಿಡುಗಡೆಯ ಪ್ರಕಾರ, ಗುಜರಾತ್‌ನಲ್ಲಿ ಅತೀ ಹೆಚ್ಚು ಮತದಾರರನ್ನು ಪಟ್ಟಿಯಿಂದ ಕೈಬಿಡಲಾಗಿದೆ.
ಎಸ್ಐಆರ್ ನಡೆದ ಆರು ರಾಜ್ಯಗಳ ಪೈಕಿ, ಗುಜರಾತ್ ಅತಿ ಹೆಚ್ಚು 68,12,711 ಮತದಾರರನ್ನು ಆಯೋಗವು ಹೊರಹಾಕಿದೆ. ಎಸ್‌ಐಆರ್‌ಗಿಂತ ಮೊದಲು ಗುಜರಾತ್‌ನಲ್ಲಿ 5,08,43,436 ಮತದಾರರಿದ್ದರು. ಇದೀಗ, 4,40,30,725ಕ್ಕೆ (-13.40%) ಇಳಿಸಲಾಗಿದೆ.
ಇನ್ನು, ಮಧ್ಯಪ್ರದೇಶದಲ್ಲಿ 34,25,078 ಮತದಾರರ ಹೆಸರನ್ನು ಅಳಿಸಲಾಗಿದ್ದು, ಮತದಾರರ ಸಂಖ್ಯೆಯು 5,74,06,143 ರಿಂದ 5,39,81,065 (-5.97%) ಕ್ಕೆ ಇಳಿದಿದೆ.
ರಾಜಸ್ಥಾನದಲ್ಲಿ ಮತದಾರರ ಸಂಖ್ಯೆ 5,46,56,215 ರಿಂದ 5,15,19,929ಕ್ಕೆ (-31,36,286) ಇಳಿದಿದೆ.
ಛತ್ತೀಸ್‌ಗಢದಲ್ಲಿ 2,12,30,737 ರಿಂದ 1,87,30,914ಕ್ಕೆ (-24,99,823) ಇಳಿಕೆಯಾಗಿದೆ.
ಕೇರಳದಲ್ಲಿ 2,78,50,855 ರಿಂದ 2,69,53,644ಕ್ಕೆ (-8,97,211) ಇಳಿಸಲಾಗಿದೆ.
ಗೋವಾದಲ್ಲಿ 11,85,034 ರಿಂದ 10,57,566ಕ್ಕೆ (1,27,468) ಕಡಿತಗೊಂಡಿದೆ.
ಕೇಂದ್ರಾಡಳಿತ ಪ್ರದೇಶಗಳಾದ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಮತದಾರರ ಸಂಖ್ಯೆ 3,10,404 ರಿಂದ 2,58,040ಕ್ಕೆ (-52,364) ಇಳಿದಿದ್ದರೆ, ಪುದುಚೇರಿಯಲ್ಲಿ 10,21,578 ರಿಂದ 9,44,211ಕ್ಕೆ (-77,367) ಇಳಿದಿದೆ. ಇನ್ನು, ಲಕ್ಷದ್ವೀಪದಲ್ಲಿ 57,813 ರಿಂದ 57,607ಕ್ಕೆ (-206) ಇಳಿಸಲಾಗಿದೆ.
ಪಶ್ಚಿಮ ಬಂಗಾಳ, ಉತ್ತರ ಪ್ರದೇಶ ಹಾಗೂ ತಮಿಳುನಾಡಿನಲ್ಲಿ ಎಸ್ಐಆರ್ ನಡೆಯುತ್ತಿದ್ದು, ಈ ತಿಂಗಳ ಕೊನೆಯಲ್ಲಿ ಕರಡು ಪಟ್ಟಿಯನ್ನು ಬಿಡುಗಡೆ ಮಾಡಲಾಗುವುದು ಎಂದು ಆಯೋಗ ತಿಳಿಸಿದೆ.
