ತಮಿಳುನಾಡಿನಲ್ಲಿ ಸರ್ಕಾರ ರಚನೆಯ ಕಸರತ್ತು ತೀವ್ರಗೊಂಡಿದ್ದು, ಕೊನೆಗೂ ನಟ ಜೋಸೆಫ್ ವಿಜಯ್ ನೇತೃತ್ವದ ತಮಿಳಗ ವೆಟ್ರಿ ಕಳಗಂ (ಟಿವಿಕೆ) ಪಕ್ಷಕ್ಕೆ ವಿದುತಲೈ ಚಿರುತೈಗಳ ಕಚ್ಚಿ (ವಿಸಿಕೆ) ಬೆಂಬಲ ಘೋಷಿಸಿದೆ. ಬೆಂಬಲ ನೀಡುವುದಾಗಿ ಘೋಷಿಸಿದ ಪತ್ರವನ್ನು ಟಿವಿಕೆಗೆ ನೀಡಿದೆ.
ವಿಸಿಕೆಯ ತೋಲ್ ತಿರುಮಾವಲವನ್ ಅವರು ಸಿ. ಜೋಸೆಫ್ ವಿಜಯ್ ಅವರ ಟಿವಿಕೆಗೆ ತಮ್ಮ ಬೆಂಬಲವನ್ನು ದೃಢಪಡಿಸಿದ್ದಾರೆ ಮತ್ತು ಬೆಂಬಲ ಪತ್ರವನ್ನು ನೀಡಿದ್ದಾರೆ ಎಂದು ಟಿವಿಕೆ ನಾಯಕ ಆಧವ್ ಅರ್ಜುನ ಹೇಳಿದ್ದಾರೆ.
ಆರಂಭದಲ್ಲಿ 108 ಸ್ಥಾನಗಳನ್ನು ಗೆದ್ದಿದ್ದ ಟಿವಿಕೆಗೆ ಸರ್ಕಾರ ರಚಿಸಲು 118 ಶಾಸಕರ ಬೆಂಬಲದ ಅಗತ್ಯವಿತ್ತು. ಕಾಂಗ್ರೆಸ್, ಸಿಪಿಐ, ಸಿಪಿಎಂ ಹಾಗೂ ವಿಸಿಕೆ ಪಕ್ಷಗಳ ಬೆಂಬಲದೊಂದಿಗೆ ಟಿವಿಕೆ ಈಗ ಈ ಮ್ಯಾಜಿಕ್ ಸಂಖ್ಯೆಯನ್ನು ತಲುಪಿದೆ.
ಇದನ್ನು ಓದಿದ್ದೀರಾ? ಅಹಂಕಾರದ ಪರಮಾವಧಿ: ವಾಟ್ಸ್ಆ್ಯಪ್ನಲ್ಲಿ ಬೆಂಬಲ ಕೇಳಿದ ವಿಜಯ್ಗೆ ವಿಸಿಕೆ ತರಾಟೆ
This video cannot be played in your browser. Open the video directly
ವಿಸಿಕೆ ತನ್ನ ಬೆಂಬಲಕ್ಕೆ ಪ್ರತಿಯಾಗಿ ದೊಡ್ಡ ಬೇಡಿಕೆಯನ್ನು ಇಟ್ಟಿದೆ. ಪಕ್ಷದ ನಾಯಕ ತೋಲ್ ತಿರುಮಾವಳವನ್ ಅವರಿಗೆ ಉಪ ಮುಖ್ಯಮಂತ್ರಿ (DCM) ಹುದ್ದೆ ನೀಡಬೇಕು ಎಂದು ವಿಸಿಕೆ ಒತ್ತಾಯಿಸಿದೆ.
ಈಗಾಗಲೇ ಎಡಪಕ್ಷಗಳಾದ ಸಿಪಿಐ ಮತ್ತು ಸಿಪಿಎಂ ಟಿವಿಕೆಗೆ ಬೇಷರತ್ ಬೆಂಬಲ ನೀಡಿವೆ. ಕಾಂಗ್ರೆಸ್ ಕೂಡ ಈ ಹಿಂದೆಯೇ ಬೆಂಬಲ ಸೂಚಿಸಿತ್ತು.
ಟಿವಿಕೆ: 108
ಕಾಂಗ್ರೆಸ್: 5
ಸಿಪಿಐ: 2
ಸಿಪಿಐಎಂ: 2
ವಿಸಿಕೆ: 2
ಒಟ್ಟು ಟಿವಿಕೆ ಮೈತ್ರಿಕೂಟ: 119 (ವಿಜಯ್ ಗೆದ್ದ ಎರಡು ಕ್ಷೇತ್ರಗಳು ಸೇರಿ)
