ಪ್ರಜ್ವಲ್ ಪ್ರಕರಣ | ʼನಿಷ್ಪಕ್ಷಪಾತ ತನಿಖೆ‌ ಆಗಲಿ, ನಾವೆಲ್ಲ ನಿಮ್ಮೊಂದಿಗಿದ್ದೇವೆʼ ಎಂದು ಹೇಳುವ ಅಗತ್ಯವಿದೆ

Date:

“ಯಾವುದೇ ಪೂರ್ವಗ್ರಹವಿಲ್ಲದೆ ನಿಷ್ಪಕ್ಷಪಾತ ತನಿಖೆ‌ ಆಗಲಿ… ನಾವೆಲ್ಲ ನಿಮ್ಮೊಂದಿಗೆ ಇರುತ್ತೇವೆ” ಎಂದು ಸರ್ಕಾರ ಮತ್ತು ಸರ್ಕಾರದಲ್ಲಿರುವ ಅಧಿಕಾರಸ್ಥರು, ವಿರೋಧ ಪಕ್ಷದ ನಾಯಕರು, ಜನಪರ ರಾಜಕಾರಣಿಗಳು, ನಿಷ್ಠುರ ಪತ್ರಕರ್ತರು, ನಿವೃತ್ತ ನ್ಯಾಯಮೂರ್ತಿಗಳು, ನಿವೃತ್ತ IAS, IPS ಅಧಿಕಾರಿಗಳು, ಮಿಲಿಟರಿ ಅಧಿಕಾರಿಗಳು, ಬುದ್ಧಿಜೀವಿಗಳು ಮತ್ತು ಬದ್ಧತೆಯಿರುವ ಹೋರಾಟಗಾರರು ಗಟ್ಟಿಯಾಗಿ ಹೇಳಬೇಕಿದೆ.

“ಲೈಂಗಿಕ ದೌರ್ಜನ್ಯ ಮತ್ತು ಅತ್ಯಾಚಾರದಂತಹ ಗಂಭೀರ ಆರೋಪ ಹೊತ್ತಿರುವ ಪ್ರಜ್ವಲ್ ರೇವಣ್ಣ ತನಿಖೆಗೆ ಅಸಹಕಾರ ತೋರುತಿದ್ದಾರೆ”, “ಹೊರಗೆ ಬಂದ ಕೂಡಲೇ ನೋಡಿಕೊಳ್ಳುವುದಾಗಿ” ತನಿಖಾಧಿಕಾರಿಗಳನ್ನು ಬೆದರಿಸುತಿದ್ದಾರೆಂದು ಇಂದು ‘ಪ್ರಜಾವಾಣಿ’ ವರದಿ ಮಾಡಿದೆ. ಅದೇ ರೀತಿ ಭವಾನಿ ರೇವಣ್ಣ ತನಿಖಾಧಿಕಾರಿಗಳನ್ನು ಏಳು ಗಂಟೆಗಳ ಕಾಲ ಹೊಳೆನರಸೀಪುರದ ಮನೆ ಮುಂದೆ ಕಾಯಿಸಿದ್ದಾರೆ ಎಂಬುದೂ ಸುದ್ದಿಯಾಗಿದೆ.

- Advertisement -

ಜಗತ್ತಿನ ಅತಿದೊಡ್ಡ ಲೈಂಗಿಕ ಪ್ರಕರಣಗಳ ಸಾಲಿಗೆ ಸೇರಬಹುದಾದ ಈ ಪ್ರಕರಣದಲ್ಲಿ ಆರೋಪಿಯಾಗಿರುವವರು ಈ ದೇಶದ ಪ್ರದಾನಮಂತ್ರಿ ಮತ್ತು ರಾಜ್ಯದ ಮುಖ್ಯಮಂತ್ರಿಗಳಾಗಿದ್ದ ಅತ್ಯಂತ ಪ್ರತಿಷ್ಠಿತ ಹಾಗೂ ರಾಜ್ಯಾಧಿಕಾರದ ಅತ್ಯುನ್ನತ ಸ್ಥಾನದಲ್ಲಿರುವ ಕುಟುಂಬದ ಸದಸ್ಯರು. ಅದರಲ್ಲೂ ಈಗ ರಾಷ್ಟ್ರಾಧಿಕಾರ ಹೊಂದಿರುವ ಅತ್ಯಂತ ಪ್ರಭಾವಿ ಸರ್ಕಾರ ಮತ್ತು ಪ್ರಭಾವಿ ಪಕ್ಷದೊಂದಿಗೆ ಶಾಮೀಲಾಗಿರುವ ಕುಟುಂಬ. ಅಂತೆಯೇ ರಾಜ್ಯ ರಾಜಕಾರಣದ ಅತ್ಯಂತ ದೊಡ್ಡ ಮತ್ತು ಪ್ರಭಾವಿ ಸಮುದಾಯಕ್ಕೆ ಸೇರಿದ ಕುಟುಂಬ. ಕಳೆದ ನಾಲ್ಕು ದಶಕಗಳಿಂದ ಅನೇಕ IAS, IPS ಅಧಿಕಾರಿಗಳ ವರ್ಗಾವಣೆ, ಬಡ್ತಿ, ಆಯಕಟ್ಟಿನ ಜಾಗಗಳಿಗೆ ಹಾಕಿದ ಮತ್ತು ಎದುರಾಡಿದವರನ್ನು ಕಸದ ಬುಟ್ಟಿಗೆ ಎಸೆದಂತೆ ಎಸೆದ ಕುಟುಂಬವಿದು.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಸಂವಿಧಾನದ ಒಂಬತ್ತನೇ ಅನುಸೂಚಿ: ಉದ್ದೇಶ, ಕಾಯ್ದೆಗಳ ಸೇರ್ಪಡೆ ಮತ್ತು...

ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರ ಮೀಸಲಾತಿ ಕೋಟಾ ಹೆಚ್ಚಿಸಿ ರಾಜ್ಯ ರೂಪಿಸಿದ ಕಾಯ್ದೆಯನ್ನು ಉಚ್ಚ ನ್ಯಾಯಾಲಯ ರದ್ದುಗೊಳಿಸಿರುವುದನ್ನು, ಪರ್ಯಾಯ ಕಂಡುಕೊಳ್ಳದೆ, ರಕ್ಷಿಸಿಕೊಳ್ಳುವ ಉದ್ದೇಶದಿಂದ ಅನುಸೂಚಿ 9ಕ್ಕೆ ಸೇರಿಸಲು ಕೇಂದ್ರ ಸರ್ಕಾರಕ್ಕೆ ರವಾನಿಸಿದೆ....

ಭತ್ತಕ್ಕೆ ಬೆಲೆಯಿಲ್ಲ, ಅಕ್ಕಿ ದರ ಇಳಿಯುತ್ತಲೇ ಇಲ್ಲ!

ಮುಂಗಾರು ಹಂಗಾಮಿನಲ್ಲಿ ದೇಶಾದ್ಯಂತ ಭತ್ತ ಬಿತ್ತನೆ ಪ್ರದೇಶದಲ್ಲಿ ಗಣನೀಯ ಇಳಿಕೆಯಾಗಿದೆ. ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, 2025-26ನೇ ಸಾಲಿನಲ್ಲಿ 449.18 ಲಕ್ಷ ಹೆಕ್ಟೇರ್‌ಗಳಷ್ಟಿದ್ದ ಭತ್ತ ಬಿತ್ತನೆ ಪ್ರದೇಶ,...

ಸಾಮಾಜಿಕ ಜಾಲತಾಣದಲ್ಲಿ Belonging ಆತ್ಮಕಥನ ಬಿಡುಗಡೆ ಸಮಾರಂಭದ ಪಟಗಳದೇ...

ಒಬ್ಬ ತಾಯಿಯ ಬದುಕಿನ ಪುಟಗಳು ಪುಸ್ತಕವಾಗಿ ಹೊರಬಂದ ದಿನ, ಮಕ್ಕಳ ಕಣ್ಣಲ್ಲಿ ಹೆಮ್ಮೆ ಮತ್ತು ವಾತ್ಸಲ್ಯ ಒಟ್ಟಿಗೆ ತುಂಬಿಕೊಂಡಿತ್ತು. ತಾಯಿಯ ಮಾತುಗಳನ್ನು ತದೇಕಚಿತ್ತದಿಂದ ಆಲಿಸುತ್ತಿದ್ದ ರಾಹುಲ್ ಗಾಂಧಿ, ತನ್ನ ಬದುಕಿನ ಅಮೋಘ ಕ್ಷಣಗಳನ್ನು...

ಈಗಿನ ಎಸ್.ಐ.ಟಿ. ಅಧಿಕಾರಿಗಳಿಗೆ ಇದೆಲ್ಲ ಗೊತ್ತಿಲ್ಲದ ವಿಷಯವಲ್ಲ. ಅವರು ಮನಸ್ಸು ಮಾಡಿದರೆ ಈ ಪ್ರಕರಣದ ನಂತರ ಅವರು ಹೇಗೆ ನಮ್ಮನ್ನು ಫುಟ್ಬಾಲ್ ಆಡಬಲ್ಲರು ಎಂಬುದೂ ಗೊತ್ತಿಲ್ಲದಿಲ್ಲ. ಹೀಗಿರುವಾಗ ಪ್ರಜ್ವಲ್, ರೇವಣ್ಣ, ಭವಾನಿಯರಿಗೆ ಇಂತವರ ಮೇಲೆ ಹೇಗೆ‌ ಅಧಿಕಾರ ಚಲಾಯಿಸಬೇಕು ಎಂಬುದು ಗೊತ್ತಿದೆ. ಈ ಸಂದರ್ಭದಲ್ಲಿ ಹೇಗೆ ಇವರನ್ನು ಹೆದರಿಸಬಹುದು ಎಂಬುದೂ ಗೊತ್ತಿದೆ. ಇವರ ಹಿಂದೆ ದೇವೇಗೌಡರಂತ ದೇವೇಗೌಡರು, ಮೋದಿಯಂತಹ ಮೋದಿಯವರು, ಕುಮಾರಣ್ಣನಂತಹ ಕುಮಾರಣ್ಣನವರೂ ಹಿಮಾಲಯದಂತೆ ನಿಂತಿದ್ದಾರೆ ಎಂಬುದೂ ಗೊತ್ತಿದೆ. ಇವರ ಅಧಿಕಾರಾವಧಿಯಲ್ಲಿ ಇವರ ಪ್ರಭಾವದಿಂದ ಅದೆಷ್ಟು ಜನ ಇವರ ಆಪ್ತರು ನ್ಯಾಯಮೂರ್ತಿಗಳಾಗಿಲ್ಲ? ಅದೆಷ್ಟು ಮಂದಿ ಹಿರಿಯ ಶ್ರೇಣಿಯ IAS, IPS ಗಳು ಇಂದಿಗೂ ಇವರ ಮನೆ ಬಾಗಿಲು ಕಾಯುತ್ತಿಲ್ಲ. ಇವರಿಗೆ ಮುಗಿಬಿದ್ದು ಇವರ ಈ ‘ಕಷ್ಟಕಾಲದಲ್ಲಿ’ ಇವರಿಗೆ ಕಾನೂನು ಸಲಹೆ ನೀಡುತ್ತಿಲ್ಲ. ಈಗ ತನಿಖೆ ಮಾಡುತ್ತಿರುವ ಅಧಿಕಾರಿಗಳ ಮೇಲೆ ಅದೆಷ್ಟು ಒತ್ತಡ ಹಾಕುತ್ತಿಲ್ಲ ಎಂಬ ಪರಿಕಲ್ಪನೆ ನಮ್ಮ‌ ಮುಗ್ದ ಜನಸಾಮಾನ್ಯರಿಗೆ ಇರಲಾರದು.

ಇದನ್ನು ಓದಿದ್ದೀರಾ?: ಯಾರು ಅಧಿಕಾರಕ್ಕೆ? ಬೇರೆಯೇ ಭವಿಷ್ಯ ಹೇಳುತ್ತಿವೆ ಗ್ರೌಂಡ್‌ನಲ್ಲಿ ಕೆಲಸ ಮಾಡಿರುವ ನಾಗರಿಕ ಸಂಘಟನೆಗಳು

ಆಂಧ್ರದ ಗ್ಯಾಂಗ್ ರೇಪ್‌ನಲ್ಲಿ ಸಿಕ್ಕಿಬಿದ್ದ ಅತ್ಯಂತ ಕಡುಬಡವರು, ದಿಕ್ಕಿಲ್ಲದವರು, ಕನಿಷ್ಠ ಅಪರಾಧದ ಸುಳಿವೂ ಇಲ್ಲದ ಆಪಾದಿತರನ್ನು ಹಿಡಿದು ಪ್ರಾಥಮಿಕ ವಿಚಾರಣೆಯೂ ಇಲ್ಲದೆ ಎನ್ಕೌಂಟರ್ ಮಾಡಿ ಮುಗಿಸಿದ “ಹೀರೋಯಿಕ್” ಪ್ರಕರಣವನ್ನು ಒಮ್ಮೆ ಈ ಪ್ರಕರಣದೊಂದಿಗೆ ಇಟ್ಟು ನೋಡಿ. ಈ ದೇಶದ ಪೋಲಿಸ್ ಮತ್ತು ಕಾನೂನಿನ ತನಿಖಾ ವ್ಯವಸ್ಥೆಯ ತಾರತಮ್ಯದ ಸತ್ಯದರ್ಶನವಾಗುತ್ತದೆ.

ಇಲ್ಲಿ ಈ ‘ಹೈ ವೋಲ್ಟೇಜ್’ ಪ್ರಕರಣದ ಹಿನ್ನೆಲೆ ಮತ್ತು ಆಗಬಹುದಾದ ಪರಿಣಾಮಗಳ ಬಗ್ಗೆ ನಿಮ್ಮ ಗಮನ ಸೆಳೆದಿದ್ದೇನೆ ಅಷ್ಟೇ. ಆದರೆ ತನಿಖೆ ಮಾಡುತ್ತಿರುವವರ ಬಗ್ಗೆ ನಾವು ಅನಗತ್ಯವಾಗಿ ಅನುಮಾನ ಪಡುವುದು ಬೇಡ. ಅವರ ಬಗ್ಗೆ ಅಪಾರ ವಿಶ್ವಾಸ ಇಡೋಣ. ಆದರೆ ಈ ಸನ್ನಿವೇಶದಲ್ಲಿ ಕೆಲವೇ ಜವರಿಗೆ ಅತ್ಯಂತ ಬಲಿಷ್ಠವಾದ ನೈತಿಕ ಬೆಂಬಲ ನೀಡಬೇಕಾದ ಅವಶ್ಯಕತೆಯಿದೆ. ಆ ಬೆಂಬಲವನ್ನು ನಮ್ಮಂತಹ ಜನಸಾಮಾನ್ಯರು ಕೊಟ್ಟರೆ ಸಾಲದು. “ಯಾವುದೇ ಪೂರ್ವಗ್ರಹವಿಲ್ಲದೆ ನಿಷ್ಪಕ್ಷಪಾತ ತನಿಖೆ‌ ಆಗಲಿ… ನಾವೆಲ್ಲ ನಿಮ್ಮೊಂದಿಗೆ ಇರುತ್ತೇವೆ” ಎಂದು ಸರ್ಕಾರ ಮತ್ತು ಸರ್ಕಾರದಲ್ಲಿರುವ ಅಧಿಕಾರಸ್ಥರು, ವಿರೋಧ ಪಕ್ಷದ ನಾಯಕರು, ಜನಪರ ರಾಜಕಾರಣಿಗಳು, ನಿಷ್ಠುರ ಪತ್ರಕರ್ತರು, ನಿವೃತ್ತ ನ್ಯಾಯಮೂರ್ತಿಗಳು, ನಿವೃತ್ತ IAS, IPS ಅಧಿಕಾರಿಗಳು, ಮಿಲಿಟರಿ ಅಧಿಕಾರಿಗಳು, ಬುದ್ಧಿಜೀವಿಗಳು ಮತ್ತು ಬದ್ಧತೆಯಿರುವ ಹೋರಾಟಗಾರರು ಗಟ್ಟಿಯಾಗಿ ಹೇಳಬೇಕಿದೆ.
ಅಧಿಕಾರ ರಾಜಕಾರಣದ ಲೈಂಗಿಕ ಅಪರಾಧಿ ಇತಿಹಾಸದಲ್ಲಿ ದಾಖಲಾಗುವ ಈ ಪ್ರಕರಣದಲ್ಲಿ ನಾವೆಷ್ಟು ನೈತಿಕ ಜವಾಬ್ದಾರಿಯಿಂದ ವರ್ತಿಸಿದೆವು ಎಂಬುದನ್ನೂ ಇತಿಹಾಸ ಮರೆಯುವದಿಲ್ಲ.

-ಸಿ.ಎಸ್.ದ್ವಾರಕಾನಾಥ್

eedina
ಈ ದಿನ ಡೆಸ್ಕ್‌
Website | + posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಷೇರುದಾರರ ಇಂದಿನ ಜಾಗತಿಕ ಮಂತ್ರ- ‘ಅಮೆರಿಕವನ್ನು ನಂಬಿ ಹಣ ಹೂಡಿ’

ಅಮೆರಿಕನ್ನರು ಮಾತ್ರವಲ್ಲ, ವಿದೇಶಗಳ ಸಾಮಾನ್ಯ ಜನರೂ ಮುಗಿಬಿದ್ದು ಅಮೆರಿಕದ ಷೇರುಗಳನ್ನು ಕೊಳ್ಳುತ್ತಿದ್ದಾರೆ....

ಕುಟುಂಬದ ಬಗ್ಗೆ ಹಬ್ಬಿರುವ ‘ಅವಾಸ್ತವಿಕ’ ಕಥೆಗಳಿಗೆ ಉತ್ತರಿಸಲು ಆತ್ಮಚರಿತ್ರೆ ಬರೆದೆ: ಸೋನಿಯಾ ಗಾಂಧಿ

ತಮ್ಮ ಕುಟುಂಬದ ಬಗ್ಗೆ ಹಲವಾರು 'ಅವಾಸ್ತವಿಕ' ಮತ್ತು ಸತ್ಯಕ್ಕೆ ದೂರವಾದ ಕಥೆಗಳನ್ನು...

ಮಣಿಪುರ ಹಿಂಸಾಚಾರ | ಹತ್ಯೆಯಾಗಿ ಆರು ತಿಂಗಳ ಬಳಿಕ ಆರು ನಾಗಾ ಯುವಕರ ಅಂತ್ಯಕ್ರಿಯೆ

ಮಣಿಪುರದ ಕಾಂಗ್‌ಪೋಕ್ಪಿ ಜಿಲ್ಲೆಯ ಲೈಲಾನ್ ವೈಫೇಯ್ ಗ್ರಾಮದಿಂದ ಕಳೆದ ಮೇ 13...

ಅಂಕಿತಾ ಭಂಡಾರಿ ಹತ್ಯೆ: ಸಂತ್ರಸ್ತೆಯ ಖಾಸಗಿ ಚಾಟ್ ಬಹಿರಂಗಪಡಿಸಿದ ಹಂತಕನ ತಂದೆ, ಬಿಜೆಪಿ ಮಾಜಿ ಮುಖಂಡ ವಿರುದ್ಧ ದೂರು

ದೇಶಾದ್ಯಂತ ತೀವ್ರ ಸಂಚಲನ ಮೂಡಿಸಿದ್ದ ಉತ್ತರಾಖಂಡದ ಅಂಕಿತಾ ಭಂಡಾರಿ ಹತ್ಯೆ ಪ್ರಕರಣದಲ್ಲಿ...